بنورك حبيب قلبي حيدر الحسناوي ههههههه
بنورك حبيب قلبي حيدر الحسناوي ههههههه
ذاك اليوم صاعد وية سايق تكسي سألني عن مهنتي كلتله أستاذ جامعي ، أشو صاحبنا حما للأخير كال لي (أتحداك وأتحدى 50 مثلك اذا عدهم معلوماتي) ، غير يستقر ألبرت أنشتاين، المشكلة بالنقاش طلع شغلته راس كوب أو (سُبّيس) بتسمية هالوكت رواية متفقة عليها المذاهب ما عرفها ، صدك جذب يا اخي ليش تحمون وبعدين تنقصفون؟
مرحباً: صار كومة ما طاب هنا ، صارن عندي شغلات أكتبهن إلكم بس ينراد أشوف واحد يساعدني حتى أنزل الصور اللي أخذتهن بالمذكرات، انتظروني باجر ان شاء الله أحط إلكم الصور
بالمُجمَل: رحت لندوة صُنّاع الأمل ، اللي ميعرف شنو يعني (صُنّاع الأمل) .. هذولة الناس المتطوعين لمساعدة المحتاجين مثل أستاذ هشام الذهبي اللي أنشأ دار لرعاية الأيتام وإسكانهم وتنمية مواهبهم، شي جميل لمن تساعد اليحتاجك لكن وأنت تساعده انظر له كإنسان مثلك اليوم يحتاجك باجر ممكن انت تحتاجه .. لتنظر له كمستحق للشفقة وأنك تريد تحصل براسه ثواب، هذا يسموه طمع مو تطوع حتى لو كان غرضك الثواب ، لأن حتى في عبادتك لله سبحانه لازم تكون عن قناعة بإنه الخالق لهذا الكون المستحق لأن تعبده .. مو لأن عنده نار تخاف لا يشويك بيهة أو عنده جنة تطمع أن يحطلك مكان بيهة
ندوتين استضاف العراق بيهة اثنين من صُنّاع الأمل هما (مَعالي العسعوسي) من الكويت و (محمود وحيد) من مصر، تعرفت عليهم خلال الندوة واستفدت منهم
أيضاً شاركت بمهرجان (أنا عراقي، أنا أقرأ.) بموسمه السابع اللي انطلق السبت الماضي (يوم 13 نيسان 2019) حصلت تقريباً 7 مجلات ، هذا المهرجان يشجع على القراءة يوزعون خلاله كتب مجانية على الحاضرين ومسابقات وبعض النشاطات الثقافية.
وهالأسبوع ماخذ إجازة من الكلية وشارد لكلية الآداب داخل دورة مال سلامة لغة، يا أخي الدراسة حتى لو صعبة وتلعب النفس بس حلوة
وجان تخلص الظروف الطارئة وأجيكم مرة لُخ، صحيح انشويت شوياً مبرحاً بس الحمد لله رب العالمين وفقني وخلصت منها.
قدمت على دراسة الدكتوراه على قناة ذوي الإعاقة لكوني كفيف البصر يعني من مستحقي هذا المقعد، الكارثة اللي شفتها من رحت أطلب التقديم على هذا المقعد أثناء مراجعتي لهيئة رعاية ذوي الإعاقة والاحتياجات الخاصة، ياهو اليجي مسوي نفسه معاق مثلاً اللي شوية يعرج بالمشي سوة نفسه معاق حركياً وراح يقدم للدراسات العليا على هذا المقعد، واللي يقرأ بالنظّارة سوة نفسه كفيف بصر و..... والدكتورة المسؤولة كلشي متفتهم ولا تنتبه عالتقرير وأي واحد يجيهة توافق له ، يعني الوضعية زفت، مدري شأكول بس ناس ما عدهم ضمير حشا القارئ.
الشوي الزين لمن تريد تقدم للدكتوراه قراءة مستمرة ومواد صعبة والمصيبة الأسئلة صواريخ باتريوت مو شي عادي، على كل حال امتحنت وصرت صاج مال دجاج -الجوعان يتفضل ياكلني هههع- وظليت متزعزع الكيان ليكون ما أنقبل وأخسر التحدي اللي بذلت من أجله جهد مضني وصارت مشاكل
رد مع اقتباس