اليوم فارغ لا مذكرات لا أحداث تُذكَر .. الطلبة غائبون والأساتذة بعضهم في اجازة والمتوقع أنا أيضاً أطلب اجازة
اليوم فارغ لا مذكرات لا أحداث تُذكَر .. الطلبة غائبون والأساتذة بعضهم في اجازة والمتوقع أنا أيضاً أطلب اجازة
بما إننا في عطلة طويلة، اذاً لا أحداث بالتالي لا مذكرات
المشاركة الأصلية كتبت بواسطة the investigator
خسارة كنت أستمتع هنا بين مذكراتك .. سأنتظر مذكراتك القادمة بفارغ الصبر ..
مِن ذكريات الماضي القريب، كنت سنة أولى في الماجستير -أو السنة التحضيرية كما تسمى في العراق- يوم من الأيام كاعد بالقاعة أشوف اجا زميلي يكول (لعد أشو حسن ما طلع للبيت هياته كاعد) آني وباقي الطلبة استغربنا فسألته (ليش أطلع مو عدنة بعد محاضرة؟) جاوبني (غير جدّك متوفي ولازم تروح وتاخذ اجازة مال فاتحة) .. هنا صفنت بس انتبهت بسرعة الزميل مختلطة عنده المعلومات ، الحقيقة بنفس اليوم زميلنا ثاني اسمه حيدر توفت بيبيته -يعني جدّته بالعراقي- بس ابو مصطفى ما سامع الاسم بوضوح لأن كانت هوسة من سمعنا الخبر ، أكيد صححت المعلومة كتله (لا هاي بيبية حيدر توفت، جدّي صار أكثر من 30 سنة متوفي)، وراها حبيت شوية أمازح الزملاء وكفت بنص القاعة وكلتلهم يلا وينكم عزّوني بوفاة جدّي قبل 30 سنة والميعزّيني أزعل عليه .
تذكرت شغلة تضحِّك العام الماضي، جنت توني متعين بالكلية دا أتمشى حتى أروح للمحاضرة .. سمعت طالبة تسولف وية صديقتها (مو يجي واحد مواليد 2000 يتفيك علية) سألتها صديقتها (ليش انتِ يا مواليد؟) جاوبَت (مواليد 2000) ، على كولتنا قصفت نفسها بنفسها ههههههه
صباحك خير دائم .. ابتسمت من شفتك رجعت تكتب بالمذكرات .. طبعاً أكثر شي ضحكني كلام البنت ويا صديقتها ..
بانتظار جديدك .. اتمنى لك التوفيق الدائم .. تحياتي
سرَّني مروركِ الجميل، غداً يعود الدوام وأعود الى الشارع وبإذن الله أُسَطِّر ما يشد انتباهي
مرحباً: اليوم عُدتُ ببعض المذكرات
بالبداية رحت وية اخوية ديسجل يمي بس بقسم تقنيات الأجهزة الطبية، وشوفو المسافة التفليشية من بيتنا للدورة
الشي اليضحك واليتكرر كل يوم، عدنة طالب بالكلية بس ما ادري بيا قسم يومية يوكف من الصبح بركن بالممر ويغني اغانية اشكال ويجر موالات ويقرة شعر هم اذا يعجبه يعني باختصار مسويلكم حفلة مجانية فاللي يريد يتونس خلي يزورني بالكلية قبل ساعة 12 ههههع
رد مع اقتباس