شكراً أختي أسأل الله لكِ مثل ما دعوتِ وأكثرالمشاركة الأصلية كتبت بواسطة فاطمة الشهري
ذكريات جميله اسأل الله لك السعاده والهناء في حياتك أخي
شكراً أختي أسأل الله لكِ مثل ما دعوتِ وأكثرذكريات جميله اسأل الله لك السعاده والهناء في حياتك أخي
شبيكم مضغوطات هههههههههنعم انتم جنس ادم كـ الافاعي
بالتوفيق
اسئل الله لكم السعاده الدائمه اخي الحبيب
للجميع أخي
ممتن على تعطير المذكرات بالمرور الرائع ربي يوفقكم ويرزقكم خير الدنيا والآخرةاسئل الله لكم السعاده الدائمه اخي الحبيب
رجعنا لبغداد ورة كم يوم افتتحو دورة أخرى لتعليم الحاسوب في معهد النور للمكفوفين [مدرستي القديمة)، أيضاً سجلت بيهة والشيء الجميل فعلاً شفت أصدقائي البقية اللي ما شايفهم من زمان مثل ضرغام وقاسم هالدورة كانت تشبه سابقتهة لكن علمونا على الانترنت أيضاً مو بس حاسوب مثل اللي قبلها، ، أيضاً أخذت من ضرغام أرقام أصدقاء آخرين كانو مختفين والحمد لله بعدنة نتواصل لهسة.
انتهت العطلة الصيفية واجتنا مرحلة ثانية، يعني مادة القانون المدني / الإلتزامات .. يعني الرعب يعني الصعوبة ، أيضاً مادة المالية العامة هم يعني الرعب والصعوبة، تصدكون مرتين اجتني كوابيس من وراهن
كانت عدنة مادة اسمها قانون العمل، يجينة بيهة أستاذ كلش كبير بحيث مابيه حيل يسيطر على القاعة وجمالة قاعتنا بيهة 110 ، باختصار المحاضرة تصير سوك الأستاذ بوادي واحنة بوادي هو يشرح والوضع هوسة .. صاحبكم لازم ياخذ نصيبه من الخباثة والنوب كاعد بصفي ولد اسمه أوس هم خبيث فتشتغل الخباثة واحد يضرب الثاني بالقلم او تصير شخبط على الكتب (لأن الكتب احنة مشتريهن مو مال حكومة فبكيفنة شنسوي مو حرام ولا ممنوع) أو نتفق على شخص نخبث عليه أي ولد يكعد كدامنة يحصل ضربة بكتاب على ظهره واذا بنية عمدني أشمر كتابي جوة رحلتهة حتى تنطينياه تترك التركيز وية الاستاذ لأن جانت سجّاجة درجة أولى هههههههههه
مرات كنا نسوي هوسة بمادة الأحوال الشخصية فالأستاذة تضرب بإيدهة عالمنصة حتى تسكتنا، مرة هم سوينة هوسة دكّت بإيدها وكالت (طلاب ميصير رح ينكسر المحبس ، ذاك اليوم كسرت محبسي من الضرب عالمنصة شلون وياكم) احنة جاوبناها (اخذي تعويض) . بالمحاضرة الأخرى هم دخلت وهم هوسة رادت تدك عالمنصة كلنالهة (لا ست لينكسر المحبس)، هههههههه شكد خبثاء لعد احنة!
رد مع اقتباس
