عدّينة الكورس الأول احنة الدراسات العليا بعد ما تعبنا وشبعنا تهم من الجهلة الأغبياء بإننا خونة ومتخاذلين لأن استمرّينا بالدوام ما كعدنة بالبيت ، نجحت بمعدل 76 بس أشعر أني مظلوم في مادّتَين -بدون التصريح- أكو ناس دوامهم كلاوات طلعو معدل عالي شلون متدري؟
أسوأ شي بالدراسات العليا القانون الامتحان الشفهي مال الفاينال، تقرأ كتابين لو ثلاثة وتروح كدام لجنة مكونة من ثلاث أساتذة وأنت وحظك لو تجاوب وتشيل نفسك لو تنسحل ، طبعاً اللجنة من يشوفوك زين بموضوع معين يدورون على موضوع انت ضعيف بيه وبس يلكوه يستلموك دك أسئلة يكفروك بالهندي، كله ولا امتحان المالية العامة يمكن سألوني 25 سؤال تخيلت نفسي متهم كدام ضباط تحقيق وبعد شوية أتعلك وأنضرب فلقة ههههههه
والكورس الثاني من بدايته بلوى ، أي أستاذ يفوت علينا يكلفنا بورقة عمل وتعال يا طالب حير جيب له عنوان فلسفي لو دقيق وأكتب بيه، باختصار الدراسات العليا بالعراق تعذيب للطالب أكثر من توسيع لقدراته.
وهسة خو وكف الدوام بسبب كورونا الغضب واشتغل التعليم الإلكتروني على whats up أو google classroom وبدأت وياه مصايب النت الضعيف
ما حيرني شي بالدراسة هالسنة أكثر من القرار السخيف لوزير التعليم العاليبجعل مناقشات رسائل الماجستير وأطاريح الدكتوراه سرية، بسبب هذه الخطوة الهوجاء انحرم طلبة الدراسات العليا من المعلومات التي كانو يستفيدون منها عندما يحضرون المناقشات ويستمعون إلى الحوارات التي تدور فيها والمعلومات التي يضخها أعضاء لجنة المناقشة ويتعلمون أساليب النقاش والرد
هاي مذكراتي للفترة الفاتت هسة كاعد بالبيت لا عندي واهس أدرس ولا أكدر أطلع من ورة الوضع التعبان وتعال عدل نفسيتك شلون متدري
يعني بديتو بالتعليم الالكتروني ؟المشاركة الأصلية كتبت بواسطة م.م حسن سعيد
احنا تدريسية وحدة تواصلت ويانه واول مبلشت كفختنا بـ 3 مواضيع دفعة وحدة فالطلاب رافضين
ويطالبون بالغاء هذه الطريقة من التعليم
شلون ازعاج واحد يحس نفسه تايه
يا جامعة بغداد لو نهرين؟ اذا نهرين طبيعي يشووكم هههههه احنة دينزلون محاضرات بس مشكلة قافلين إلا حسابات الكلية وهاي ما كاعد تشتغل عدنة
الجامعة المستنصرية , واعتقد كلية العلوم ماستر عدنا بالجامعة هم بدوا ياخذون دروس و الدكتوراه آداب فلسفة هم دياخذون
هي المشكلة اذا بقوا ينطون الكترونياً المادة تمشي واكو مواد صعبة الا التدريسي يشرحها
اذا محجينه اكيد راح تجي تمشي هم 3 محاضرات وتطالبنا بــ بيبرات والوقت كله يضيع تلزيك بالبيبرات نجيب ونحط
والنتيجة لا فاهمين ولاحافظين
شيفهم السيد الوزير اللي مسوي نفسه أرسطو علينا
يمعود ولايمه الموضوع
ليش هو بس هو ارسطو كل الاساتذة صايرين ارسطو براسنا
بس لاتبقى العطلة اكثر غير سنة تعيسة
رد مع اقتباس