لَمَّن آني ما أعرف أعزف ناي ليش اشتريته؟ هاي سوالف اليدورون فيكات أمثالي متصيرلهم جارة (بالجيم الثقيلة ch) ولا يرهم وياهم حَل.
لَمَّن آني ما أعرف أعزف ناي ليش اشتريته؟ هاي سوالف اليدورون فيكات أمثالي متصيرلهم جارة (بالجيم الثقيلة ch) ولا يرهم وياهم حَل.
اليوم رحت اجدد الهوية مال محامين للنقابة قابلت ست أحلام نقيبة المحامين ،وطبعاً انصدم الأشخاص اللي كانو حاضرين يعني ماجستير قانون تاليهة ما متعين! هذا وضع البلد الفاشل ويكلك ليش تريد تهاجر؟ خطية من الراتب اليجي الية 5 ملايين وآني ما أدري، غير من الوضع المصخم حشاكم.
أهم شي شفت توأمي الصغير محمود محمد هم كان يطلع هوية هناك على ما أظن، المهم هو بخير والحمد لله بس بالنهاية شفت واحد ما توقعت أشوفه هناك، peace on you !! معقولة الفنان وسام ضياء هناك! اشونكم عيني طلع الأخ خريج كلية القانون رايح يطلع هوية محامي، ردت آخذ صورة وياه بس شفتها ازدحام كلهم يريدون يصورون وياه واستحيت من ست أحلام كانت موجودة ليغاد.
هاي بارحة يعني بتاريخ ٨ / ٢ / ٢٠١٩ الساعة 1 و 8 دقايق م. جنت أنتظر صديقي اللي تواعدت وياه بساحة عدن وتأخر علية لهذا تشوفوني شوية مدلغم
هاي بمعرض بغداد للكتاب نفس التاريخ لكن ساعة ٣ و٥٦ دقيقة مساءً بجانبي الاستاذ الدكتور أكرم فاضل الانسان الراقي وأحد أعلام القانون المدني وعلى اليسار الضلع حُر رسول
مو كلتلكم بالمعلومات آني ضعيف أمام الكتب، بارحة عود ما مشتري هواية صرفت 80 ألف عالكتب حتى مدا أعرف أصورهن وأنزل صورتهن هنا
موقع البرلمان العراقي صاير فاشل لا ينشرون مشاريع القوانين ولا القوانين الصادرة تنشر بسرعة
أكو ناس ميجون الّا بالضغط والتهديد، مع ذلك بعد ما أأمن لشخص كذب مرة وحلف كذب، اليسويهة مرة يعيدهة مرة ثانية وثالثة و......
شوفو شسويت بالغداء!، اليوم وحدي بالبيت كلهم سافرو لكربلاء بقيت آني لأن عندي شغلة ضرورية ما أكدر أروح وياهم، المهم جعت وردت أسوي غداء لنفسي والنتيجة ( بتيتة وبصل مقطعات بشكل غلط ومقليات بشكل هم غلط وأهم شي مليانات زيت مليانات ) ، هاي نتيجة اليتفيك ويسوي نفسه عبقري يحط إيده بشي ميعرفه .. المهم لتخافون أكلته كله
الحصيلة الكلية لمعرض بغداد الدولي للكتاب 1٨ كتاب ومجلة
رد مع اقتباس
