في بوابة كلية الحقوق / جامعة النهرين، بعد زيارة لها، كان يوماً رائعاً ألتقيت فيه بعدد من أساتذتي اللذين درّسوني.
في بوابة كلية الحقوق / جامعة النهرين، بعد زيارة لها، كان يوماً رائعاً ألتقيت فيه بعدد من أساتذتي اللذين درّسوني.
شلون مصيبة يا أستاذ يجي يريد ياخذ القانون الإداري، آني بالكوة رتبت أمري وحولت المادة حتى أقراها، مدري كدرتهم بس علية واني ما داري بنفسي، ادعو لي رحمة لوالديكم كون يبقى القانون الاداري الية صدك تعبت بيه ومحتاجه بالسيرة الذاتية cv مالتي
مساءكم خير اليوم متعب كله وضع أسئلة وأجوبة عندي مادتين مطلوب مني على كل مادة أحط ثلاث نماذج أسئلة وثلاث نماذج أجوبة ، المدرسين يعرفون شنو صعوبة عملية اختيار الأسئلة والأجوبة وفق معايير الجودة اللي لازم تحتوي ثلث سهل وثلث متوسط وثلث صعب
وفقك الله لكل خير
شكراً ووفقك أيضاًالمشاركة الأصلية كتبت بواسطة أمير ألنحل
عندي كومة شغل : تصحيح أوراق تاريخ قانون مرحلة أولى، امتحان للمؤجلين قانون إداري ومالية عامة مرحلة ثانية، وضع أسئلة وأجوبة هَم للقانون الإداري والمالية العامة مرحلة ثانية لامتحان نهاية الفصل الأول (final examination of first course) ، تسليم درجات السعي للفصل الأول لمادتين المذكورتين مرحلة ثانية
مساءكم عسل أخيراً خلصت الشغل بس تدرون يومين ما نايم عدل من الضغط الصار، مو بس آني بقية زملائي هم هيج صار بيهم، هسة الحمد لله كملنا
قرار منحي اللقب العلمي، الحمد لله أخييييراً صرت رسمياً أحمل لقب ( مُدَرِّس مُساعِد ) اللي تنكتب اختصاراً ( م.م )
مساء الخير: نرجع للمذكرة ولو ماكو شي بيه خير، بشكل عام روتين ممل باستثناء بعض الأحداث البسيطة
أول بارحة عندي محاضرة تاريخ قانون مرحلة أولى، جنت أشرح للطلبة عالشخصية القانونية انطيتهم مثال ( الحيوانات ما عدها شخصية قانونية، يعني لو رحت ضربت هذا العصفور اللي يغرد هسة مرح يكدر يروح للقاضي ويشتكي علية ) وحدة من الطالبات كالت ( أستاذ ليش ضربته ) !هاي شتجاوبها ؟ احنة وين وانتِ وين تسأليني ليش ضربته،
رد مع اقتباس