كمية الخباثة أو عدم الانتباه لدى البعض مو طبيعية، يسولف لي صديقي مدرس عن طالبة تحرق الأول والتالي حتى اليكذب هم ينفضح وتبين كذبته هههههه نياله لو عندي هيج نموذج استفاد منه في كشف خطط الجماعة
كمية الخباثة أو عدم الانتباه لدى البعض مو طبيعية، يسولف لي صديقي مدرس عن طالبة تحرق الأول والتالي حتى اليكذب هم ينفضح وتبين كذبته هههههه نياله لو عندي هيج نموذج استفاد منه في كشف خطط الجماعة
في مقهى البيروتي وقتها چنت كلش ضايج طفرت من الدوام للمقهى تاريخ الصورة 26 / 12 / 2018
التعديل الأخير تم بواسطة د. حسن سعيد ; 12/January/2019 الساعة 1:14 am
رجعت للمذكرات خلي شوية أكتب قبل ما أنام، لمّن تخرب وتصير السالفة مصخمة أحسن شي اطلع تونّس حتى لتشبع قهر وأمراض
جان يجي راس السنة ، يعني الطلعة وية الضلع والونسة الزينة ، رحت للزوراء وية ضلعي حُر وركبنا سكة الموت وسيارات مصادمة ، هاي صورتي بالسيارة لأن ما كدرت أصور بسكة الموت
وهاي وية الضلع حُر
مرّات أسوي سوالف مال ناس مراهقين أو ببداية شبابهم يعني بداية العشرينات، أدري يمكن هالسوالف متليق بية لا من حيث العمر 28 سنة ولا من حيث الوظيفة أستاذ جامعي، بس اذا شفت الضغط علية أكثر من طاقتي أضطر أسوي هيج شغلات حتى أنسى الهم وأتجنب الغضب والتسبب بمشاكل مالهة حلول، مع ذلك أحاول أسوي هالأمور بس بالبيت أو وية الناس المقرّبين الية يعني مو كدّام الغرباء لأن لازم أراعي مسألة العمر والوظيفة
رقم هالمشاركة 456 يعني جريمة الاحتيال بالقانون العراقي، يعني هسة آني صرت كلاوجي أو قفّاص أو 56 ، بما إننا نتكلم عن 56 فد يوم بالصدفة شفت الوقت كان 11 و 56 ص وشحن الموبايل 56% وكتبت مشاركة بالدرر طلع رقمها 456 يعني بين قوسين صرت 56 أصلي خط ونخلة وفسفورة .. ثاني يوم دزيت رسالة لمجموعتي على واتساب بالصدفة صارت مدتها 56 ثانية ومن ذاك الوكت كامو يصيحوني (56) هههه وصار شعاري
56 وأفتخر والما عاجبه ينتحر
نرجع نكمل :
خلّيت موعد امتحان صف أول تاريخ قانون يوم السبت 5 / 1 / 2019 وامتحان صف ثاني قانون اداري بنفس اليوم، طبعاً صف أول قسم منهم اعترضو بس هنا صرت دكتاتور وفرضت رأيي ورفضت أي نقاش لأن يوم السبت كل الطلاب يحضرون .. غير يوم مو كلهم يحضرون بالتالي تعال يومية امتحن مجموعة ودوخ بيهم، مع هذا هم اجوني كم طالب أجلو امتحانهم، مليانين حجج مليانين.
اجا يوم السبت الموعود 5 / 1 وامتحان مرحلة أولى تاريخ قانون، قسمتهم الى مجموعتين A و B حتى لحد يغش وصارت الشكاوي بفلس كل واحد يكول المجموعة الأخرى أسهل ويريد يبدل بس حافظت على دكتاتوريتي وما قبلت التبديل، حقيقة كانت صادمة لهم بس هاي هي ما أخذت البكالوريوس باللعب بالتالي ما أنطي درجات باللعب ولو التعليم الأهلي ميوازي الحكومي بس مو معناه تصير الشغلة فلتان
الهزة الأرضية يوم الأحد 6 كانون الثاني 2019 يمكن قشرة الأرض كانت ترقص في عيد الجيش
المهم، الصار وياية جنت توني كاعد من النوم ساعة 5 الا ربعوشوية دايخ، شعرت أكو اهتزاز بالموضوع .. كلت يجوز لأن دايخ أشعر هيج،
بس أشو الشغلة اختلفت سمعت صوت هز خشب وكمت أحس الجرباية تنهز
كلت لك لا صارت هزة أرضية .. اشرد أبو فلاح .. بس بقيت كاعد عالجرباية أباوع للكنتور شلون ينهز ، بس تخيلت نفسي كاعد بكاروك
في الجامعة التكنولوجية بعد اجراء اختبار صلاحية التدريس، بتاريخ 8 / 1 / 2019
رد مع اقتباس
