مساء الخير، أهووو بارحة هَم نسيت أكتب، المهم نبدي اليوم ونكول يا الله
مساء الخير، أهووو بارحة هَم نسيت أكتب، المهم نبدي اليوم ونكول يا الله
ولا تعجبني حفلات التعارف اللي تصير عدنة بالكلية، كل قسم يسوي حفلة لنفسه بحيث تصير فوضى ، بينما باقي الكليات يسوون حفلة مركزية لكل الأقسام بيوم واحد يصير تنظيم ويخلق عامل جذب للكلية
قبل من جنت اتمشى بالشارع وحدي باستعمال العصا جان اللي يشوفني عباله معاق حركياً يعني ما أكدر امشي، بس هسة تعودو علية بالمنطقة بحيث حتى الاطفال من يشوفوني ويشوفون العصا مالتي يعرفون هاي عصا مال كفيف بصر مو معاق حركي، الدليل ذاك اليوم طالع سمعت طفل يكول لصاحبه (تعال نساعده هذا ميشوف) طبعاً الحمد لله اندل المنطقة وأكدر أمشي بس من رادو يوصلوني قبلت حتى يبقى عدهم هذا المبدأ الجميل (مساعدة الآخرين) وحتى لا ينقطع سبيل المعروف، والفضل لله مو الي
نفسية الطالب تميل للاختصار والتلخيص حتى لو على حساب المحتوى العلمي، كان المنهج المقرر من جامعة بغداد كتاب 500 صفحة كالو استاذ هذا هواية سوي ملزمة، كلت ميصير اسوي ملزمة بس رح انطيكم كتاب شوية اكثر من 100 صفحة وأسلوبه أسهل، هسة خو رضو والحمد لله، قبل اسبوعين هم بالمحاضرة واحد يكول استاذ هذا الكتاب هم جبير نريد تلخصه، كلتله هاي انت تلخصه آني جبتلك كتاب صغير مختصر بعد ميتحمل تلخيص وأي معلومة بيه ممكن يجي منها سؤال بالامتحان، واليوم هم بالمحاضرة طالب كال استاذ لو باقين عالكتاب الجبير القديم كتابته واضحة نفهم منه لأن الصغير كتابته ناعمة ، يعني صدك تحتار وياهم بس بالنسبة الي خلص بعد الاغلبية رادو تلخيص وقبلو بالصغير فبقيته ماشي وما قبلت أي تبديل
طلبة هالوكت مدري شبيهم ! امتحان بسيط أسئلة سهلة اذا مو سخيفة من كثر السهولة مع هذا تقريباً نصهم راسبين وقسم ناجحين بالكوة والله أعلم ليكون قسم بيهم غاشين لأن شاك بكم واحد
المشاركة الأصلية كتبت بواسطة the investigator
مساء الخير والعافية صديقي كيفك يارب تكون بأتم عافية ، هنا ذكرتني بحكايات ابن اختي هو معيد بالجامعة وكل مايصير بيناتنا اتصال يضل يحكي لي عن الطلاب خطيه من كثر مايضوج منهم يقول احيان احتار شسوي لهم اسئلة وابسطها ويرسبون اعطيهم احياناً درجات مساعدة حتى اشجعهم ومايفيد واعيد الشرح اكثر من مرة ومايفيد ومخصص لهم ساعات كل يوم حتى الي مافهم يشرح له بالمكتب وكل هذا يقولي مافي تقدم قلت له انت الي عليك سويته وهم الباقي عليهم يجتهدوا اكثر
فأنت الي عليك كمان سويته ومفروض هم يشدوا حيلهم اكثر والله يوفق الجميع وربي مايضيع تعب احد
مساء الخير، سنة سعيدة عليكم اخواني أخواتي ان شاء الله التوفيق وتحقيق الأمنيات والسلامة من كل مكروه لكم ولعوائلكم الكريمة، حييييل صار 3 أسابيع ما كاتب شي هنا، على كل حال رح أكتب بس قبل كل شي أسألكم الدعاء لأن سبب انقطاعي عنكم إني واقع في شدة ولا ينجيني منها الّا لطف الله وبركة الصالحين ودعاءكم
أهلاً وسهلاً ومرحباً بالأخت والصديقة العزيزة ، الله يساعده أكيد تعبان من جمود أدمغة الطلبة المهملين، شكراً لمروركِ العطر هنامساء الخير والعافية صديقي كيفك يارب تكون بأتم عافية ، هنا ذكرتني بحكايات ابن اختي هو معيد بالجامعة وكل مايصير بيناتنا اتصال يضل يحكي لي عن الطلاب خطيه من كثر مايضوج منهم يقول احيان احتار شسوي لهم اسئلة وابسطها ويرسبون اعطيهم احياناً درجات مساعدة حتى اشجعهم ومايفيد واعيد الشرح اكثر من مرة ومايفيد ومخصص لهم ساعات كل يوم حتى الي مافهم يشرح له بالمكتب وكل هذا يقولي مافي تقدم قلت له انت الي عليك سويته وهم الباقي عليهم يجتهدوا اكثر
فأنت الي عليك كمان سويته ومفروض هم يشدوا حيلهم اكثر والله يوفق الجميع وربي مايضيع تعب احد
مساء العافية
اخوية حسن مشتاقين ياطيب
يارب تعدي هالفترة على خير
وترجع نشوفك مثل اول
واي شي تحتاج عند عيناك عيني انت
هنا يجي دور الشخابيط، لمّن تشوف جواب غلط خارج الموضوع تحير شتخلي حتى تعالج الموقف، والأضبط لمن انت تمتحنهم ويسألك طالب (استاذ هذا الامتحان مال يا مادة؟) تخيل بيوم الامتحان هيج سؤال لعد هالطالب شجان يقرة ؟ بس لا قصة ليلى والذئب.
رد مع اقتباس