بين نهاية الفترة الصباحية وبداية الفترة المسائية ساعة ونص بقينة بس آني واستاذ ابراهيم لأن الباقين ما عدهم محاضرات رجعو لبيوتهم ، خلصنا الوقت نسولف بالانكليزي حتى نقوي مستوانا اللغوي.
بين نهاية الفترة الصباحية وبداية الفترة المسائية ساعة ونص بقينة بس آني واستاذ ابراهيم لأن الباقين ما عدهم محاضرات رجعو لبيوتهم ، خلصنا الوقت نسولف بالانكليزي حتى نقوي مستوانا اللغوي.
أحلى شي الطلبة جابو ضيفة طالبة من غير قسم شرحت المحاضرة كلما أسأل سؤال تجاوبه وكامت تسألني، صراحة خوش تفاعلت وية المحاضرة، الطلبة كالو (أستاذ بعد منجيبهة للمحاضرة هاي فلشتنا، دتجاوب وتشارك أحسن من عدنة)
مساء الورد مرة أخرى، اليوم عندي عطلة لأن الكليات الأهلية عطلتها الخميس والجمعة وعدهم السبت دوام، بس ما بقيت بالبيت رحت لكلية الحقوق / جامعة النهرين حتى أحصل تأييد مُعَنوَن إلى اتحاد الحقوقيين العراقيين.
كالعادة أول ما أدخل أشعر بالغربة لأن ما بقى أحد من أصدقائي بيهة، بس مجرد ما أشوف الموظفين والحرس والأساتذة ترجع لي كل الذكريات الحلوة وتتبخر الغربة تماماً
اليوم رحت لهم متأخر بس الموظفين ما قصرو كملو التأييد بسرعة وأصلاً ما خلوني أروح من هنا وهناك .. موظف يعرفني اسمه مصطفى -جزاه الله خير الجزاء- راح كمل التأييد من مكتب العميد وجابه الية جنت كاعد بالتسجيل.
بعدين ردت أسأل عن الدكتوراه كالو (روح لدكتورة هدى رأيسة قسم القانون العام هي تعرف) رحت لها وعلى الرغم من كونها ما تعرفني لأن كانت تداوم بجامعة البصرة لمن كنت طالب بس كلش رحبت بية وكله تناديني (أستاذ) وما قصرت وياية -الله يجزاها خيراً-
بس أسألكم الدعاء لي ينفتح دكتوراه هنا ويوفقني الله حتى أنقبل بيهة.
بعدين شافني دكتور بس صراحة ما أعرف اسمه رغم إني أعرفه يدرس عندنا بالكلية لكن ما مدرسني، هم سألني (شلونك أخبارك؟) وكال (شوكت تجي يمنة هنا؟) بذاك الوقت على كد ما فرحت بسؤاله نفس الوقت شعرت بألم لأن قبل سنة كنت قاب قوسين من التعيين هنا لكن وزارة المالية ألغت التعيين وذهب حلمي، على كل حال الله كريم .. جاوبته (يا ريت دكتور بس وين أكو تعيينات هسة) كال (الله كريم ما تبقى الظروف لا بد ما تتغير) رجع لي الأمل ، بعدين كال (حتى لو انت ما متعين هنا .. جامعة النهرين حاضرة بكلية الهادي لأن انت دتنقل كلشي تعلمته هنا لهناك)، والحقيقة هذا اللي دا أسويه كل أسلوب كلية الحقوق جامعة النهرين اللي تعلمته من كنت طالب دا انقله الى مكان عملي في كلية الهادي.
لكن كذلك أسألكم الدعاء الله يوفقني وأتعين في كلية الأم (كلية الحقوق)
وراها طلعت من القسم دا أريد أغادر الكلية أطربني صوت أستاذي الفاضل الدكتور أكرم فاضل حالياً رئيس قسم القانون الخاص، بسرعة ما تمالكت نفسي رحت له وسلمت عليه، وما تتخيلون كمية الفرح اللي شعرت بيهة بس هو كان أكثر مسرور ومرتاح من عرفني مدرس مساعد في كلية الهادي ، سألني اذا محتاج مساعدة وانطاني رقم تليفونه خاف أحتاج شي بالمادة أو مساعدة أخرى ، وكال (الله يوفقك، آني متابعك على الفيسبوك وياك وياك) ونبهني بالقول (الله يساعدك المالية بحر) لأن كلت له (هسة دا أدرس قانون اداري ومالية عامة)، -الله يوفقه ويحفظه- طلعت من عنده واني كلش فرحان وما أدري شوكت تصير عندي شغلة حتى أراجع الكلية مرة لُخ? النوب راد يوصلني للباب لوما أكله (لا تقلق دكتور عندي عصا تساعدني أتحرك وحدي؟)
التعديل الأخير تم بواسطة د. حسن سعيد ; 8/November/2018 الساعة 11:06 pm
أخير شي من دا أغادر الكلية شافني صديقي استاذ وليد هم موظف بالحسابات، وصلني للباب وساعدني حتى أأجر تكسي، غادرت الكلية وعيني تنظر الى بوابتها وقوسها ويؤلمني الشوق اليها كإنني طفل ترك أُمَّه وذهب، هذا آني ولد وهيج انقهرت لعد حقها زميلتي لمن بكت قبل فترة من غادرنا الكلية
ما عندي شي بعد بس العصر درست الطلاب قواعد ثاني متوسط والليل عادي كلشي ما بيه
رد مع اقتباس