يومك كان حافل .. الله يعينك ويقويك ويعطيك العافية صديقي .. مودتي
يومك كان حافل .. الله يعينك ويقويك ويعطيك العافية صديقي .. مودتي
ويعطيكِ العافية ويوفقكِ أكثر صديقتي العزيزةالمشاركة الأصلية كتبت بواسطة فتاة المطر
مساء الخير: اليوم عندي تفرغ علمي ماكو مذكرات هواية، بس قريت انكليزي على يوتيوب وهسة رح أكمل تعلم الألمانية هم على يوتيوب.
نسيت شغلة وحدة: دا أدرِّس طلاب ثاني متوسط لغة عربية انطيتهم مثال على الفعل المتعدي الى مفعولَين (أعطى المعلِّمُ الطالبَ جائزةً)، واحد من الطلاب سألني (شنو الجائزة اللي انطاها للطالب؟) الله يلعن ابليس آني شعلية بالجائزة مجرد مثال خليته هنا
ههههههههه هذا الطالب مشغول بالجائزة اكثر من المثال
الظاهر هيج، نورتي
مساء الورد، اليوم طلعت الصبح متأخر شوية .. المهم كالعادة مشيت المسافة الطويلة من البيت للشارع العام حتى أركب كيا الصدفة الحلوة شفت صديقي صار تقريباً 8 سنوات ما شايفه ولو كان اللقاء كلش قصير بس الحمد لله اللي شفته.
وصلت للدوام هم شوية متأخر بس يلا شسوي الطريق ازدحام وبعيد.
عندي محاضرة مالية عامة دخلت للطلبة لكيت حضور قليل سألت عن طالب ميحضر كالو (استاذ يكول الحضور كلاوات مابيه تنقيص درجات) علماً آني كايل لهم (احضرو ترا اللي يغيب يتنقص من درجاته)، كلت لهم (خوش براحته اذا ما مصدك كلامي خلي يظل ما يحضر ودرجات اليومي تطير منه يعني ناقص 5 درجات من معدل الفصل الأول بالمالية العامة)
النوبة سالفة الملازم (يعني الملخصات) قتلوني بيهة الطلبة خصوصاً الولد، كل شوية يسألوني (ميصير تسوي ملازم) وأجاوبهم (ميصير لأن ما رح تاخذون حق المادة والوزارة أصلاً مانعة الملازم وفوق كل هذا الشغلة متعبة لي) اليوم طفرت روحي كلت (كلمة ملازم ما أريد أسمعها هنا لأن ما أعترف بطالب يقرأ ملزمة ، عدنة كتاب واني مدا أعطيكم كل المادة أشو كم موضوع دا أتركهن بعد شكو تطلبون ملازم)، المصيبة كم واحد يريد ملزمة بمادة (الإلتزامات) اللي هي جزء من القانون المدني ! وأي محامي يعرف المدني أهم قانون ومستحيل يتلخص بملزمة.
اليوم كان عندي مسائي مفروض أتأخر كلش بس استاذ ابراهيم زميلي الله يوفقه كال (استاذ بيتكم بعيد اخذ محاضرتي الأولى واني آخذ محاضرتك حتى لتتأخر)
رد مع اقتباس