المشاركة الأصلية كتبت بواسطة the investigator
الله المطر عشقي الأبدي لو أبقى تحت المطر يوميا ما امل حتى لو اتمرض كل مرة ارجع اطلع تحت المطر أحبه حب مو طبيعي ولما يكون الجو غائم وممطر هذا بيكون عندي يوم عيد .. كلهم يقولوا مجنونة ههههههه
الله المطر عشقي الأبدي لو أبقى تحت المطر يوميا ما امل حتى لو اتمرض كل مرة ارجع اطلع تحت المطر أحبه حب مو طبيعي ولما يكون الجو غائم وممطر هذا بيكون عندي يوم عيد .. كلهم يقولوا مجنونة ههههههه
بالتوفيق
كل الهلا بمروركِ الجميل ، وفقكِ الله صديقتنا العزيزةبالتوفيق
السلام عليكم اليوم تأخرت بكتابة المذكرات لأن رجعت تعبان من الدوام ومتأخر فأخذت نومة عميقة 3 ساعات
بما أنها مطرت فترة طويلة فأكيد صار صعب علية الروحة للكلية بالنفرات لأن هم مستمرة بالمطر وهم الشوارع كلش مو زينة بحيث صارت مثل المستنقعات لأن المي واكف بيهة، المهم رحت بتكسي للكلية والطريق ازدحام لأن السيارات تمشي بطيئ حتى ليدخل مي بالمحرك ويطفيهن
عندي محاضرة قانون اداري ساعة 9 ونص ومحاضرة تشريعات مالية ساعة 11 ونص، حقيقة لازم أعترف البنات أشطر من الولد أكثر متابعة وتجاوب مع المحاضرة، خسرت المراهنة بيني وبين دكتورة رنا معاونة العميد في كلية الحقوق جامعة النهرين،
طبعاً كلاوات الطلبة متمشي علية شبعت منهن ههههه .. سألت الولد ليش ما تحضرون وتذاكرون ؟ جاوبوني أستاذ ضامّين نفسنا للكبيرة للامتحانات الشهرية احنة شطّار نكدر ناخذ درجات زينة. ميدروني أعرفهم يغشّون وهالسوالف التعبانة .. الظاهر عبالهم جاي من المرّيخ أبد مو جنت قبل طالب اعدادية وكلية وشكو سوالف غش أصيدهن.
تغير نظام الدوام لازم كل اثنين وأربعاء أبقى للساعة 4 العصر لأن عندي مسائي يعني بهذلة لأن أطلع من البيت ساعة 7 وأرجع ساعة 5 وجمالة اذا تأخرت ماكو نفرات وتظلم الدنيا يعني آخذ تكسي ومصاريف إضافية.
رجعت للبيت متفلِّش تفليش لهذا بسرعة تغديت -مفروض نسميها تمغربت لأن الغدى صار وقت المغرب- ونمت 3 ساعات لأن هم طالع من ساعة 7 وقبلها جنت مشغول نمت بس 4 ساعات
وهسة توني فتحت الدرر ورة ما تعشيت وتابعت درس تعليم الانجليزية على يوتيوب ورديت على كم رسالة ومنشور على whats up & face book
رد مع اقتباس