ساعة 10 ونص دا أدرِّس الطلبة مرحلة ثانية قانون اداري سمعت صوت موبايل مشغل أغنية، بالبداية تصورت طالب بالقاعة مشغله بس تبين واحد واكف يم الشبّاك من برة ومشغله، المشكلة الصوت عالي يؤثِّر على المحاضرة والنوب القاعة بيهة صدى،الأخ عالك أغنية مال مجروحين على كولة واحد من طلّابي، بعدين الطلبة كالو استاذ زاد الجرح لأن الاغنية اكثر حزن، واحد بالقاعة علَّق (خلي نصوره فيديو وننشره عالفيس ونكتب #تاك_لصاحبك_المجروح)
صراحة خوش فكرة ننتقم بيهة من هذا المزعج ابو الاغنية
اليوم الطريق اليروح من الدورة للعلاوي (طريق سْكانيا أو السريع مال الحلَّة) دمرنا ربع ساعة واكف وية اخوية ننتظر كيا للعلاوي ماكو، كل مرة بس انزل من التكسي الكى كيا اركبها للعلاوي وأروح.
دنرجع من ساحة عَدَن للدولعي لبيتنا مفروض التكسي ب3000 دينار وكفنا واحد سألناه (شتأمر) كال (5000) كلناله (يابة 3000 يومية نروح بهالكروة) اشو الحجي كام يحلف بالله ، يا عمي هيج الحلف عدكم سهل ولكم هذا اسم الله يعني متخافون يسطركم بكفخة بمكانكم؟ أعوذ بالله شنو هاي!
اليوم الشارع مدري شبيه! ردت تكسي للكاظمية ماكو بالكوة حصلت، كلهم يكولون منروح الطريق ازدحام.
سبحان الله صدك لو كال المثل (بيهة صالح) هذا مثل ينضرب على عدم تحقق شيء تريد تحققه ويكون بعدم تحققه صلاح وخير لك، ربّاط سالفتي اليوم مفروض أروح للكاظمية حتى أودي أمانة لشخص وآخذ أمانة من شخص، واكف ربع ساعة بالشارع ولا سيارة .. هناك فجأة تذكرت ناسي الأمانة ورجعت ركض للبيت جبتها واجيت.
يومي كان متعب آخر شي بيه رجعت للبيت اجاني طالب لازم أدرسه قواعد لغة عربية مال ثالث متوسط بس المشكلة آني رجعت للبيت ساعة 7 وربع والأخ اجاني ساعة 9 الّا ربع وجمالة -الجيم ch- عنده امتحان ب4 مواضيع هلكت لمّا خلّصته واجيتكم.
هاي مذكراتي لليوم باجر ان شاء الله أكتب اذا لكيت شي يستحق التدوين
أهلا بك وبمذكراتك صديقيالمشاركة الأصلية كتبت بواسطة the investigator
جميل هذا اكيد روحه مرحة واذا صوته حلو كمان بيكون كملت الصورة
ليش انت اول مرة تسمع واحد يحلف بالله كذب مع الاسف نسوا انه مافي اعظم من الله والمفروض مانحلف كذب وصدقني مع كل الأسف هالوقت وبكل مكان في ناس صاروا مايخافوا من ربهم يحلفون بالله والقرآن كذب حسبي الله على ناس تحلف وتكذب باسم الله سبحانه .. وياما صارت لي مواقف مع ناس سواء اعرفهم معرفة وثيقة أو مجرد معرفة سطحية يضلون يحلفون بالله وكلام الله والرسول لدرجة انه تصدقهم وبالأخير تكتشف انهم كذابين مو هنا المصيبة المصيبة معرف شلون مايخافون من الله استغفر الله انا قبل كنت بس احد يقولي والله العظيم على طول وبدون مبررات اصدقه لان أقول مافي اعظم من الله يحلف فيه بس بعد اكثر من موقف صرت ما اصدق احد يحلف الا اشوف فعل مو كلام وحلفان
رد مع اقتباس