اجانة العام الدراسي الجديد وإجا الدوام مال الطلبة، بس الطلبة مسختين ميداومون لو يداومون بس يخلصون الوقت بالنادي ميدخلون محاضرات، والمشكلة الجدول كلما نخليه ونتعب عليه يطلع بيه تضارب ونعيده خطية رئيس القسم ومقرر القسم والموظفة الادارية مال قسم كلش تعبو يومية حاطّين جدول ويطلع بيه مشكلة من ورة ظروف الاساتذة -آني منهم- ومزاجات الطلاب
المشاركة الأصلية كتبت بواسطة the investigator
ولكَ كما تمنيتَ لي وأكثر .. دمتَ بخير
مساءكم نفرات ركضة من الدورة للحرية ، اليوم رجعت ساعة 3 العصر لأن ما عندي مسائي بس من يصير عندي مسائي ارجع ساعة 6 يعني دوام من 8 ونص لل4 بالتالي طلعة من البيت قبل ال7 الصبح ورجعة ورة ال5 ونص يعني تفليييييييشششش
الثقافة العامة مفقودة لدى اكثر الطلبة / تخيلو اليوم سألتهم مفاهيم عامة ميعرفوها معقولة عمي صدك جذب وين دنصير؟! المشكلة اكو شغلات ماخذيهن من مرحلة أولى ومن الأساسيات مفروض مينسوهن شلون ناسيهن مادري!
وعدتُ هنا من جديد بين يومياتك الجميلة .. دمت بخير
لذلك أرى المذكرات مشرقة بنور تواجدكِ
اليوم تبللت تبلُّلاً مُبرحاً بالمطر من جنت رايح للكلية ناسي الشمسية وغسلت غسلة تمام ههههه
بالرجعة موقف خنفشاري: ركبت كيا (حافلة صغيرة) من العلاوي الى ساحة عدن ، الباب مالتها تنفتح وتنسد بالقوة ، بالطريق واحد من الراكبين راد ينزل تعارك وية الباب فتحها ونزل وجان يسدها سدة مال انتقاممشت السيارة من وصلنا لنهاية الطريق نريد ننزل ما تنفتح الباب، الرجّال يسحب بيهة متنسحب النوبة نزل السايق يريد يفتحها من برّة ما فاد صار هجوم جماعي اثنين من برة واثنين من جوة يسحبون الباب يلا قبلت تنفتح ، بهالأثناء واحد من الركّاب شاب كال بالمزاح (خلي نطفر من الجامة) آني هم كملت مزحته (يلا آني طافر) بالخلف كاعد حجي كال (بوية انتو شباب وتطفرون بس احنة الشياب شنسوّي؟)
تخيَّلو اليوم من اصل 23 طالب حاضرة طالبة واحدة فقط، شنو هالتسيَّب ! المهم آني عملت بتوجيهات السيد العميد والسيد رئيس القسم رحت انطيتها محاضرة وتقدمت بالمادة والغايب يتحمل غلطته
يا ليتني كنت بدالك لأني أعشق المطر وكثيراً أتمرض بالشتاء بسبب وقوفي تحت المطر .. عشق ماذا أفعل
رد مع اقتباس