جولة بين كلية الرافدين وكلية القانون جامعة بغداد، أهم شي اللقاء بأستاذي الدكتور محمد علوم، فعلاً فد شي روووعة.
جولة بين كلية الرافدين وكلية القانون جامعة بغداد، أهم شي اللقاء بأستاذي الدكتور محمد علوم، فعلاً فد شي روووعة.
إذا مدحك أحدهم ترتفع معنوياتك وتتعزز ثقتك بنفسك، وإذا مدحك أستاذك بين زملائك وأساتذتك تزداد ثقتك بنفسك أكثر، لكن الشيء الأروع حينما يطري بك أستاذك في مكان لا يعرفك فيه أحدٌ هنا تشعر في قمة الثقة والعزم حتى لو كنت في منتهى الضعف والانكسار.
الله ستراليوم رجعت من كلية القانون بصحبة أستاذي دكتور محمد، بينما كنا نعبر الشارع في ساحة عدن -مثلث الرعب كما أُسَمّيها- ما شفنا الّا شاحنة جاية بسرعة خيالية
بهالحالة ما شعرت الّا وآني دا أركض بشكل مدهش وطبعاً صعدت الرصيف بطفرة خنفشارية بحيث انتبهت على نفسي ماشي متر على الرصيف من قوة الركضة والكمزة
بين تين فور آرمز .. مدري شأسمه بس وحده من شخصيات بين تين يمشي بسرعه خاطفهالمشاركة الأصلية كتبت بواسطة the investigator
الله ستر
هههههههه
المهم
الحمد لله على سلامتك
هههههه قوية مال بينتين الله يسلمج
تفضلو وياية، اتريك وراية طلعة فد شوية
موفقين
أخيراً عدنا ولو عودة قصيرة مؤقتة بعدين هم ننقطع لأسباب ستراتيجية، بس خلي نكتب الصار خلال الفترة الماضية واليصير أثناء التواجد هنا قبل الانقطاع التالي:
ملاحظة الانقطاع لا يعني الترك لكن يعني الغياب لفترة ثُم العودة.
أخيراً ولله الحمد بعد عناء وفرة طويلة ببغداد وزيارات للكليات الأهلية، لكيت شغل مدرس بوحدة منهن اسمها (كلية الهادي الجامعة) ، ما أسولفلكم الكليات الأهلية مثل الدوائر هم اذا ما عندك واسطة ميعينوك لو يكعد جدك الميت من القبر، الا اذا لكيت كلية جديدة ما عدهة كادر مثل حالتي ، هالشي نادر متحصله الا بعد ما تطلع روحك وتكره الشهادة اللي أخذتهة وتتندم على ساعات الدراسة الطويلة أيام الكلية، عموماً الحمد لله والشكر حصلت العمل في كانون الأول الماضي ودرست مادة اسمها (المدخل لدراسة الشريعة الاسلامية) في قسم القانون / كلية الهادي الجامعة الواقعة في منطقة الدورة -اذا تسموها محافظة الدورة هم يصير لأن كلش بعيدة- في نهاية شارع 60 بين حي الميكانيك وبين أبو دشير.
تخيلو بيتنا بالدولعي -منطقة بين الكاظمية والشعلة- وأداوم بالدورة أروح وأرجع بالكيّات يعني ساعة ونص أو أكثر بالروحة ومثلها بالرجعة، هذا حالي أول اسبوع من الدوام أطلع من البيت ساعة 6 ونص أطب للبيت ساعة 4 ونص متفلش تفليش من المشي والشغل والركض ورة الكيّات هههههه بس الحمد لله بعدين لكيت خط وية أساتذة وطلاب يداومون وياية بالكلية بيوتهم قريبة مني، هم الفترة قلت صارت 3 أرباع ساعة ومرات نص ساعة اذا طلعنا عالخط السريع، هم التكلفة قلت من 220 ألف بالشهر الى 150 بالتالي الجهد البدني والوقت قل صرت اطلع ساعة 7 ونص ارجع ساعة 3 وربع
رد مع اقتباس