اليوم رحت لندوة تتكلم عن فتوى الجهاد الكفائي والحشد الشعبي، المهم ورة الندوة خلصتهة فرة وية الشباب بس حرامات ما أخذنة صور
اليوم رحت لندوة تتكلم عن فتوى الجهاد الكفائي والحشد الشعبي، المهم ورة الندوة خلصتهة فرة وية الشباب بس حرامات ما أخذنة صور
شايفين الناس من تتلوك لمسؤول؟ بغيابه يحجون عليه ويلعنون سلف سلفه بالشتم ومن يجي الجماعة يطلعون ويستقبلوه بترحيب ويهوسوله، لعد شكد انتو لوكيين تحبون اللطلطة فعلاً ملطلطين بمعنى الكلمة.
لا تتصور كل من يضحك سعيد، فكم مرةٍ ضحكت وابتسمت والنار تحرق داخلي لكن ما عسايَ أفعل لم أجد غير الضحك كي لا أأحرق غيري بناري ولا أكدر عليه صفوه وأؤذيه في مصيبةٍ لا يد لهُ فيها، أُجبرتُ مراراً على التظاهر بالفرح والسعادة بينما كان الحُزن يملؤني كي لا أجعل أناساً يحزنون ويتألمون لمجرد كونهم أصدقائي أو زملائي، فمن الظلم جرح انسان لا ذنب لهُ سوى كونه صديقك أو زميلك أو من ذويك.
أمس 9 / 9 / 2017، اتصلو بية [تعال حسن وجيب الأمانة الخلاها يمك ..... منتظريك بساحة عبد المحسن الكاظمي يم أسواق سي فوي] طلعت من البيت ساعة 4 ونص العصر تمشيت للشارع العام وركبت كية، طلعت الكروة اللي لازم تكون 500 دينار سألت الكاعد بصفي [هاي شكد] كال [خُمس مية] استغربت لأن احنة نكول [خَمس مية] يعني الخاء مفتوحة مو مضمومة! لهجته توحي أنه مو عراقي، اشتغلت عادة أبو فلاح البحوشة والتحقيق والتحرّي ههههههههع أريد أعرفه من يا دولة مو لسبب عنصري بالعكس الجميع على راسي بس حب استطلاع، وصلنا لساحة عدن نهايةة الطريق الرجل رحم الله والديه ديعبرني الشارع اجانة رصيف دينبهني كال [اصعد درج] بس لفظ حرف g الانجليزية بدال الجيم العربية عرفته مصري [كدع] بحرف g وصلني لسيارات ساحة العروبة وراح الله وياه انتهى التحرّي عرفت جنسية الرجل الطيب ، سامحوني ما أكدر التحقيق يجري بدمّي هههههههههههه
قبل شوية كتبت شعر بيه قصف وتفليش اذا نشرته يصير قتلي حلال عند ذوي الخطوط المنحرفة وحتى العدلين هم ينتقدوني لأن كلام كلش جارح ، بطلت ما أنشره ماريد عقوبة هههههههههه
تعالو شوفو شصار كدّامي اليوم: جنت كاعد بالكهوة أنتظر صاحبي [علماً آني أكره الكهاوي بس ماكو نقطة دالة عليهم غير الكهوة] المهم سمعت اثنين يتراهنون واحد منهم رح يضرب الثاني راجدي [صفعة] اذا المضروب ما تألم فلوس الشاي مالته تصير على اللي ضربه واذا تألم هو يدفع فلوس الشاي اليشربه ، شوفو السخافة وين وصلت واحد يقبل ينهان وينضرب راجدي علمود سالفة استكان شاي، والنوب اجا صاحبي دا أسولفله .. صاحبي شوية حما كال [الراجدي اللي أضربه ماكو أحد يتحمل قوته] واحد ثاني سمعنا ولزك بصديقي يكله [تعال اضربني راجدي أريد أجربه] لهالدرجة وصلت ال....... غفرانك ربي شنو هالنماذج !!!!
ههههههههههههههههههههههههه هذا جلدة يحكة
الظاهر جلده يحكه هههههههه، صديقي راد ينطيه راجدي بس آني ما خليتهالمشاركة الأصلية كتبت بواسطة أوراق مبعثرة
شلون حظ طايح، بعد ما تعبت بالبحث عن الكليات الأهلية بالكوة لكيت وحدة تقبل تعينّي، تاليهة يكولون احتمال مرح يفتحون قسم قانون هالسنة لأن المسجلين كلش قليلين، شنو هالذلة لا الحكومة شرفاء ولا الحظ عدل ففففففففففففففففففففففففف فففففففف والله العلي العظيم معنوياتي منهارة ومحبط بشكل ما صاير مثله أبد
انت راااائع بمعنی الکلمة ... تعجبنی شخصیتک القویة ... اتمنالک کل الخیر
رد مع اقتباس