ترافه وليل ... ودك ريحان
يسمر لا تواخذنه
يلَن كل دگه من حسنك
شتل ريحان للجنه
ليالي ... ودكّ نحر حدّار
واحنه الشوگ ناحرنه
تحنّن ... دوس فوك الروح
واحسبها عليّ منّه
أطگن ورد من تجزي
والف نمّام يتحنه
بترف جدميك اطيرنّ فوگ ...فوگ الفوگ
أكتنّ عالورد ... مزنه
من اشوفك انذر النجمات
رچيه لسوالفنه
ووديلك هوى شكابين
واتردني بطرگ ونّه
بوشل هجرك يلمذبل
شتلنه من العشگ مشتل
شتلنة الهيل والصندل
تنينه وكل هجر حمّل
دمع نيلي وسعدّ أسود
ترف وانت ولا سعده
ولا مامش ولا أزود
حسافه اسگيتك بروحي
وحسافه العمر ما ورّد
يگلي امعبر الطبگه
عشگنه نياحه يا سمره
يالمعبّر ... دصدّ عينك
لچعة العين ما تبره
نسيت الروح يا يمه
شدهني وتلها من ايدي
وعگدها بطارف الغترة
أموتنّ وانتي گليله
تظل رويحتي بستره
يروحي شكثر عاگولج
والمچاتل على الگطره
تبهذل حالي كل دگه
وتذبني بفرح كل شمره
الزلف نايل هوى جبوري
وانگط شفافي عالجوري
فرشت شليلي بدروبك
أبيع العشگ للدنيه
هضيمه اتحنّن الشامت عليّه وتشتمت بيّه
چثير اگزازك بروحي
واگولن هاي حنيّه
من اتلّك بالحلم يسمر
يجي القداح بيديه
واعتّك واطبگ بحرگه
رفيف الريّه عالريّه
وتسيل دموعي بجفوفك
نبع برمال نجديّه
واكلك ... ويــــــــن هالغيبة ..؟؟
سنه .... وبالحلم منسيّه
يطيف شويه عاشرنه
الصبح دنياك مگضيّه
شكلك .... وانت هالمايع
وانه من الحرگة زهديّه ..؟؟
يامايل فرك
كل مايل فرك بالعشك عاريّه
بوشل هجرك يلمذبل
شتلنه من الحزن مشتل
تنينه وكل هجر حمّل
دمع نيلي وسعدّ أسود
ترف وانت ولا سعده
ولا مامش ولا أزود
حسافه سكيتك بروحي
وحسافة العمر ما ورّد
مظفر النواب
رد مع اقتباس
المشاركة الأصلية كتبت بواسطة دكتورة وطن
ذوق
