مو شعرچ حجابچ هوا المحليچ
شوفت وجهچ تفك حيرة المعلول...
سوار ايدچ علگ من حظرة العباس
رخصتي الذهب چي مالبستي حجول...
من ياطين مالح الله مستنگیچ
غزرتي بگلب چان بجذع مشتول...
بعباتچ من تجين اشتم صلاة الليل
واتخايلچ نسمه الكل جنح مشكول...
انتي اول قصر لابس گلادة طين
واخر نفس غالي برية المكتووول...
گصیره چفوفچ وبالملكه طوعة تصير
وعيونچ سلف كوفه وصهيل خيول...
افتش جيب كل شاعر يمر عالبال
بلكي الگه غزل بالشعر مامگيووول..؟
بالبيرغ وكلبي الناس يشتبهون
يهتز بالملاكه بغير دگ اطبول...
يارجفة اجدامي وشدتي بملگاچ
شدة ركظة طويريج عالمشلول...
كبل جيتچ عشت دكه بكلب جاسوس
قلق فلاح من يتوازه عالمحصول...
سكف وتلثم بدخانة الفانوس
ابن شيوخ مانكلت عكاله فصول...
ماصافحت چف مابي حرورة سيف
خلص نص عمرة ظهري بالطعن مشغول..!
عشت خيبت امل فصلية من تندار
لا ام التزفها ولا دمع مهمول...
واخيرآ الله جابچ اذا ظكني الشيب
اليحب يرجع صبي لو بالنعش مشيووول..؟؟
زفيني كصيبه شتهت ملكه امتون
صار اسنين ما غافي بمتن مهدول...
احس عكازتي ترافكني من تبچين
وافقد رغم شايل ذاكرة بهلول...
سمعيني شعر بي ريحة القران
جبت العمر اسمع شعر عالمذلول...
الماهزه العشك ميقدر الكاروك
وكل موسم بچي يمر جفنه مامشمول...
اليسهر من وكت صاحب فظل عاليل
مو مثلي السهر شاف نجمه يزول...
العاشك لو رمش ولفه اعله غيره يموووت
بدليل المايحب من صدك عمره يطول
منقول
رد مع اقتباس
المشاركة الأصلية كتبت بواسطة سارهـ الطائي
