گبل لوجيت
تفرّع گاعنه واتشب سنابلنه
گبل لوجيت تدّهن ريجها ابمايك بزايزنه
عالفطره كبل جلمتنه من تنگال
گبل تحچي اعله لاهيتك هسه احچايتك محچال
رغم حچيك يغث مسموع ابرحابت صدري اتلگاه
شما تطّعن اخظر طيب
من تطعن تخظر اسوالف المسحاه
اجيت ابهذا شو ماجبت وجهك ذاك
يل وياك ابد مايوم زل السان
اجيبن ظحكتي وذرعاني وتلگاك تتلكاني كلشي الجان
كل هذا اوسيع وياك
ابخلگي اتنيسنت عربان
ورغم مر العتب مريود
كل مر بي معاني اوساع
مر بمعاتبي وشايل طبع فنجان
التفرزني لهاته ايزني چفه ابساع
گبل ملگاك مابي من حچي اجويريد
تمر كلك علي موگد وشفافك تعزب ظحكه من ابعيد
يل ملگاك غالي وشرخص ملكاي
ياجلوّت الشبگه ودورت ايدك ذيج
الاحس بيها رويش اچفوفك ابمكفاي
جبت عمرك جفه وسايات واعبرهن واكولن طيش
اكلب يا وجه واقراك اهن عينين
وانت اكبالي هوسه اوجوه اشوفك بيش
بيه الحسبه خوره وگلت حسبة ضيف
يمرني الليل دهله ومايخظر طيف
يبرد يا نفس بيه وهواك امچيم ابريتي
ويحتر ياحضن بيه وترد خنياب عافيتي
يفيّ امكوسر ابيتي
وينك دار حوله ابعتبتي الوهواس
عليّ سيّر گبل شيبي
اعله كل شهكت نفس
لو جيت الك اتحزم اعذيبي
.
حيدر الكناني
رد مع اقتباس
