هنا

[د. حسن سعيد]

الثلاثاء 21 مارس 2017 - 10:45


[عضو لجنة الاسرة والمرأة النيابية، ريزان شيخ دلير]
عدت عضو لجنة الاسرة والمرأة النيابية، ريزان شيخ دلير، الثلاثاء، مطالبة بعض السياسيين بتشريع قانون تعدد الزوجات بأنه يمثل صورة اخرى من صور "السبي" التي مارسها "داعش" الإجرامي.
وقالت شيخ دلير، في بيان اليوم ، إنه "من الضروري حماية المرأة العراقية من الشعارات الزائفة التي تبث هنا وهناك عن طريق سياسيين يدعون فيها الى ضرورة منح مبالغ مالية للرجال الذين يتزوجون بالارامل والمطلقات في صورة اخرى من صور (السبي) الذي اقدم عليه داعش خلال احتلاله الموصل".
وأضافت ان "الام العراقية وقفت طوال السنوات الماضية الى جنب زوجها وهو في ساحات القتال ومن ثم قدمت ابناءها للذود عن حياض الوطن وهي تختلف عن جميع الامهات في العالم فهي قلقة حنونة طيبة مضحية ومعطاءة".
واشارت شيخ دلير الى "حجم الامكانيات الكبيرة التي تتمتع بها المراة العراقية، فهي تعمل في عدة مجالات فضلا عن عطائها وتضحيتها في رعاية اسرتها لتكون اماً وزوجة صالحة".
http://www.alghadeer.tv/news/detail/51609/

[نـايـا]

هذي المرأة خلقة واخلاق ..الله يحفظها

شكرا اخي

[سعد العراقي راقي*]

سبي شنو قابل ماخذينها اسيرة
هو زواج يعني (طلب وقبول)الي توافق تتزوج والي ماتوافق خو مايجيبون عليها مفرزة شرطة
اعداد خيالية من الارامل والمطلقات في العراق حتى اصبح في صدراة الدول في هذه المشكلة وسيادة النائبة تنظر بحمل البندقية والوقوف بساحات القتال
وكيف تتم حماية حقوق المراة
اعطوها راتب كرواتبكم حتى تستغني عن المعيل وابنو لهن بيوت حتى يتم حفظ كرامتهن
اكيد شلون تشعر النائبة بحال امهات الايتام اذا هي راتبها وصل 15 مليون
تنظير فارغ من باب خالف تعرف لااكثر ولااقل
والعجيب انه تظهر اصوات هنا وهناك تعارض شي هو موجود منذ مئات السنين وكانه جديد
تعدد الزوجات موجود في القوانيين العربية والاسلامية منذ ظهور الاسلام والى يومنا هذا كل مافي الامر هو التشجيع ليس الا

شكرا جزيلا لنقل الخبر

[د. حسن سعيد]

هذي المرأة خلقة واخلاق ..الله يحفظها

شكرا اخي

هههههه شكراً على مروركِ أختي

[د. حسن سعيد]

سبي شنو قابل ماخذينها اسيرة
هو زواج يعني (طلب وقبول)الي توافق تتزوج والي ماتوافق خو مايجيبون عليها مفرزة شرطة
اعداد خيالية من الارامل والمطلقات في العراق حتى اصبح في صدراة الدول في هذه المشكلة وسيادة النائبة تنظر بحمل البندقية والوقوف بساحات القتال
وكيف تتم حماية حقوق المراة
اعطوها راتب كرواتبكم حتى تستغني عن المعيل وابنو لهن بيوت حتى يتم حفظ كرامتهن
اكيد شلون تشعر النائبة بحال امهات الايتام اذا هي راتبها وصل 15 مليون
تنظير فارغ من باب خالف تعرف لااكثر ولااقل
والعجيب انه تظهر اصوات هنا وهناك تعارض شي هو موجود منذ مئات السنين وكانه جديد
تعدد الزوجات موجود في القوانيين العربية والاسلامية منذ ظهور الاسلام والى يومنا هذا كل مافي الامر هو التشجيع ليس الا

شكرا جزيلا لنقل الخبر

أهلاً أستاذ سعد: خلينا ننظر للموضوع بمنطلق مجرد بعيد عن الدين والعاطفة لنصير عاطفيين مثل جميلة العبيدي ورزان شيخ دلير، ولا دينيين زايد عن اللزوم مثل جماعة الأربع زوجات، اذا ننظر للموضوع بحد ذاته المجرد مابيه خلل لأن أصلاً الإسلام يبيح التعدد والنائبة جميلة ما طلبت شي حرام اضافة الى كونه مو اجباري، بس خلي ننظر من ناحية واقعية تطبيقية ترة ما عدنة فلوس الدولة تمشي أمورها بالكاد منين رح تجيب الحكومة فلوس حتى تغطي نفقات التعدد خصوصاً النائبة تريد ننطي نفقات للرجل اللي يتزوج أكثر من واحدة، مية بالمية مرح يقتطعون من رواتبهم الهائلة وينطون للرجل اللي رايد يتزوج أرملة أو مطلّقة يعني رح يلجؤون الى أسلوبهم الحقير فرض ضرائب على الموظفين المساكين اللي أصلاً رواتبهم طايرة من كثر الاستقطاعات، أحسن مما يشجعون على التعدد خلي يشغلون الشباب أشو صايرة أزمة عزوبية بسبب انعدام فرص العمل وخلي يشغلون الأرامل والمطلقات بعد ميحتاجن معيل ، أصلاً ميزانية الرجل العراقي بالكوة تكفيه يتزوج واحدة ويكون أسرة من 4 أو 5 أشخاص هي مال تعدد يا استاذ سعد صدك تتكلم !!!

[سعد العراقي راقي*]

أهلاً أستاذ سعد: خلينا ننظر للموضوع بمنطلق مجرد بعيد عن الدين والعاطفة لنصير عاطفيين مثل جميلة العبيدي ورزان شيخ دلير، ولا دينيين زايد عن اللزوم مثل جماعة الأربع زوجات، اذا ننظر للموضوع بحد ذاته المجرد مابيه خلل لأن أصلاً الإسلام يبيح التعدد والنائبة جميلة ما طلبت شي حرام اضافة الى كونه مو اجباري، بس خلي ننظر من ناحية واقعية تطبيقية ترة ما عدنة فلوس الدولة تمشي أمورها بالكاد منين رح تجيب الحكومة فلوس حتى تغطي نفقات التعدد خصوصاً النائبة تريد ننطي نفقات للرجل اللي يتزوج أكثر من واحدة، مية بالمية مرح يقتطعون من رواتبهم الهائلة وينطون للرجل اللي رايد يتزوج أرملة أو مطلّقة يعني رح يلجؤون الى أسلوبهم الحقير فرض ضرائب على الموظفين المساكين اللي أصلاً رواتبهم طايرة من كثر الاستقطاعات، أحسن مما يشجعون على التعدد خلي يشغلون الشباب أشو صايرة أزمة عزوبية بسبب انعدام فرص العمل وخلي يشغلون الأرامل والمطلقات بعد ميحتاجن معيل ، أصلاً ميزانية الرجل العراقي بالكوة تكفيه يتزوج واحدة ويكون أسرة من 4 أو 5 أشخاص هي مال تعدد يا استاذ سعد صدك تتكلم !!!

طبعا الدولة الي بيها هيج حيتان اكيد راح تستفلس
والشي الثاني يااخي عليهم حلال ومن توصل القضيه للفقراء والايتام يكولون ماكو فلوس منين تجيب الدولة
اخي هاي مشكلة الدولة لان هي واجبها توفرالرواتب والمعيشة للناس فكيف اذا المحتاج هو امراة وارملة او زوجة شهيد وساكنه بالعشوائيات
وبعد اكو شغلة خليني اسولفها استاذ حسن
تدري انت كثير من النائبات من صارن بالبرلمان وصعدت امورهن (تطلقن)من ازواجهن السابقين وتزوجن شباب بكد ولدهن واكو بيهن طلقن ازواجهن غيابي
استاذ حسن انت قانوني وتعرف كلش زين شنو سبب هيج طرح
اكو ناس فاهمة القضية على انه مجرد اشباع رغبات للطرفين
لا اخي مو هذا الهدف من المقترح
الهدف هو حماية هذه الارامل والمطلقات ب اي طريقة كانت وخصوصا التي عندها ايتام او التي ليس عندها راتب
اذا الدولة ماتكدر توفر رواتب لان تقشف وماكو فلوس شنهو الحل برايك
سبحان الله هاي ينطبق عليها المثل العراقي(لااغنيك ولااخليك تجدي)
بالعكس والله انا اشوف هيج مقترح وسيلة ضغط على الدولة اما توفر معيشة محترمة لهاي الناس او تبحث عن حلول
مو كلساع تصريح من نائبة تسوي روحه هي وبس
من كثر مااكلت حرام هاي الناس الله سبحانه وتعالى سلبهم حتى الرحمة باليتيم والفقير واكيد راح يصير هيج تفكيرهم
يااخي تدري انت بثورة العشرين يعني قبل 97 سنة مر العراق بهيج حالة واحتارو الثوار ب النساء لان ضلت بس نسوان وايتام بقسم من عشائر الناصرية
اتخذت شيوخ العشائر بوكتها قرار (كل رجل يتزوج ارملة ويتكفل بمعيشة الايتام وحمايتهم)
شيوخ عشائر وبوكت الامية والجهل والفقر نجحت وحافظت على العوائل الي ماعدها معيل
واحنه هسه بوكت التكنلوجيا والتطور والنفط الي يضخ 24 ساعة ماكادرين يحلون مشكلة ارامل ويتصورونها اشباع رغبات
وللعلم الحيتان العراقيية راح توكف بالحالتين بوجه هيج مقترحات(يعني لايوفرون رواتب ولايشجعون على هيج مقترح)لانه بالحالتين تدفع الدولة فلوس
والشبعان مايدري بالجوعان

[رامي الاصيل]

كلام فارغ من محتوى الحجة بالضد من اقتراح التعدد .. عندما تقارن هذه النائبة بأقتراح تعدد الزوجات بالسبي
والاجرام كما يفعل الدواعش فكلامها ينطلق من جهلها بالشريعة الاسلامية و السنة الموروثه والاختلاف ياسيدتي
النائبة ان الزواج الاول ( انسانياً ) كان بمقترح القضاء على ظاهرة ( الاسرة دون المعيل ) اما الزواج الثاني ( للدواعش ) ينطلق
من مبدء الاساءة الى الدين الاسلامي من خلال السبي و الاغتصاب و التجارة بالرق ... والفرق شاسع
شكراً لنقل الخبر سيد حسن

[الياسمين]

نعم سبي وأبشع انواع السبي فلا اسم اخر يمكن أن يطلق على منح الاموال لرجل ليشتري بها امرأة ارملة مسكينة لا زالت جراح قلبها لفقد زوجها لم تبرأ غير أنه سبي وعبودية واهانة
لما لا تقدم الاموال للمرأة الارملة نفسها بدل ان تمنح لرجل ليتكرم بمنحها شرف الزواج بها
ببساطة لان المرأة في الفكر العربي يجب أن تكون مملوكة لرجل
رجال استشهدوا في سبيل الله و دفعوا حياتهم لأجل أوطانهم وهؤلاء يتقاسمون نسائهم
استغلال بشع لظروف الارامل وحاجتها الى الحياة الكريمة
المال مقابل الزواج
ثم يطلقون على انفسهم أنهم المحسنون في الارض

[Ćat]

نعم سبي وأبشع انواع السبي فلا اسم اخر يمكن أن يطلق على منح الاموال لرجل ليشتري بها امرأة ارملة مسكينة لا زالت جراح قلبها لفقد زوجها لم تبرأ غير أنه سبي وعبودية واهانة
لما لا تقدم الاموال للمرأة الارملة نفسها بدل ان تمنح لرجل ليتكرم بمنحها شرف الزواج بها
ببساطة لان المرأة في الفكر العربي يجب أن تكون مملوكة لرجل
رجال استشهدوا في سبيل الله و دفعوا حياتهم لأجل أوطانهم وهؤلاء يتقاسمون نسائهم
استغلال بشع لظروف الارامل وحاجتها الى الحياة الكريمة
المال مقابل الزواج
ثم يطلقون على انفسهم أنهم المحسنون في الارض

فدوا لحلگج

[احمد العثمانيے]

شكراً لنقل الخبر