هاي صفحه خاصه ادرج كل المشاكل والعركات الي صارت بالكرايب حتى الاجيال القادمه في البرازيل تستفاد منها
وهماتين فلاسفة قدماء الاغريق تستفاد من الوثائق المعروضه هنا
العركه الاوله الي صارت ابيت بيبتي عركه بين بيبتي ومرت ابنها الجبير هاي تعتبر عركه كلاسيكيه لانه كل الامهات تتعارك وي
زوجات ابنائهم لانه الام تحس انه هاي الزوجه سرقت ابنها من حظنها وصار بحظن الزوجه
المهم هاي العركه مو بسبب بيبتي انما بسبب مرت ابنها شلون صارت العركه جانت البنيه زوجة خالي كاعده بغرفتها تحظر الجنطه مال السفر
لانه ثاني يوم راح تسافر لبغداد هي وابنها تشوف اهلها فجانت فرحانه وجاي تمشط لابنها وتكله باجر حبيبي نروح لبغداد تشوف بيبيتك الحقيقه
اكرر باجر حبيبي نروح لبغداد حتى تشوف بيبتك الحقيقه اي تقصد انه بيبتك من ابوك هاي تقليد خلي تولي حطها بالزباله هاي بعثيه رافضيه صفويه
اما بيبتك الحقيقه الي هي ام امك هاي هي الحقيقه الاصليه التي تتبع السنه النبويه وتتمسك بالكتاب والسنه وتترحم على ابو هريره في اليوم 70 مره
طبعا هاي اني فسرتها لبيبتي وشرحت الها شنو تقصد بالحقيقه والتقليد بحيث بيبتي ضلت صافنه عدت الشرح الها عشر مرات يالله لكفتها خطيه جانت
مقهوره وحزينه من سمعت حجي مرت ابنها سمعت بنفسها محد اجه نقل الحجي الها
بيبتي كومي خابري امي اي بتها بس امي من اتزوجت ودخلت عالم الارستقراطيه والعالم المخملي والشوربه كامت تسميه حساء والخاشوكه صارت
ملعقه والدرنفيس صار اسمه مفك يعني عالم مخملي كامت ما تكترث لمشاكل هولاء الناس الشعبيه تعتبرها مشاكل تافه بعيده عن الحس الارستقراطي
فكالت امي لبيبتي سوري مام اسف مامي ما اريد الوث نفسي بهاي المشاكل الشعبيه سو سوري سي يو لايتر
المهم بيبتي خابرت بتها الثانيه هاي اول ماتشتم عركه تلبس عبايتها وصاروخ كروز تروح وهي بنص الطريق تصيح لطالما رقصت على جثث الاسود كلاب
لكن تبقى الاسود اسود والكلاب كلاب وفعلا من عرفت بالمشكله شنو صعدت للطابق الثاني مثل طرزان وراحت لمرت خالي ترزلها واطيح حظها على هاي
الحجايه وصار صياح وعركه والرزايل وخطيه بيبتي جوه مقهوره بحيث اكلت الكعك وي الجاي كعك ساده مابيه سمسم حتى من الحزن اكلت بس سبع كيلوات
خطيه ما رادت توصل الامور لهذا المستوه هي رادت بس مرت ابنها تاكل رزايل لانه الصوت العالي عيب من الجوارين
عاد خالتي بنت بيبتي نزلت جوه حتى تراضي امها وتكلها يمه والعباس انتي الحقيقه من تقليد صيني انتي والعباس صنع في المانيا في بايرن ميويخ
والعباس بايرن ميونخ عاد بيبتي مسحت دموعها وكالت ياااااااااا صدك يمه اني بايرن ميونخ عاد خالتي كالت اي يمه والعباس بايرن ميونخ انتي كلش بايرن
وكامت تغني الها ياست الحبايب ياحبيبه عاد بيبتي كالت لا اريد اغنيه البرتقالة
باجر التكملة هه
رد مع اقتباس
المشاركة الأصلية كتبت بواسطة Suzana
