شنوصفج يمه محتااارين؟؟؟؟
شنوصفج وانتي كلبج يوسع اوطان
يبعد الروووح ياأم الـــمحنه
مثل طيبة كليبج ماكو بالكون
اووطن حضـــنج ييمه من يلمنه
لميتي الشمل..بعدتي كل خووف
يافرحة امل انتــــي بدربنه
بوجودج يالحنينه شمحله هالبيت
ضوه مشعشع بوسطه وشمس جنـــه
ياوردة محنه بوسط بســتان
ومن ماي الكلب نسكيج يمنــه
كمر يمه بسمانه ونفتخر بيج
مكانج عالي يابسمة عمرنه
محتارين يمه شنكتب اعليج
نقصر يالحنينه شما كتبنه
اذا يمج انّام شكد تفرحين
وتغطينه بعباتج لوبردنه
بسرعه الوكت يمشي ومانحس بيه
اذا نكعد وياج وتسامرنه
ولو نترس اوراق الكون بس بيج
مانكدر نوصفج وحق ربنه
ومانوصل حنانج يمه ورباج
بس ندعي الحفيظ يديمج النه
رد مع اقتباس