خشنه هاي أم بيت يعني معدله
من إديهة إمبينه إذا تاعوبه حيل..
خشنه هاي أم بيت يعني معدله..
الخفيفه من الرسن تعرفهة زين..
والثگيله شما تعتهة مزنجله..
الرطبهة معلگ ابحلگ السماء..
شگد فرق عن التجيگ إمهدله..
التشد ظهر الزلم مرضعهة طيب..
والرچيچة شما تشدهة امبهذله..
ما أجامل وحده ماشفتلهة زين..
الگرعه گرعه شلون اگلهة مگذله..
هي وگفه وينحسبلك بيهة صيت..
وراح اوضحلك فقط هالمسأله.
حته لو طلاگه تفتح لليجيك..
فرق عن باب اشكبرهة معزله..
فشله عالبست عگل ياكلهة خوف..
وبالنوايب تلگه حرمة مشچله..
بالشوراب غلط تنقاس الرجال. .
عدنه نسوان شكثر بس مرجله..
علي السامرائي
رد مع اقتباس
