هنا

[عضوية92213]

السلام عليكم حبايبي شلونكم شخباركم

اني جاي اواجهه مشكله خبلتني كوله فتره اسوي حساب ويتهكر كوومه سويت اتضل اسبوعين وبعد الأسبوعين يتهكر الحساب ومااعرف ليش مع انو خافيه كوله المعلومات والأصدقاء وبعده جاي يتهكر مااعرف ليش
ممكن تنطوني حل لهذي المشكله
وشلون اسوي حساب قوي غير قايل للتهكير
اتمنى اتفيدون واكون ممنونه

[Samer]

متاكدة انه مو دا يصيرله تعطيل من قبل الفيس بوك بسبب انه مثلا، الاسم ليس باسم بشري صحيح (اسم رمزي)، طبعا بهذه الحالة تطلعلج رسالة تكللج الحساب معطل، هذه مو تهكير

بس اذا دا يتهكر بفعل فاعل فعلا فلازم تتأكدين من الآتي

1. الباسورد اللي تختاريها مو نفسها كل مرة (باسورد فقط انتي تعرفيها)
2. تتأكدين انه جهازج اللي تدخلين بيه للفيس بوك غير مخترق ، فاذا شاكة لازم (بحالة الحاسوب فرمتة، و بحالة الموبايل اعادة ضبط المصنع)
3. اذا تستخدمين ايميل، لازم تتأكدين انه الايميل نفسه غير مخترق (عادة بمجرد تبدلين الباسورد مال الايميل كافي)
4. ربط الفيس بوك برقم تلفون، علمود يكون ممكن استرجاع الحساب عن طريق رقم التلفون
5. تفعيل الية (تسجيل الدخول بخطوتين)

ماكو (حساب قوي ما يتهكر) يعني هذه الجملة غير منطقية، اي حساب ممكن يتهكر اذا الهكر كدر يخترق الجهاز، او عرف الباسورد، وبخلاف هذا مستحيل يتهكر ، اني حسابي من سنة 2005

هذه حدود معلوماتي .. تحياتي

[عضوية92213]

متاكدة انه مو دا يصيرله تعطيل من قبل الفيس بوك بسبب انه مثلا، الاسم ليس باسم بشري صحيح (اسم رمزي)، طبعا بهذه الحالة تطلعلج رسالة تكللج الحساب معطل، هذه مو تهكير

بس اذا دا يتهكر بفعل فاعل فعلا فلازم تتأكدين من الآتي

1. الباسورد اللي تختاريها مو نفسها كل مرة (باسورد فقط انتي تعرفيها)
2. تتأكدين انه جهازج اللي تدخلين بيه للفيس بوك غير مخترق ، فاذا شاكة لازم (بحالة الحاسوب فرمتة، و بحالة الموبايل اعادة ضبط المصنع)
3. اذا تستخدمين ايميل، لازم تتأكدين انه الايميل نفسه غير مخترق (عادة بمجرد تبدلين الباسورد مال الايميل كافي)
4. ربط الفيس بوك برقم تلفون، علمود يكون ممكن استرجاع الحساب عن طريق رقم التلفون
5. تفعيل الية (تسجيل الدخول بخطوتين)

ماكو (حساب قوي ما يتهكر) يعني هذه الجملة غير منطقية، اي حساب ممكن يتهكر اذا الهكر كدر يخترق الجهاز، او عرف الباسورد، وبخلاف هذا مستحيل يتهكر ، اني حسابي من سنة 2005

هذه حدود معلوماتي .. تحياتي

مااعرف يمكن مخترقه للموبايل لان الأسم مقبول وغير مزخرف وحتى والأيميل مو نفسه استخدمه لأكثر من حساب وكلمة السر اسويها ارقام ورمز وحروف من هذي الناحيه من معندي مشكله

بس شلون ارجع للحساب اكو يكولون الا برقم امريكي علمود ميتهكر مره لخ

[أزل]

اني مثلج هماتين كل فترة ونغلق حسابي ...

[Samer]

ماكو هيج مال (الا رقم امريكي)، الرقم هو رقم .. بس لازم تتأكدين انه اللي دا يصير هو (حالة اختراق) لو (مجرد تعطل الحساب) ... اذا فد صورة للواجهة نكدر نحكم، وممكن بعدها ننطي اقتراحات (مو احتمالات)

[Suzana]

مو تهكير حساب چان اتهكر حسابي من 2010 بس الفيس يعتقد بانه حساب وهمي فيقوم بحذف الحسابات..
لذلك من اتسوين حساب بالاضافة الى التأكيد برقم موبايلچ وايميلج المفعل اكديه بهويتج اي مستمسك رسمي الچ بطاقة الاحوال المدنية جواز سفر وكون الاسم اللي سجلتي بيه بالفيس مشابهه تماما للموجود في البطاقة هذه الامور محد يطلع عليها غير ادارة الفيس مجرد ماتوصل تتشفر المعلومات اللي دزيتها ويقوم الفيس بحذفها بعد التأكيد
رابط التأكيد بهوية
https://m.facebook.com/help/contact/183000765122339

[الغريب ي]

للاسف عرفت نوع هيج شغله جاي تصير وي الكل واكو اسباب ومن خلال تجربه شخصيه بهذا الموضوع ...من يجي اي شخص يريد يسوي حساب لازم ايميل جديد مفعله من ال google وماكد الايميل برقم موبايل من تسوي حساب على الفيس بوك ميصير بيه حاله مثل مصارت للاكثريه الاسم لازم بالانكليزي الاسم والعائله ....الخ بعد مايطلب الفيس رمز تاكيد التفعيل وانفتاح الصفحه الجديده لابد ان يكون رقم هاتف ممستعمل وتتاكد برقم الهاتف .....الخطوه الخ اضافه الاصدقاء الزينين يعني الي ملهم علاقه بتهكير الصفحات والخطوه الاهم متنضم لكروب انضميت اله سابقا ومتعرف نفسك داخل الكروب مثلا تكول اني فلان الي جانت صفحتي فلان وهسه سويت صفحه جديده يمكن اكو شباب يحبون يلعبون بالايميلات ف تنسد الصفحه المعلومات هاي عن تجربه وبالتاكيد لازم تتاكد الصفحه بالهويه ان لزم الامر وراح تصير صفحه ثابته وشكرا

[سعد العراقي راقي*]

تعطيل الحساب شي واختراقه شي اخر
الحساب المعطل لايظهر كصفحة شخصيه عند البحث عنه انما تظهر رسالة تخبر بان الحساب مغلق لسبب معين
اما الحساب المخترق فهو يظهر لكن لاتستطيعين ان تتحكمين به كونه اصبح عند شخص اخر
.......
نعم تستطيعين انشاء حساب جديد عن طريق ايميل معتمد ومؤكد برقم هاتف واسم مقبول وصورة ملائمة
وبعدها تحققين الهويه
وقد اضافت شركة الفيس بوك تحديثات جديدة تحمي الحساب بتخصيص الاجهزة التي يمكن ان يفتح منها الحساب حتى تمنع الاختراقات
.........
على العموم دائما الحسابات القديمة افضل واقوى
حاولي حتى تحصلين على حساب قديم من صديقة ..... ويفضل ان يكون الايميل المسجل به هوتميل وعدلي معلوماته واستخدميه ....واذا ماتحصلين حساب قوي انطي خبر للمدير سامر وانا اخليلچ حساب يمه

تحياتي لك

[Suzana]

وحتى تتأكدي انه حسابج ما مهكر اخاف ابالج التهكير مو الغلق اتأكدي من خلال اعدادات الحساب ..عام ..اتأكدي انه ماكو ايميل اخر او رقم تلفون مضاف بالنسبة لايميلج الاساسي عادة الهكر يضيفله فد ايميل حتى يسترجع الحساب عن طريق الايميل اللي ضايفه..فالافضل من اتشوفيه تسوين ازالة وتسجيل خروج من الاجهزة الاخرى ..
وايضا أشري(صح )على موافقات تسجيل الدخول..حتى اي شخص غريب يدخل راح يجيج اشعار من الفيس تم تسجيل الدخول بواسطة جهاز غريب والعنوان مجهول وراح يسألج انتي لو مو انتي؟
والاجهزة المتعارف عليها طبعا راح يكون جهازج والمكان



وهنا الايميل الغريب اللي اتسويله ازالة وخروج من الاجهزة الاخرى

[نصرت القيصر]

حسابي روسي وتهكر
بدل الاميل والرقم السري ويتاكد بهويه بهذي الحاله يكون قوي