كون البيه هذا يصير بيك
تضل عيوني مشبوحه علدربك
دعيت الله وريتك الي تصير
وما قصر حشه وانطاني ربك
بس دعوتي قصدي ملكي تصير
مو اخذ جسد وهناك ﮔلبك
عندي المشكله ما اكدر انساك
صح نسيت بس صعبه انسه طاريك
لو ذكروا حروفك روحي دمعه تصير
ﮔلي انته دمعك هم يـﭽويك
من ﮔـتلك نسيتك اللساني ماقبل يحجي
ﮔتله احجي وبغيره اداريك
سمعت جرحي يـﮔلك ابقه وين تريد
ﮔـتله اسكت يجرحي واني اداويك
من طبعي اسولف للقصيده هموم
ثق حتى القصايد بـﭽيته عليك
ممصدك تكول الورق ماله عيون
انته اقره القصيده وخل تحاجيك
واسئل روحي ذيج الليله رادت تموت
رادت عني تمشي وما تجافيك
ﮔتله يروحي واني اعيش شلون
ﮔالت انته بس جرحك يواسيك
ميواسي الجرح والجرح بيه نار
لان حتى الجرح تعود يلاشيك
ثق لمن يشوفك يلم روحه يطيب
كل دمه يوﮔف يصفن عليك
لو ردت اداويه يزعل هواي
رغم هذا نزيفه منتضرك يداويك
بعد شلي بحياتي وانت عني بعيد
كون البيه هذا يصير بيك
منقول #
رد مع اقتباس
المشاركة الأصلية كتبت بواسطة حيدر حيدرha
