شاعر عراقي يوجه قصيدة للنائبة العبيدي التي طالبت بتشريع قانون حول تعدد الزوجات في العراق
ألف شكراً ياجناب النائبة.
وانتي بهذا قرارچ صائبة.
.............
شوفوا هالرحمة الأجتنا ياربع.
الحكومة اتريد تطبيق الشرع.
اثنين نسوان ابحياتي تنجمع.
ابهالحچي بس كون مرتي تقتنع.
وترضى بافعال القدر والكاتبه .
ألف شكرا ياجناب النائبة.
..
كفو منچ يالعبيدي والنعم.
ابهالقرار اشكثر فرحتي زلم.
وهالقرار ابنقطة لازم ينختم.
الما يطبق كون باچر ينعدم.
والحكومة ابقسوة كون اتحاسبة.
ألف شكرا ياجناب النائبة.
...... . .
ينعدم كلمن يخون الأتفاق.
واللي ما ياخذ مره ايخون العراق.
ترى عيشتنه اصبحت لا ما تطاق.
والزواج الثانية شدوا النطاق.
وخلوا كل واحد يبشر صاحبه.
ألف شكرا ياجناب النائبة.
.........
وحظ ابو جبار هالمره گعد.
ومن بلا ام جبار خلص للأبد.
بلكي من بعد الصبر ياكل شهد.
وخل يزين لحيته ويرجع ولد.
وخل يحف وخل يخفف شاربه.
ألف شكرا ياجناب النائبة.
..........
صدگ لو صارت ويوصلني السره.
السلفة والقطعة ووياهن مره.
أربح الدارين دنيا وآخرة.
وأرجو منچ يا امريتي المعذره.
وحتى لو دمعاتچ اتضل ساچبة.
ألف شكرا ياجناب النائبة.
وانتي بهذا قرارچ صائبة
رد مع اقتباس
المشاركة الأصلية كتبت بواسطة *JaLaL*X*
