هنا

[فقار الكرخي]

خاف اتكول عني اتمرجح اوطاح

لو بعدك صرت ريشه ابوسط ريح

هزني اشماتهزني اجفوفك ارتاح

اصيرن عيد واطفال اومراجيح

مدام انه حديقه اوردي فواح

لابد تنحني الكاعي الفلاليح

بعدني اوداعتك والجاي والراح

وحك عمري الكضيته اوياك تسبيح

ما اندم وطك الراح بالراح

صبغ سود اليالي اوباجر ايطيح

ولو دنيانه صارت غابه وشباح

وطفت ظو ياتنه اوذيج المصابيح

شطبتك من خيالي اورسمك انزاح

لغيتك من حياتي ابدون تجريح

لون باب الكلب يرهمله مفتاح

لصبلك من دمع عيني المفاتيح

وشوفك وين جرحك حته ترتاح

بلا تهديد ووعود اوتصاريح

كبل عينك بجتني ادموع تمساح

بعد ماصدك ادموع التماسيح

الميت مايرد من يسمع اصياح

واذا محد يسمعك المن اتصيح






حسين سالم الشميساوي

[غسان العراقي]

حلوة القصيدة
تسلم

[㋡!!ɪℓ™]

كلش حلو تسلم الايادي