هنا

[ارجع يازمان]

ليله وكُمر
وشتنتظر!
ظميتلك ختيله من لعب الزغر
هلليله هاي اتعادل ايام العمر
كل النجوم اتحضرت وتريد تاخذلك صور
كل ضحكه منك طَلعَت عيد ومنصات وشعر
اجمل قصيده اتعنونت لعيونك ابليلة وكمر!
لا تعتذر
وشتنتظر!
هذا الورد خجلان ويدور العطر
شوف النهر عطشان ويريد المطر
ياغيمة القداح مالك كل عذر
لا تعتذر
والمايلوح الدنيا محتاج الكبر!
اسنين اسولف بيك وامشي اعله الاثر
دورتك ابروحي اشكثر
وبكل كتر!
وبكل محطات الهجر
مالك أثر!
ولشوفتك ناذر نذر
لو بس اشوفك ياقدر!
اتسرفن الحد الفجر
وأذبحلك اجروح الغدر
وعيون تعبها السهر
واعزملك أهات البشر
كل البشر
وعزملك انجوم السمه
وياهن الليله وكمر!
ليله وكمر
حسين االساعدي

[غسان العراقي]

الله روعة
تسلم اخي على النقل

[ارجع يازمان]

الله روعة
تسلم اخي على النقل

حضورك الاجمل شكرا لروعتك