كظيت العمر وياك ..هم هم
وهجرك فوك الضيم زادني ..هم هم
وهسة تريد ترجع وبعدين ..هم هم
تتركني وتعوف جروح بية
كظيت العمر وياك ..هم هم
وهجرك فوك الضيم زادني ..هم هم
وهسة تريد ترجع وبعدين ..هم هم
تتركني وتعوف جروح بية
تعال ومر على الحبوك ..مرة
وحياتي بعد فركاك ..مرة
تذكر من واعدتني وكلت ..مرة
ماعوفك لليوم المنية
إبتليت إبحب حبيبي
بلوة هاية
ولوة هاية وأعينة
بلوة هاية
إنعمت هاي إعلة مودة
بل وهاية
ويكلي شبيك ماتبجي علية
_________________
إشفنة من وكتنة
شفتهمنة
وهمنة إكبال عينك
شفتة همنة
ذبحنة وفوك ذبحة
شوف تهمنة
يكلهم بالذبح تعبولي أدية
_________________
أحباب ألروح كلبو فرد كلبة
ووكتنة إبلون نص الليل كلبة
دفعني وإنكلبت شلون كلبة
وسحكني ومن عثر ظل يسب بية
_________________
يدنية وياي بعد وبعد
جدي
وعلي صيحي بعالي ألصوت
جدي
هجمتي بيت أبوي وبيت
جدي
وأنة إبلا بيت شتهدمين بية________________
كبل من أصل طيب فرعينة
هسة ألعكل طاحت فرعينة
ألوكت يخزر علية فر عينة
درت عيني وبقت عينة علية
_________________
ألعتب عالكتب هل دستور
عل سن
بوطنة زعلت ألضحكات
عل سن
إعلاسة وألشعب معلوس
علسن
وقفلتة وإنعلس قفل ألبوذية
_________________
ألضم خيط حبك وندف آني
وأون بشتة فراكك وندف آني
عدل وأصرخ وصيحن وندفاني
بلكت تصدف وتخطف علية
_________________
موش إحنة بحلاتك منتمرنة
دمرنة وضوك وشبع منتمرنة
نطشلك واهلية من تمرنة
ونحط جادر إذا مابيك جية
_________________
علية مخلبصات هواي ماحيل
ولا حيل ألبقة بفركاك ماحيل
تولتني ألشماتة حيل ماحيل
وأنة وياهم أصيحن حيل بية
_________________
باد ألحيل وأتعس بيدة هاية
وطلع ماكر حبيبي وبي دهاية
سالمني وشبكني بيدة هاية
وبيدة ألثانية يأشر علية
_________________
إشفافك عسل و حصتي
مرة منهن
وإكطعلي جلاي سهمك
مرة منهن
إشكم مرة لحكتك
ومرة منهن
مو أنت إطلعت وشصار بية
_________________
إبحبك مرة أأيس مرة مني
سهامك عيد عدي مرة مني
مرة ألزعل منك مرة مني
ومرة إثنينة نزعل علية
_________________
أحب نيران من حبك دفني
وأموت وأحيا لوجفك دفني
تريد آني آخذك منك دفني
إبدمي تدور شيلزمك بدية
_________________
عليك ألقيت حجة وألقيامة
وياما براسك أقرة وألقيامة تدري ألحشر شنهي وألقيامة
ألقيامة وألحشر زعلك علية
_________________
ألوجود إشفرقة كلي منعدمنة
وشمل منع ألتجول منع دمنة
تدري ليش إحنة منعدمنة
لإن موتة إنولدنة إعلة ألوطية
_________________
قضية أسمك على أسمك
ماشخطنة
إزدحام إحنة إعلة دربك
ماشي خطنة
إشتظن من كد حلاتك
ماشخطنة
أليشوفك ينشخط مية بالمية
_________________
عسل وبحلكي وكتي مرجعلكم
ومرجعكم لكلبي
ومرجعة إلكم
صرت آية بهواكم
ومرجعلكم
خذيتو منين فتوة وخنتو بية
_________________
أراوي إجروح كلبي
بيك أراوي
ألعشك كروة تعبانة
وبي كراوي
أجذب من أكلهم
بيك راوي
أنة ألعطشان وإنت من آل أمية
_________________
مدلل ماتهيد أنت وناهد
وتكظني حيل متهدني وناهد
علي إتهد وكومنلك وناهد
وأصير وياك حتى إنهد علية
_________________
مو خالي ألم روحي
بي شي ألمها
أبألمها إنشل إبوهة
وبي شل إمها
أصابيعي إنبترت
بيش ألمها
وبيش أكتب قفل هاي ألبوذية
_________________
إبعدت زميت عنك
شلزماني
كصرن حيل شلهن
شل زماني
بعد مالوح ألزمك
بشلزم آني
إذا حتى علي متلوح أدية
_________________
بونيني صدعيت ألجبل وشجيت
يمن طريت كلبي عليك وشجيت
إلك حن ودفعني وجيت شجيت
إجيتك لا كلب لا روح بية
_________________
أنة ألزايعني وكتي
ونتة زاعلك
منو من كلبي جرك
ونتزعلك
علي كل زعل هين
وإنتة زعلك
يزعلني بحيث أزعل علية
_________________
شتة فراك ألأحبهم
يمداني
وغدرهم كمت أحسة
يمي داني
حتى من أغم كصتي
يمداني
أحس إبكصتي تتبعد علية
_________________
صراير عشك روحي
وك صرتلك
ونفس وكت ألمنازع
وك صرتلك
طويل وأعلة منك
وإكصرتلك
حتى تلوح من تبوس أدية
_________________
لا فاتحلي باب ألحب ولاصاك
إنلاصت دهري لايصهة ولاصاك
حلو ماشفت أنة مثلك ولاصاك
ولا واحد شفت مثلي خطية
_________________
الهــــجر يكتل يصاحب وانت داري
عليـــــك يخاف كلبي وانت داري
انـــت اهلي وعمامي وانت داري
انــــت امـــــــي وابـوي واخ اليه
ابشرك مابعد بالعين ضل ماي
وحس حته الصبح بجفاك ضلماي
زماني مرادف عله الروح ضلماي
سلب عقلي وشدهني وشد اديه
رمح جارح وكتنه خله بينه
ثبتنه وعيب بانت خله بينه
طبع احنه من ابونا خله بينه
نبيع ارواحنه ونحمي الخويه
الى اعز اناس الى قلبي ...
يهل روحك عله الطيبات تربه
وعله دربك تظل العين تربه
ياريت اكعد عله مصلاك تربه
وابوسك من تحط كصتك عليه
عسى بعيد كصير العمر ماطال
يامن وجهك بعد عالعين ماطال
ردي حظي وشخصك ابد ماطال
لون محظوظ كلك بين اديه
نبينة
اخذ درسك ..تعلم .. من نبينة
وشارت سادة صارت منة بينة
تهنة بوصفة احنة .. من نبينة
لان شمس وكمر طبكن سوية
بغـــــــــداد
أبد بغداد ما سقطت هوانة"
ودمنة السحب نازفتة هوانة"
آنة مو آنة العراقي هوآنة"
الشلت مگوار والفالة عشية
تحياتي...
مصايب غربتي بهجرك لوني"
أفرح وأنسعد وأرجع لوني"
أمنيتي من العمر يمك لو أني"
تواسيني وتضمد جروحي الية
سلامي للولف ياطيــر وصله
احبه ومن صدك محتاج وصله
كريم النسب ابن شيوخ واصله
اصل عز واصل غيره وحميه
اخوتي الچنت اودهم دوم يمناي
عگبهم ماتهوش عداي يمناي
گمت اصفك يساري فوگ يمناي
على ابن امي السرة تحت الوطية
أبتليت وشال كلبي بابلية
ومنـك خذت بابـل بابليـة
بعد للبيت ماحـط باب لية
شتلعتهة بدكتك يعطلك علية
عالحب گتلك البي تضحية يعيش
خذت رايي وسمعته وبية ضحيت
وشفت حفل افتتاح جروحي للناس
وشفتك من بعيد بروحي گصيت
همزين عندك دمع من تخلص اعذارك
جذاب ماتشتعل طافي وثلج نارك
والله طبعك طبع بعيوني اشوفك نبع
بس هية غلطت عطش صابتني يم دارك
روعة وربي عاشت ايدك ع المجهود
شكرا لكم نورتو موضوعي يا غالين
الا تظلم دليلي اياك وياك
انه طفيتك وجف الغير وياك
صدك من علي تهد وياك
اهد وافزع وطك بثنين اديه
شكثر هم بدليلي يامه عانه
وتعذب يامه ويامه عانه
يعمي انته معاهم يا معانه
تهد وتفازع وتاهت عليه
عسا بعدك كصير العمر لا طال
يمن وجهك بعد عالعين لا طال
ردي حظي ولشخصك ابد لا طال
لون محظوظ كلك بين اديه
صحبتك ليش كصرت ما طلتها
وانه الدنيا علمودك ما طلتها
جنتلك فرصه سهله ما طلتها
خصرتني بسبب بطرانك عليه
