السلام عليكم
شبابنه اليوم وبعد جهد مضني
كملت الموسوعه الاشمل والاقوى للابوذيات
واللي تحتوي على الكثير الكثير من الابوذيات العراقية المتنوعه من غزل ورومانسية وحب وعتاب وغيرها الكثير
واتمنى ان تنال رضاكم
بس ترة اغلبيتهن منقولات للامانه
وهسة اخليكم وياهن
:::::::::::::::::::::::::::
:::::::::::::::::::::
:::::::::::::
:::::::
:::
:
.
وسفه الدهر شتتكم وطركم
حسافه ماكضه منهم وطركم
بذجركم هذا انه اهذي وكركم
يعيد الله شتتكم جمع ليه
زماني جرد اسيوفه وسنهه
عليه اوحرمت عيني وسنهه
وحق اللي فرض خمسه وسنهه
بعد هيهات عيش ايصير اليه
حبيبي دك بذرعانه ولجتاف
بضلعي جاسي اللبي ولجتاف
رضينه بحبس دندوشه ولجتاف
وهي سجاني وتفتر عليه
مر ولفي ايهبتني ومره هبته
ومره اوصلت يمه مره هبته
طحت مقدر يصاحب مره هبته
اسد يخسه الاسد ملقاه اليه
ابنار الهجر يامهجه دموعاي
على مصابي السمه يمطر دموعاي
اشما هلن يدندوشه دموعاي
حسناتج تبدل بالف سيه
سريتوا بالضعن ياترف هاوين
جفيتوني ولعند الغير هاوين
هاميت يحلو الطول هاوين
حياتي والنظر اقبالك عليه
وحم الالف واللامين والها
روحي بهوى ساهي العين ولها
لها ثغر وجبين وعين والها
خذ شبه البدر لو سطع ضيه
من مثلي دمع عيني يهلهه
سبب غالب على روحي يهلهه
وعلي تحيولكم ميت يهلهه
من تبدي ترد الروح اليه
حزني عليك مايبطل وناحي
اسب اللامني بودك ونا حاي
تبات الناس مستوره ونا حاي
ليلي والنجم يشهد عليه
وحك آية عصا موسى وسينا
الك حثت رجايبنه وسينا
الك حسن النبي يوسف وسينا
الي والنور الك والنار اليه
يحادي روعت قلبي بلحداي
يخايب لفني وياهم بلحداي
اون طول الدهر حتى بلحدي
على الساروا وخلوني شجيه
كل مغرم برت علته وناله
سعيد اللي حضه بشخصك وناله
الطارش من سمع نوحي وناله
ترك شغله وبجه رحمه عليه
حبيبي جفاك المعبودج صبراي
حبيبي كمت اكل للروح صبراي
حبيبي من ذكرتك نفذ صبراي
حبيبي يصب فراقك عليه
الدمع نهران بخدودي كراهه
حبيبي سلب من عيني كراهه
ليش امحبتك صارت كراهه
اشبده مني وتشمت اعداي بيه
روحي والهوى ودنياي وعداي
علي وشلون اشيل الجدم وعداي
صابر وانتظر واشوف وعداي
ابفرح لو دوم وكتي محيط بيه
ابكثر مانوح ملوني يراني
طحت والشامت ابعينه يراني
يخوتي السبع من جسمي يراني
اكبال اهلي وعمامي اتشوف هيه
اف من زماني اه منه
على اللي عشرتي وياه منه
اكله الدرب هذا يكول منه
اكله فوت بيه يرد عليه
دمه دمع البيابي سال وانهات
عليك اكضي العمر حسرات وانهات
بهواك انه اعذلتني الناس وانهات
ما خذني الهوه غصبن عليه
المصايب بس على روحي تلافت
يقلبي اعله النكر طيبك تلافت
اون وعطامي بهجرك تلافت
طريح وساد دوب النفس بيه
عفاني جيف الى مهجه ولي روح
اداري بالعلل كلها ولي روح
ماني بحال من يبكه ولي روح
ابحالك يالقطعت الوصل بيه
روحي مشت وياهم وهامت
على الما بينت منهم وهامت
اجفوف اعليك اطيرها وهامت
واخلي ادموم تجري اعلى الوطيه
تهت محد من احباب علي شار
ينجيني الذي شمسه علي شار
حجيت المصلحه طلعت على شار
رجيت الغانمه صارت رديه
هذا اللي لعند اعضاي هد هد
ملهي وابد ماينصاد هد هد
اكله اقرب يقلي ليك هد هد
ارفع مشتهاك اشتظن بيه
ناحل وامشي امكابر تراني
اجلد خاف عدواني تراني
تاره الموت يدهاني تراني
اصحه من يمر شامت عليه
قوم انصب يصاحب ماتم النه
على الوياه ليله ماتم إلنه
لون الرجل يملك ماتمنه
مهو بالهون فركاهم عليه
يصاحب لو تشوف اشلون كتماي
على عيوني ويسح الدمع كتماي
اشما اقل للروح سر الهوه كتماي
تحن وتهيج الساكن عليه
تظن انساك وانته الروح واسلاك
سبب مايوم مني انقطع وسلاك
أعيش آنه عقب فرقاك وسلاك
معافي والوشاة أعملوا بيه
هذا البيه كنتم لايميني
وعذر مافاد بيكم لايميني
لو تكتف يساري وي يميني
هذاك انه الهوى غالب عليه
اشمالك يازماني علي صليت
ابنار وحمسيت اجلاي صليت
مثل ماصلت ام عمران صليت
فنكحني الهوه وذبني بنويه
مدري لاتناشدني على احشاي
بجيت وصب دمع عيني على حشاي
تبعت الضعن وكفوفي على حشاي
إشما مال الضعن روحي إتميل بيه
أنام وشوك محبوبي يعاني
افز مرعوب واتخيل يعاني
هلي الدمع مرخوصه يعاني
على اللي بالوصل شحوا عليه
نصحته اولا نفع وياه نصحاي
سكاره احنه بهواه مابعد نصحاي
جفاني وصرت نصي ميت نصحاي
نحيل ولا اثر نكاد بيه
وحق التعبده شيعه وسنه
ذوله الحرموا نومي وسنه
عليك اسيوف جردنه وسنه
علمك يلعبدت اشميت هيه
اعذرني والوكت عنك لهاني
بعزاك الزاد الي ابدا لهاني
تفر من البدن روحي لهاني
بسبب ماشالت التابوت هيه
صب دمعي على الوجنات ياهل
أوماتدرون بيا اشصـــــار ياهل
صرت عصفور جني بيـد ياهل
أهـو يــلعب وانــا اشــــنون بيه
لويت الدهر مافد يـــوم حنيت
وديا من دموع العــــين حنيت
ييمه اوداعتج هالـــــيوم حنيت
أوشلت نار الدمع بجفوف أديه
أنا ابميزان الهوى عاني كفاني
أوحي لاتحسب العاشق كفاني
أناتبت قلت الدي بـــــيا كفاني
أنا شجاني اوعاودة سوده عليه
شهر سيف الهجر ضدي وسله
نساني اوراح وي غيري وسله
عنب ماحصلت مـــــــنه وسله
طلع ذيب أوكتلني اربـات إديه
وسفه الدهر شتتــكم وطركم
حسافه ماكـضه منهم وطركم
بذجركم هذا انه اهذي وكركم
يعيد الله شتتـــكم جمع ليه
تبنا من العشـــــــق واردود عدنه
وحسبنا اسنين مره وتــــــاه عدنه
أهوايه بالسلف حلـــــــوات عدنه
لون روحك صدق خضره وطريه
زماني جرد اســيوفه وسنهه
عليه اوحرمــت عيني وسنهه
وحق اللي فرض خمسه وسنهه
بعد هيهات عيـش ايصير اليه
أنا ماحسبت لن شــوقك وبالي
وعودي ذبل بفــــــراقك وبالي
أقوم أنا أويا الربع واقعد وبالي
بويا يمك ولشـــــواق أدور بيه
يحادي روعت قلبي بلحداي
يخايب لفني وياهـم بلحداي
اون طول الدهر حتى بلحدي
على الساروا وخلوني شجيه
حبك من شفـــــاف القلب عتباي
ولانوبه أذكرتنا واوصلت عتباي
أعتب مانفـــــــــــع وياك عتباي
على ياهي أزعـلت واقطعت بيه
هذا البيه كنتـــم لايميني
وعذر مافاد بيــكم لايميني
لو تكتف يسـاري وي يميني
هذاك انه الهوى غالب عليه
بــودادك آخ للـــــــــــدلال فخار
جدب كلمن عليه الجـــــــد فخار
اختلاج الناس من صلصال فخار
وحبيبي اختلق بالقـــــدره العليه
اف من زماني اه منه
على اللي عشرتي وياه منه
اكله الدرب هذا يكول منه
اكله فوت بيه يرد عليه
صعدت اجبال فوق اجبال عالي
أوصرخت صوتين يم قدله تعالي
يـنـيـت قـــصـر بـالجـــنه تعالي
نــرد نـســـكن أنـــا ونــته سويه
كحل بالعـــين أحـــــــــبابي يحطون
أوياحربه أمسومره أبقصبى يحطون
ياليت أهلك أبجــــنب أهلي يحطون
نـــنام أثـنـيـــنا أونلتــــــــــف سويه
روى الزيتون من دمعي ولاراك
أوغيرك مانحل جسمي ولاراك
أخاف أطول غيبتكم ولاراك
وعند وصلك تدانيني المنيه
دمه دمع البيابي سال وانهات
عليك اكضي العمر حسرات وانهات
بهواك انه اعذلتني الناس وانهات
ما خذني الهوه غصبن عليه
روحي برشف خدك من عداها
احب وصلك وهابك من عداها
افراكك يوم احمله ، من عداها
ازورك لو تصير احزاب اليه
قلبي مافرح عقـــــــــــبك ولاسار
ولاجذمي ماخطى الغيرك ولاسار
أخبرك مابقت جـــــــــلمه ولاسار
فضحني الدمع من غصـــبن عليه
يشقر عــــــن اودادك سنلها
اونارك تسعر ابجبدي سنلها
ساعه الفــــارقت بيها سنلها
اشحال افراقـك يومينك عليه
وحك آية عصا موسى وسينا
الك حثت رجــايبنه وسينا
الك حسن النبي يوسف وسينا
الي والنور الك والنـار اليه
أريد أرحل ابضعن الشوق وحداوي
أوقلت هذا قراري أوياك وحداي
أريدك بس إلي خاص وحداي
مو عين الهاي أوعين إليه
انت الشمس وانت البدر منهل
وشفافك طعم العســـــل منهل
كلبي بس إلك ياتــــرف منهل
الورد من تمر ياخـذ لك تحيه
كل مغرم برت علتـــه وناله
سعيد اللي حضه بشخصك وناله
الطارش من سمع نوحـي وناله
ترك شغله وبجه رحمــه عليه
حبي إلك مافد يـــــــــــــوم ينقص
أوليش الصاحب أمن ايغيب ينقص
زمن خل الحديد ابخشــــب ينقص
ويخلـــــــــــــي الماله اول بالثنيه
بعدني ألف وسفه الوقت عنك بعدني
أموت أو أرتجي وصــــــلك بعدني
أوتراني عالعهد باقـــــــــــي بعدني
تراك أنت النظــــــــــر والحيل بيه
ناحل وامشي امكابر تراني
اجلد خاف عـدواني تراني
تاره الموت يدهـاني تراني
اصحه من يمر شامت عليه
علامات الكبر بـانت ولاحن
أوخويا المنكسر قلبه ولاحن
بعد ما أنشد عنــــهم ولاحن
ولاحن بعد بالمـــــــالي بيه
عقلي ياترف حبـــــك وجن بيك
من الجوري يمحبوبي وجن بيك
إجيت انتوعـــــــــدك وجن بيك
ليالي الفرح وايــــــامي الزهيه
حجايانا قضن يشـــــــقر وكتهن
ولون يحصل مجال إلهن وكتهن
أنا القى أدموع بعيــوني وكتهن
أودمعي خلص وانقــــــطع ميه
قوم انصب يصاحب ماتم النه
على الوياه ليــله ماتم إلنه
لون الرجل يمــلك ماتمنه
مهو بالهون فــركاهم عليه
بتاج الفرح ولفــــي توجاني
وحسن ردلي شبابي توجاني
من اثمار المحبــــه توجاني
قلبي الشبع ضيم أمن الاديه
نصحته اولا نفـــع وياه نصحاي
سكاره احنه بهــواه مابعد نصحاي
جفاني وصرت نصي ميت نصحاي
نحيـــل ولا اثــــر نكاد بيه
مر ولفي ايهبتـني ومره هبته
ومره اوصلت يمـه مره هبته
طحت مقدر يصاحب مره هبته
اسد يخسه الاسد ملقــاه اليه
وحق التعبده شيعه وسنه
ذوله الحرموا نومي وسنه
عليك اسيوف جردنه وسنه
علمك يلعبدت اشميت هيه
أحبـــج ما أحب غــــــيرك بدالاج
أوشوقي مابدى الغيرج بس بدالاج
أنــا ويـن القــى يا ......... بدالاج
مــلاك ومــن الســـــما نازل عليه
وحق الالف واللامــين والها
روحي بهوى ساهي العين ولها
لها ثغر وجبين وعــين والها
خذ شبه البدر لو سـطع ضيه
سريتوا بالضعن ياترف هاوين
جفيتوني ولعـند الغير هاوين
هاميت يحلو الطــول هاوين
حياتي والنظر اقــبالك عليه
سمر لو بيض يعجبني شكلجن
تنور اشماتــــــــقللي ابشكلجن
لون واحد على حـالي شكلجن
بويا تحنـنـتن وانا النــيران بيه
الرد
اشتــبي مــنا تســــألنا ابـــشكلـــــنا
بويا ورد جوري أبوسط جنه شكلنا
لون واحد على حـــــــــالك شكلنا
بويا عصرنا الزلـف وانطيناك ميه
حيره ابياسجيه أمتدح وصفى
أنقى امن الذهب والماس واصفى
أعلى امن الوصف والمدح وصفى
ابكل خصله حرت وابكل سجيه
حبيبي دك بذرعانه ولجتاف
بضلعي جاسي اللبي ولجتاف
رضينه بحبس دندوشه ولجتاف
وهي سجاني وتفتر عليه
أسنونك بيض لون الوفا بيهن
أودواليبك وفر بيهن
لون جنحان عندي وفر بيهن
وجيك أبليل جد تطري عليه
حبيبي أومهجتي أودنياي ونته
ترى المالوم صعب اهواي ونته
يصاحب تاه مني القلب ونته
بس لو صادفك تلقاه إليه
حزني عليك مايبطل وناحي
اسب اللامني بودك ونا حاي
تبات الناس مستوره ونا حاي
ليلي والنجم يشهد عليه
ليش انته على الحبوك تنحال
وظلوعي ابيوم شال الظعن تنحال
إلك عقده ابدليلي عيب تنحال
لما يطلع جديد الشيب بيه
حبيبي جفاك المعبودج صبراي
حبيبي كمت اكل للروح صبراي
حبيبي من ذكرتك نفذ صبراي
حبيبي يصب فراقك عليه
غياب اجفاك لرموشي لجهنا
عميت أوروح ماعادت لجنها
وحقك غالي او دمعي لجنها
ارخصت من يوم شح وصلك عليه
يناهي جوز عن هالطبع وتراك
ومثلك منوجد بالعرب وتراك
خذك نار لوفانوس وتراك
وشعرك ليل والقصه ثريه
حمامة الفرت من إيدي و لاجت
و عليها الروح تتعذب ولاجت
من أمس لليوم لاحطت ولا جت
ولا إلها جدم بأرض الوطية
****************************
أريد أعبر بحر دمعي وفية
و عليج أقطع ألف فيه وفية
بشمس حبكّ آنة معذب و فية
و ماعندج وفى وإسمج وفية
****************************
عقلي ياترف حبك وجن بك
من الجوري يامحبوبي وجن بك
إجيت إنت على وعدك و جن بك
لـيـالي الفرح وأيامي الزهية
******************************
وحك البلمهد ربه وحاله
الدنيا وياي للهام وحاله
صديقي الهد علي چلبه وحاله
الچلب رد وصديقي انهد علبه
*********************************
اشفنا من عمرنا وشفتهمن وهمنا
هل الكبالك شفته همنا
ذبحنا وماتهمنا شوتهمنه
ايكلهم بالذبح تعبولي ايديه
*******************************
گضن ايامنه يبن اامي وراحـن
وعليكم رمدن عيوني وراحـــن
شال المحب وگليبي وراه حــن
صفى بس البچي والنوح اليه
**********************************
اريد أگضي توالي العمر هايوم
على الصاحت بتالي الليل هايوم
ها اموت بسبع تيام هايوم
ها گبل الفجر يسرون بيه.
*****************************.
افز من يجي وليفي وفر بيه
وشبكه ومن فرحتي وفر بيه
اذا بالشته وجو بارد وفربيه
احس تموز حضنه يصير اليه
حيل صباي ضيعتة...ونا شاب
وگل للنايم اسم الله...ونا شاب
رحت للنار اطفيه...ونا شاب
وصرت مثل الطبيب البه اذيه
ياترف نعجز ولا نكدر نصف يك
وربك بالحسن كلش نصف بيك
نص بيه صفة گلبي و نصف بيك
وضل يون عليك الباقي بيه
اشتخصرلوفردساعه تمرنه
انشربك شاي ونوكلك تمرنه
خدم نوكف لون انته تمرنه
ونخدمك يا ابو ذات الوفيه
تريد احزان فك الصدر بي كم
ولا واحد سئلني الجيب بي كم
مو شايل كلب ليكول بيكم
اذا كل ساعه يحب عشره سويه
احبك واعتذر منك وناسف
جمال ابروحك امغربل وناسف
احط ابروحي تي ان تي وناسف
وافجر روحي اذا تزعل علية
صرت دم المشه بداخل وريدك
ومثل متريد مشيني واريدك
فراگك حيل مرمرني واريدك
على اجروحي تدوس بلا خطيه
يلي تمشي خفيف الرجل برضاي
ريتك خيزران ونبت برضاي
حبيبي عشرتي وياك برضاي
دخيلك لا يخربونك عليه ..
أصد وازعل وادير العين طبعان
لجن لجمات إلك بالقلــب طبعان
حلو بكلشي لكن بيــــــك طبعان
تـشــــك وتــغار بيــــــــها عليه
تهزهز يا كبر وانفض ترابيك
وعزيز الروح هالنايم ترابيك
اجاني العيد وعيوني ترابيك
انهض لاتشمت اعداي بيه
أحبابي اشلـون حــالتــكم بعدنا
اشبدينا والوقـــت عنـــكم بعدنا
إذا انتم نسيتونا ترى احنا بعدنا
أبذكركم كل صباح وابكل مسيه
أشلون الروح اكضها من تهم بيك
أو مثل تهمه حبـيــبي من تهم بيك
الضيم اليمر بــــــيا منته تهم بيك
ولاجنك وأنا مبـــــــــــــين عليه
حبيبي اختارك الــــدلال واشراك
عجب تحفر حفر لهواك واشراك
وحق مني الاله إنـــــداد واشراك
أحبك لو تصير احــــــــزاب إليه
صديجي الجـــــــــــــــان رايدني واريده
رخص دمـــــــــــــه وكطع لاجلي وريده
صديجي الجنت احبـنـــــــــــــــــه واريده
شماله شو كطع وصله عليه
ايـــــــــــــــــاك ثم ايـــــــــــــــاك و اياك
من صاحب ضحــــــــك بالجـــــذب وياك
يجمــــــــــع حطــــــب وبالنار يريد وياك
يضحك وياك والعله خفيه
بــــــــــــس انا زمانـــــــــي وياي خوان
خلاني وحيــــــــــــــد بـــــــــدون خوان
اعتمد على صديق وطلـــــــــــــع خوان
يحاول يسلب هدوم العليه
وحك اهل الوفــه والملـــــــــــــح والزاد
الكرم افضــــــــــل معاني الشيم والزاد
حلالي ما يهمني النقــــــــــــص والزاد
تهمني الناس شتسولف عليه
حلفت ما انشر خبر حبنــــــه ولا طش
مجيم حظي وي فكـــــــــري ولا طش
ولك مثلك ما شفت لزكــــــه ولا طش
و لا مثلي شفت واحد خطيه
اريد اغفي على ذراعــــــــــك وانامن
كضينه الحب تمــــــــــــن انت وانامن
وحـــك عيناك نسيت اسمي وانا من
تهت ارجوك دليني عليه
صرت دم المشى بداخــــــــل وريدك
ومثل منريـــــــــــــــد مسيني وريدك
فراكـــــــــــــــك حيل مرمرني وريدك
على جروحي تدوس بلا خطيه
منــــــك ما يردني العيــــــب والمس
الدمع انعجــــــــــن بالوجنات والمس
تسمحلي اشيــــــــل الثوب والمس
واشوف اشمختفي بجسمك عليه
من قرص الشمـــــس ربك جسمها
او ما ادري بعد المـــــــــن جسمها
اذا بالماي ينخــــــــــــدش جسمها
اشرايك من تطيح ابين اديه
احوك بثوب حسنــــك وانسى جنه
جهنم ارضــــــــــه بيها وانسى جنه
احسبنه بقفــــــص عينك وانسجنه
رمش عينك يظل حارس عليه
رضيت بزينك وشينـــــــــــك وعابيك
و كلبي ما وعى لغيــــــرك و عابيك
اشـــــــــــور بيك بيك تدري وعابيك
عجب وانت تريد تخون بيه
مره,,,,
كاس هجرك ياترف ماينجرع مره
والك بالكَلب يوميه ألك مره
اغلط يوم واذكرني ولو مره
تعال وشوف هجرك شعمل بيه
--------------
ولاطر,,,,,
خيط الفجر لاهلهل ولاطر
ولاطيفك ذكر ولفه ولاطر
يهل تنشد على كَليبي مهو طار
فرفر من عذابي الجان بيه
----------------
يوماي....
اسلم للحبيب بلطف يوماي
بسبب ابعد بعد ماجان يوماي
عسر يومن دنه يحباب يوماي
اموتن مغرم بحضن الغويه
--------------
هاوين.......
سريتوا بالضعن ياترف هاوين
جفيتوني ولعند الغير هاوين
هاميت يحلو الطول هاوين
حياتي وانظر اكَبالك عليه
-------------
لامت..........
وين اللي يرد الضعن لامت
انشظه عكَلي وعليه الناس لامت
يكَلي اصبر واكَله لامت
الصبر اثر اخزان وعمل بيه
---------------
والنه دنه.......
لنه صدر المجالس وألنه دنه
ولنه الجفنه الوسيعه والنه دنه
لنه صوله على حدنه والنه دنه
اباة ولاتجد بيه الرديه
-----------
وجناك ,,
ترف خدك يلالي براس وجناك
ربح بيت الذي رباك وجناك
والله لون عندي ثمن واجناك
حرز بالبيت تبعد كل بليه
---------------
الى مت ...
اعد بسنين العمر واحسب الى مت
وعليك الناس تنشدني ولامت
إذا جرحي الغفه بفراكَك ولامات
يموت لحين رجعتكم اليه
-------------
نثرت دموعي للاسمر والاكحل
وصبغ وجانتي على خدودي ولك حل
صدكني سهل انت ولك حل
احلك لو ترد انت علية
على ضيم الهوى ياروح علمي
وبيها ارفعت اني اليوم علمي
اسالتها المستوى وتكول علمي
بخامس باء يالتسال عليه
قلبي انت ملكته وانت حر بيه
عليل وطبي عندك وانت حر بيه
كاس السم اشربه وانتحر بيه
اذا غيرك يمس اطراف ادية
باب الدار بجفوفي لحني
وحنين النوك ما يوصل لحني
وطيت لكن اسهمك لحني
بوسط قلبي وطبيبي احتار بية
هلي وياهم چنت عايش بلاهم
ونهاري شماضوى مظلم بلاهم
هلي مدري الوكت شنهو بلاهم
ولاهم اعرفوا بالصار بيه
حبيبي لا تظن انساك ولهه
دوه الروحي غرامك صار ولهة
الشفة والعين ترد عليك ولها
تدعيلك كل صباح وكل مسية
الك ياصاح ماظل مني خاطر
واحسبه احساب دربك من اخاطر
تعال كرب حبيبي مني خاطر
تعرف اجنون حبك اسوه بيه
انا بگاروك حبك وانته هزني
صرت فرصه بحياتك وانتهزني
انه شجره محبتك وانته هزني
وخلي الورد يتناثر عليه
عيونك تصيب الگلب بسهام
يلي ابد ماشفت بهواك بسهام
انا طير المهاجر بالفضاء بسهام
اشوفك وانا تايه بالبريه
يـحلو الاطبـاع واصلني وقارب
ماعندي اهل غيرك وقـارب
سفينه بالبـحر ردتك وقـارب
تشيل الحمل من يثگل عليـــه
تغيب الروح بغيابك واردها
كتاب جفاك من عندك وردها
روحي بفركتك يذبل وردها
شمس انت وتنور الدرب ليه
تلوعنة وشفنه كل حلاوتهم ومرهم
والروح تمشي على طوعهم وأمرهم
حبيبي دوه لجروحي ومرهم
تمنيته يجي ويحن عليه
همت وانسلب عكلي وزاد مرضاي
على المر ماشفت شخصة مر ضاي
لون بات الترف بحشاي مرضاي
لكه اكرب يهل مبعد علية
بسك لا تضل تشكي بهاماك
وتلوم العين وتعضعض بهاماك
اخذ طبع النخل وارفع بهاماك
واذا بالطين عركك هاي هية
لو ردت الحبيب اتشوفه ينشــــــاف
وطيبلك جرح بضــــــــماده ينشـاف
اخبرك بل حبيب اشلون ينشـــــــاف
بس ضيف الاميل وهاي هيــــه
سماح اطلب انا المنكم وهدنــــه
كمش بيد التعورنه وهدنــــــــه
جبل راكَع خجل جيتك وهدنـــــــه
اصير اتراب ونته اسحكَ عليه
وحك رمضان وأشرافه وكتبه
عليك يهل دمع عيني وكتبه
انه شماريد أهم خطك واكتبه
شدهني جفاك من غصبن عليه
وحگ اعيونك ورسمك وداعك
وحگ جلماتك الحلوه وداعك
يصاحب فرهَد ابروحي وداعك
انتلف ثلثين والباقي باذيه
عجب خلخال ساكك مايرنش
جبح ودموع عينك مايرنش
يرن منك مصايب مايرنش
كرهتك لوحياة تصير اليه
تعال اسمع ون النايات وون عود
يخويه امشي نرد للوطن ونعود
اذا باجر متت بالغربه ون عود
وتظل ابعيد عن ارض الوطيه
روحي من الهجر عجزت ولابت
حلفت بدار ماأنزل ولا بيت
ذكرك مابقى ب***ي ولا بد
انكطعت من كطعت الوصل بية
تلوج الروح ياأحبــابي وراكم
وعجاج الضعن سد عيني وراكَم
يدمرني الحلم بيكم وراكم
ويريت الحلم واليقــضه سويه.
وسط گلبي يظل طابع وسمهه
عسل صافي حلو مرهاوسمهه
صفيت متيه باسمي وسمهه
لان هيه النجم واني الثريه
الدنيا خلافك وحشه ومره
ولا منك بعد جيه ومره
صورك مره اضمنها ومره
اشوفنها توج نيران بيه
احبة وما احب واحد بدالة
وياذنب البدة مني وبدالة
الك منصوب بكليبي بدالة
خطك على النبض يشتغل بية
الدهر وياي اللي يريـــــــــده
بنخلة الروح ظلت بس يريده
أخوي الزامطت بسمه يريده
ونخى الشمات من هدو عليه
**********
أخوي الزامطت بسمه ميانـــــــــي
أعصرت روحي لجل عينه مي آني
غدر بالخوه ويكلي ميانــــــــــــــــي
مياني شلون يالذاتك رديه...!؟
يعين خلافه دم تبجين
يوماي.
وماينفع وره المجفين
يوماي
خلاف عينك كرب
يوماي.
أبيع الروح بس تعود اليه
***************************
الظيم اكماط كمطنه ولفنه
وصار الحزن صاحبنه وولفنه
دروب الفرح مكطوعه ولفنه
رجعنه النوب لدروب الاذيه
******************************
الك ياما نبض كلبي ودكلك
واطحن بالحجي ناعم وادكلك
هواي اليوم ارمشلك وادكلك
درمش بالجذب مره عليه
**************************
اناالنازعني وكتي ونتزعلك
منو المن كلبي جرك ونتزعلك
زعل الناس هين وانت زعلك
يضوجني بحيث ازعل علية
*************************
مو تعليم شعر الحب تره إلهام
وأبد مادنك الغيرك تره الهام
ينتهي عندي من اشوفك تره الهم
ولاجن المصايب دك عليه
***********************
إلك ياما رسايل شعر وديت
وروحي أمجان روحك نذر وديت
كون الروح يمك تظل وديت
رساله بخمس سنتات أسأل عليه
************************
هله يلي عليك الكلب ليلاي
أبجي وبنوح أكضي أعليك ليلاي
أنا المجنون وانته صرت ليلاي
هايم والغرام أيحيط بيه
***********************
نصحته ولانفع وياه نصحاي
سكاره أحنه بهواه مابعد نصحاي
جفاني وصرت نص ميت نصحاي
نحيل ولا أثر للحيل بيه
*********************
نصحته ولانفع وياه نصحاي
سكاره أحنه بهواه مابعد نصحاي
جفاني وصرت نص ميت نصحاي
نحيل ولا أثر للحيل بيه
*******************
طحت لاحيل بيه اكعد ولاكوم
ولاخوان فزعولي ولاكوم
لاني بصلح وي وكتي ولاكوم
أراضيه ويرد يزعل عليه
يطارش اخذ وياك مكتوب وصله
وعلى اللي ما قطع وياي وصله
أخبره القلب صار اثنعش وصله
وكل وصله تطالب جيبه اليه
حرت مدري شنوحن شبجي يا ناس
على اللي ضيع حبيبه شبجي يا ناس
شباك الناس صادت وشبجي يا ناس
أذبنه ويرد فاضي اليه ....
نتمنه الموت بهل الحال يدنه
نموت ولا نمد للغير يدنه
لا سيد وأقول بجاه يدنه
وشقول للناس لو مديت أديه
جنت انة صافن ضربت اخماس بس داس
وبنيت اساس للمحبوب بس داس
صحيح انت لعبت وياي بس داس
خسرت وطيبتي عمت عليه
تراجي من ذهب لابس وساعة
وقميصة من الخصر ما بي وساعة
ساعة اينام المدلل وساعة
يكعد للصبح يلعب علية
صلب حبك ابكلبي ابد ميلان
ومشيلك بدال الميل ميلان
اذا نادي عراقي غلب ميلان
سهل ايصير نسيانك علية
الدنيا اشما اودنهة وابرها
تزرفني ابمخالبهة وابرها
جاعت ناكتي واكلت وبرها
الدرب طول واخاف اترد علية
خنتي وكلتي مو انة بلنتي
ومو طركاعة بية انتي بله انتي
الوكت صفر الج ضدي بلنتي بلنتي
شجاج انتي وزرفتي الكول بية
سلام وطيب يحبايب وصلنا
وعسا ما ينكطع منكم وصلنا
الهوى اليهب منكم وصلنا
اشمنة ويرد الدمع لية
سجاجين الدهر بحشاي يعمن
وعيوني من البواجي عليك يعمن
شلش لعليوي لمن كال يعمن
عليوي انت الحلو وكشخيل هوهو
عليك الروح تجذبني واردهه
لان كلبي نبع صافي وردهه
شلون تغيب وانت اسمك وردهه
واردلك بالشعر غصبا عليه
بعد مالي على دنياي عتبه وشرهه
نفع ماريد بس جفيان شرهه
اريد احجي بسالفتي واشرهه
واشوف اهل العكل شتلوم بيه
البجي خلص على دموعي وشلهن
وحرت شلون الملم جروحي واشلهن
اعوذا بالدحى خيبر واشالهن
يحفظك كل صباح وكل مسيه
وحق الي تعبده الناس وحده
حبك سلب مني الروح وحده
هذني اثنين ونته اختار وحده
ترحل لو تضل محبوب اليه
ترف من يوم هجرك مايعاني
ويعاني الكلب منك ما يعاني
لون تذبل سكيتك مايعاني
ولك روحي اقدمهه هديه
ادور رفوف كلبي عليك رف رف
لكيتك نبض بالدلال رفرف
يا بيرغ عراضة زماط رفرف
تروج الكاع حدرك يا شفية
لاجل عينك اصير رماد وانذر
ولشوفتك اطش جكليت وانذر
اذا فد يوم اصيرن حكم وانذر
اشيل احمر طرد مو بيك بيه
الگلب من ساعة الحبك هلك ليش
احچي اوياك ما تحچي ها لك ليش
اقتنعو كل هلي ابحبك هلك ليش
ما قنعو ابحبك ليش اليه
حبيبي اديارنا لـــــــوجيتوا مرها
أونفسك عالوفـــــا والطيب مرها
أنا عشرتك ضكت حلوتها ومرها
بويا طلع مــــرها أمر امن المنيه
أبد مازلزلك حالي وهدك
عفاه اشيحمل الكلفه وهدك
قصدي بس اصيدنك وهدك
واريد اتصير حر وترد إليه
مرضة احنة وما يــــــــوم ....... صحنة
لن عـراق وسبيل شلون ....... صحنة
كلنـــة عــــــرب واكـــراد ....... صحنة
كلا .. كلا ... للطائفية
..............................
مرارتنة يصاحب ليش ...... مرهةمنكم
وانة المعلول وابحــث ....... مرهم الكم
تدري انت ليش انــة ....... مرهم الكم
انة ارهم لبو الاطباع الوفية
...........................
هاك اشعل كلب كلبي و وجهاك
اعله حاله راح اعلمنك و اوجهاك
بشالك من تلف شعرك و وجهاك
تلف روحي مثل لف المنيه
*** **** ***
ما شاء واضن اليوم شاءلك
وعلى راسه احس الكلب شالك
على شعرك لون ذبيت شالك
تذب عا لروح طركاعه وبليه
*** **** ***
وحك رصعة اخدودك وحك شفتاك
انسبيت بيوم وسط الروح شفتاك
اشيخلصني بعد شرتاح شافتاك
وبعدك والقرب نفس الاذيه
*** **** ***
حبيبي بيا بخت وياي شديت
عدى هجرك الي شقدمت شأديت
باصبعك حتى تذكر خيط شديت
انحصر دمك ولا فكرت بيه
.................................................. ......
هنجل كلبي من شافك .......... ودرباك
وحرت شلون اعلمنــــك ......... ودرباك
كضيتة زحوف شارعكم .......... ودرباك
زلغت الركب وعكوس ادية
.............................
العشك يهديب عمري ........... كلفاني
وحبنة بغير حبكـــــم .......... كلة فاني
سهمك من رميتــــة .......... كل لفاني
شك صدري وجزاني ورد علية
.........................
حبيبي انة منــــــــك ......... ونتة مني
وحس كلمن يون لك ........ ونتة مني
اجت احزان دهــــرك ........ وانتمن لي
وصرت يفلان مأوى لكل رزية
......................
شكثر انة احسب لجيتك ........ وعدلك
وسهرت الليل اتانـــــــي ........ وعدلك
اريدن بيدي اعوجنــــــك ........ وعدلك
وعدلك لو متت مابين ادية
........................
ابد ما اصطبيلــك .............. وانتبهلك
واحذر حيل مني ............. وانتبه لك
انة بأهلي ازامط ............. وانتة بهلك
واذا اهلك زلم هدهم علية
........................
الاحبة روحي بروحة .......... مذابة
زعل وياي لـــو ادري .......... مذابه
ذبني بلا سبب وانة .......... مذابه
هجرني وصاح حبك بس اذية
.......................
عليكم من سلام الله .......... ورحمة
وحن عالكلب مــــــرة .......... ورحمة
اذا رايد اجر انــــــــــت ......... ورحمة
تعال انطيني بوسة وحن علية
......................
اجيك بلهفة اتعنة ............. وهملك
ولتضن يوم املنك ............. وهملك
اذا ضنيت متأكـــد ............. وهم لك
لان ميصح متوهم صافي نية
.........................
كلمن كال سوف اعمل ........ وسبني
جنة بحجية شتمنـــي ........ وسبني
اكلة من الوطن اطلــع ........ وسبني
انة ابني الوطن بثنين ادية
........................
الفكر من عقلي طار .......... شتمني
وعليك الما يشتمـــن .......... شتمني
بعد هالذل يروحــــــي ......... شتمني
تمنيت روحي تاخذها المنية
.......................
طبع اليحفر بصحـــــــــراء ........ يعراك
ومن طبع الشجر بالطين ........ يعراك
ومن طبع العراقي يصيح ......... يعراك
الك يغدي العمر فدوة وهدية
.........................
عطشان علة جرفك ليش ........ يماي
كل خصلة منكظهة تصيح ........ يماي
بعيد ابعد بعد لا تلفــــــي ........ يماي
اذا تلفي اشك ثوب العلية
..........................
بحجيك ليش بس وياي ........ شطيت
نطيتك دمع عيني تكول ....... شطيت
انة بدمع العيون اشطوط ....... شطيت
وصب دجلة وفرات بين ادية
..........................
الجميلة عليك لو مـــــــرت ....... قف لهة
قصيدة عشك من تمشي ....... قفلهة
احلفك كون من توصــــــل ....... قفلهة
تقفلهة بالف سركي علية
........................
بت كلبي انكطع بلتك ....... وبتكم
ردت اندلة شارعكـــم ....... وبتكم
واجي خطاب لبتكـــم ....... وبتكم
غصبن عالعشيرة اخذهة الية
.........................
الحب بحجر سجيــــــــل ...... رجماي
ودمع لجفن فوك الوجن ...... رجماي
حبيبي لو طلب فد يوم ...... رجماي ( رقماي )
نطيتة الرقم والهاتف سوية
.......................
زوج طيور حبنة صفــــــن ......... بس تك
وصرنة للشماتة علـــــج ......... بستك
ما ادري شجاني وكمت ........ بستك
اعذرني عالجرالك مو بدية
........................
يحلوة عيوني انتي ......... ونتي رمشي
لتزعليني منــــــج .......... ونه ترة امشي
راح انطيج رقمــــي ......... ونتي رمشي
بس يرمش اتصل مية بالمية
............................
احبج حب جنــــــون ......... موطبيعي
وبطلي ابييع ثكلـــج ........ موطة بيعي
طبع الشهم طبعــي ....... موطبيعي
اغدر وانثني بسابع ثنية
...........................
صرت للدهر صكلـــــة ....... ونتة لاكة
وفرح مالاك اليــــــــــة ...... ونتة لاكة
يريت الوكت يفتـــــــر ........ ونتلاكة
احضنك والحضن موساد الية
...........................
العشك كاروكة يامة ............. لولة بية
وفرني شلون فـــرة ............. لولبية
احبهة وحبها خلـــة ............. لولة بية
ارجف لون طاري الحب مر علية
.........................
الك طوبة الليالي ........... ناولني
وعلى هجرك أأكد .......... ناوي لني
اذا يس ترضة ذلي ......... ناو لني
وما ارضة اذا حبك اذية
........................
ورد قداح اهديلــــــــــك ......... وجوري
وريدن ضيمي احجيلك ......... وجوري
موجر والعشك كمـــــل ......... وجوري
وشبه بركان حبك صار بية
.................................................. ....
طار وما كلت للناس عالطار
وشسولف عالجرح بالكلب عالطار
جنت وياك شايل خلك عطار
طفل ما تشتري وتلعب عليه
*** **** ***
التعب والضيم جنبي الراحه جنبك
اشتضن من نار كلبي راح اجنبك
عشك العقل خلص راح اجن بك
واموت بعشرتك وابليك بيه
.................................................. ....
يالبهمك ملابــــــــــــس ..... لابستني
وثوب الحزن بيــــــدك ..... لابستنـي
زعلت لا صالحتنـــــي .... لا بستني
ولا كتلي بالجذب حقك علية
.......................
اريد الزم خديــــــــدك ..... وشتمنة
واريد انعل ابيــــــــك ..... وشتمنة
تدري شراد كلبـــــــي .... وشتمنة
على صدرك اموت وهاي هية
......................................
ذهب صافي طبعنه ماصدينه
وابد للي نودهم ماصدينه
تصيد الناس وحنه ماصدينه
رغم نفس المجان انذب سويه
......................................
الفرح مايوم بروحي مر بيها
ومره اكره الدنيا ومره ابيها
حياتي اصبحت حنظل مر بيها
أشد من المنازع بالمنيه
......................................
بدمع عيني اكتبتلك خاطر آني
والك مايوم كاسر خاطراني
غير انت تجيني خاطري آني
اجيك واعتني غصبن عليه
......................................
رحل وحنا عرفنا النزل شطره
وعلى بالك شنو اللي خطر شطره
شطر عندك يريد القلب شطره
واظن شطر الليعندك راد اخيه
......................................
عسر غيري النوايب فاتحتمن
وسهم هجرك بقلبي فات حتمن
اكتلتني وجاي تنشد فاتحتمن
ولا جنك رحت جناز بيه
زرعت بشوك دلالي 000وردتك
وانة الي ما خنت حبك 000وردتك
عطشت برموش عينك 000وردتك
عجب ليش برخص اتسوم بية0
-----------------------------
مرة اصفن عليكم مرة سايل
مرة الدمع ناشف مرة سايل
مرة احتار شكتب من رسايل
مرة انتظر ساعات المنية
ظلمة والوذ عليـــك ينور انة
المصايب جن بعدنة ين ورانة
ما الومك عالحجيتة ينور انة
ما تعرفني حكك تحجي علية ؟؟
..............................
بس وية الكد والهم مالفاني
لف ربعي الفرح لكن مالفاني
انة الظيم الفانـــــــي مالفاني
انة اعتنيتة والتف علية
..........................
نور العين اليحب بخلاص يهداك
وشوكت الغرور البيـــــك يهداك
عسى الله لطريق الشـوك يهداك
ويسخرلي كلبك وتصير الية
.........................
هموم هواك ماخلن..علي حال
فريضه وحبك من الله ..علي حــال
يالتنشد على حالـــــــي..علي حـال
شيفيد النشد عالصار بيـــــــــــــــه
$
......................................
خطيـــــه الروح راحت من يعدها
وكثيرة همومي صارت من يعدها
وكثير اطبــــاع صارن مني عدها
أحسن هيه آني واني هيه
......................................
طبيبي لاتجس النبض خله
اخاف احجي واخاف تصير خله
سبب هذا المرض افراگ خله
وهواهم سلني ولامرض بيه
......................................
يهل الناديت بسمي هواى عيده
ويه هل ماخذ دليل وياك عيده
الكلب مو بسعد رمضان عيده
اني عندي العيد من نكعد سويه
......................................
تكلي بعد ما اريدك ولا ابيك
هاي اطباع مو منك ولا بيك
ابد ما الوم والدتك ولا ابيك
الوم الوكت الرهاك عليه
......................................
قسيت وياك يسمر عمي انا
وعين الي الماتشوفك عمي انا
اذا خالك فزعلك عمي انا
تبرة وضحك والوادم علية
......................................
اجزعت من الصبر روحي وملت
اهموم احصدت بالدنيا وملت
بنيران الفضا اتجوت وملت
الجزع صاحت من الهم والاذيه
......................................
بهيمه ياظعن شوكي وناخوك
ونادوك اعلى كل محنه وناخوك
عضيدك آنه بالشده وناخوك
واصير احزام ظهرك عالدنيه
......................................
الكلب لا مظهر ولا مال غربه
ولو عمري بحماده انشتل غربه
ما احمل بكاع اجناب غربه
احن واشتاك لهلي بكل مسيه
......................................
سهرت الليل بودادك وحييت
وكلت مرحبه بطارشكم وحييت
يمطرب طفت بالكعبه وحييت
اذا جايب حبيبي اوياك اليه
......................................
حبيبي فارگ عيوني ونساني
گضه عمره وياي حاسبني ونساني
حسباله الهجر عدل ونساني
ونه عدلي يكسر ضلوعي بيه
......................................
صديقك الفاضلك بالطيب فضله
ومثل مافضلك عن الناس فضله
اشكره وموجزاته انكار قضله
يجبلك يوم هم تعتاز فيه
......................................
اريد الزم خدودك واشتمنه
واريد انعل ابيك واشتمنه
تدري شراد كلبي وشتمنه
على صدرك انام الليل وهايهيه
**********
حبيبي شلون عنده عيون فله
واشعر الراس عن ايدي فله
تمنيت انه اوياه فرد فله
واشوفه الغرام اشعمل بيه
**********
حلو وياك كلبي صفه نيته
يريد يكون يمك صفه نيته
شارعنه بجمالك صفينيته
وطاح من الركن للركن بيه
**********
مايوم الك خنت طول العمر وافيت
ولاكلت انته خنت ولاكلت وافيت
كلبي من هجر كلبك احس للموت وافيت
كلب كلبي توفه وعم عليه
&&&&&&&&&&&&&&&&&
لعيون اللي بگلبي
......................................
وحق الله وملائكته وكتبه
عجبني شايل الجنطه وكتبه
لعب بيه الدهر و الطر و كتبه
بالچذب ما انكسر گلبه و حن عليه
......................................
هفت
هله يلي عليك الروح هفت
مد ايدك على نار القلب هفت
شكثر ناس علي بحجار هفت
لجن بشوفتك جتني المنيه
.................................................. ..........
ضعن حبي لوى ابهجري على ايسـار
اصب الدمع والواشي على ســــار
اظل آنه اطبق اليمنه على ايسار
على ولفي تركني وخان بيـــــه
.................................................. ......
يبوصالح ولانه الوكت ... مرنه
عطاشه ومن بحركم دوم ... مرنه
زلم عندك ترج الكون ... مرنه
متى تظهر يحماي الثنيه
.................................................. ....
صاح ابصوت هز العرش ... منصاح
مثل عباس بالخوان .... منصاح
اكل الدهر انصح كال ... منصاح
اخذ منى عضيدي وفتك بيه
.................................................. ..
انخطف لونك يبعد اهلي ... ولوني
ييمه اعداك من بعدك ... ولوني
لون امن الصخر كلبي ... ولوني
ماني امك ذبت من هالرزيه
................................................
عليت وما اظن شخصك علاني
لان بس فركاك يا صاحب علاني
ازعلك اني ما اكدر على ني
اذا زعلتك اني ازعل علية
.................................
يهل رايح لأخونة وصي اخونة
وكلة ترة العذال عكبك وصخونة
وكلة بعدك زاد المرض بية والصخونة
اريدك بس تجي وتسال علية
..................................
على افراكي يصاحب كول من شار (من اعطاك الرئي)
وبصابع اتهام الغدر من شار (من اشار باصبعه علي)
خشبه انه وتراك اسنون منشار (منشار لقطع الخشب)
تاكل من تروح وترد بيه
.................................................. ...
يصا حب ما اكلك علي علي(على ماضي صداقتنا)
وقلبك بالموده علي علي(اغسله)
طير الدنيه وسعه علي علي
مصيرك بالنهايه اترد اليه
.................................................. ...
نخيت اجفوف ادية من تخلي
واسألت الزمن بعدي من تخلي
يصاحب ليش تغدر مانت خلي
كضيت اوياك عمري اوخنت بيه
.................................................. ...
يهل تنشد على حالي وسايل
دمعي ما نشف لحظة وسايل
يخوية ما بكت عندي وسايل
ردت طارش يرد الخبر لية
.............................
نعاهد بالوفة ومايوم خنة
ونطيب كل الم وعل الجرح خلنه
اذا شفنة الوفة من طبع خلنه
نرخصلة العمر والروح سويه
..............................
لون تعلم بحالي مالمتني
من كثر المصايب مال متني
الكلب ينطر خبرك مل متني
عسى منكم خبر يرد روحي اليه
.................................................. .....
همومي عبرن فوكك مشن طن طن
منهو الوش بذانك علي طن طن
افرح لو سمعت الجرص طن طن
اكول الولف حن ومر عليه
*******************
رشيك الطول ياعالم بغاني
عدل وياي ما ضرني وبغاني
لهز الكون بشعار وبغاني
واسمع كل عذول لشمت بيه
*********************
غطني المصايب ورده مني
ونهر حسنك يساري ورده مني
دخذ مره حبيبي ورده مني
بلكي انه تذكرك يوم بيه
*******************
تشوف همومي بعيونك و ترها
وتغيب و تقطع بروحي وترها
يرهيك الوقت يسمر وترها
وتصير إنت أبو الراهي عليه
.........................
روحي برشف خدك من عداها
أحب وصلك وهابك من عداها
فراقك يوم أحمله من عداها
أزورك لو تصير أحزاب اليه
.............................
هذا زنجيل ابوذيه :
الدهر ياصاح بالفرقة ولانه
ولانوبه إنكسر قلبي ولانه
لاإنت عرفت الحب ولانه
نسينا الشوق وأخلفنا وعدنا
وعلى الهجران ردينا وعدنا
هذا من الوقت و الحب وعدنا
يفر بيه الوقت نوبة وفربيه
ومن ثلج العمر دربي وفر بيه
أشرد وين أنا بقلبي وفر بيه
بدرب مسدود ومتيه محله
دموعي جم ذنب قلبك محله
بعد طير بضباب أبدا محله
ولاظن بعد نتلاقه سويه
..............................
جزه حد الصبر وصبري بلا حد
يمن تذبح بسجينك بلا حد
واعدتني وكلت اجيلك بالاحد
اجه الاحد وانت ما مريت بيه
ذيب امعط وهك بينه ولانه
وزعزع كل صلف بينه ولانه
لا انت خلصت منه ولانه
خلانه على بيع الجدر والجودليه
روحي شلون اكضها من تهم بيك
مثل تهمه حبيبي متهم بيك
ظيم اليمر بيه منته هم بيك
اشو بالشده تكول انه شعليه
عراق انت والك بالروح منصب
وعلى فركاك دمعي منصب
عسى موتي قريب وقبري من صب
ولا اسمع خبر عنك اذيه
حلفت ما اكعد ابفيك ونخلك
شلون دكول انت اخويه وانه اخ الك
لجيبن منخل الخوة وانخلك
واطلع كل اخو يكول شعليه
حلفت ما اكعد بمطعم ولا صاله
وشعجب هالناس مابيهم اصاله
اني اللي شفت راغب واصاله
علي جوهر يتفيك عليه
اني الجنت مثل ميل الساعه وميلان
وظربتي خط عدل مابيها ميلان
واني اللي لعبت للانتر وميلان
هوار الملا يتفيك عليه
كظيت الدهر ما فد يوم حنيت
واديه من دموع العين حنت
يايمه وداعتج هاليوم حنيت
وشلت نار الدمع بثنين اديه
مفارك الليالي سنين مرن
وعلي صاير لذيذ الزاد مرن
طفر كلبي على النقال من رن
لان حسيت روحي ادك عليه
انه الصياد وصادتني شبكتك
دخيل الله شكثر حلوة شبكتك
ادك عليك شو مشغوله شبكتك
اظن مغلق جهازك بس عليه
فزع طبع الصبر بينه منخوينه
ويا روحي جروحي منخوينه
اخوي العييد بحزني منخوينه
انخه اشلون وجفوفي بديه
شفت وسفه اعله البحر منحوت
وصرت شاخص حزن منضيم منحوت
اذا يونس عبرته اتصير منحوت
انا الطيب عبره يصير اليه
منومثلي تعب لجلك ودارة
وعاش بعيد عن اهلة ودارة
اريد اعرف منو لعب بعقلك ودارة
حبيبي شما يصير انت الية
أأمم بيها والجامع ورايه
وصفيت امشي وره الچانوا ورايه
نويت اهجم شلت سيفي ورايه
رماني بسهم عينه وطاح بيه
حبيبي اشغير اطباعك ودارك
تبعد منزلك عني ودارك
خايب تمنيت داري اكبال دارك
واشوفك كل صبح ومسية
العشك منه استراحينه وهدنه
واخذنه من الدمع راحة وهدنه
ياحلو الطول فك ياخه وهدنه
عجزنه من الهوى وناره سريه
اساس بعشرتي وياك صبيت
جنني الهوى وبالشوگ صبيت
اذا انت عليه دموع صبيت
عميت عيوني من فرگاك اليه
ايام الحلوه راحن منسى عدها
ويهنياله لامه من سعدها
حبيبتي چنت اروحلها منا انسى عندها
الروح والقلب اخذهن سويه
الغدر انه يحلوه مو طبيعي
وجمالج بالكون والله مو طبيعي
من شفافج الحلوه موطه بيعي
عشر اكواب حاجز بس اليه
اضل صاحب سلوك وياك واسلاك
وعلى بابك اخلي حرس واسلاك
وشيطانك اذا فد يوم وس لاك
اگلك خاف الله وحن عليه
طحتلي بناس عگبك ..فطراني
نهر يابس وهجرك ..فطراني
صوتك وانة صايم ..فطراني
من اشوفن صورتك شيصير بية
يظن البيه لكن مات ظنه
اشعمل بيه انا افراگه ماتظنه
اخوي الناس گالت مات اظنه
شچذب الناس ودفنته بديه
حجي الصدك مثل الروج واللط
ومابيهم بس الجذب واللط
اكوله كول والله يكول واللط
لك يحلف جذب يالتنشد عليه
اكوم إجلالا لحسنك واقف لك
واسجل كلبي ياخلي وقف لك
واحطك بي واقفلنه واقفلك
واطب بصدري واقفلكم عليه
تغيب الروح بغيابك واردها
كتاب جفاك من عندك وردها
روحي بفركتك يذبل وردها
شمس انت وتنور الدرب ليه
لو ردت الحبيب اتشوفه ينشــــــاف
وطيبلك جرح بضــــــــماده ينشـاف
اخبرك بل حبيب اشلون ينشـــــــاف
بس ضيف الاميل وهاي هيــــه
وحك رمضان وأشرافه وكتبه
عليك يهل دمع عيني وكتبه
انه شماريد أهم خطك واكتبه
شدهني جفاك من غصبن عليه
تعال اسمع ون النايات وون عود
يخويه امشي نرد للوطن ونعود
اذا باجر متت بالغربه ون عود
وتظل ابعيد عن ارض الوطيه
تلوج الروح ياأحبــابي وراكم
وعجاج الضعن سد عيني وراكَم
يدمرني الحلم بيكم وراكم
ويريت الحلم واليقــضه سويه.
وسط گلبي يظل طابع وسمهه
عسل صافي حلو مرهاوسمهه
صفيت متيه باسمي وسمهه
لان هيه النجم واني الثريه
احبة وما احب واحد بدالة
وياذنب البدة مني وبدالة
الك منصوب بكليبي بدالة
خطك على النبض يشتغل بية
الگلب شاجر على ابن امي وداوي
تضعضع وانهدم حيلي وداوي
لا مجروح حتى اگعد وداوي
ولا غايب واگول يعود اليه
يگلبي بيش اخيطنك ولحماك
ولا واحد شگف عنك ولاحماك
يجيك الضيم من دمك ولحمك
من اقاطعهم تلوم الناس بيه
اشد الها تگلي الدهر واطاك
غرفلك هالكريم بحسن واطاك
لون ايدي تشل عليك والطك
اعلمك ما جره منك عليه
من مثلي تعذب من تمرمر
اشتحمل الدك يگلبي من تمرمر
تخطف گلوب بيدك من تمرمر
طريجك سلطة الباري عليه
تهزهز يا لحد وانفض ترابيك
وعزيز الروح هالنايم ترابيك
يباچر عيد وعيوني ترابيك
دضل بنومتك والنوح اليه
بس انه زماني وياي خوان
خلاني وحيد بغير خوان
وانتچلت على الصديق وطلع خوان
يحاول يسلب اهدوم العليه
ذلولي ما يجد للسير ضلعاي
انتحوا عني ومد البصر ضلعاي
شبه كسر الزجاج انكسر ضلعاي
بعد ما يرهم التجبير بيه
صوتي من نداي عليك ينباح
وسرنه لا تضن للغير ينباح
اتوده ليش يطلع چلب ينباح
تحذر لا يغدرك بالثنيه
احبابي شلون حالتكم بعدنه
اشبيدنه والوكت عنكم بعدنه
اچان انتم سلييتونه بعدنه
بذكركم كل صباح وكل مسيه
دليلي انزرف من الاه وانسه
شمشله يعرض ويه الخيط وانسه
يگلبي جوز عن اهواك وانسه
اشلون انسه وتصاويره بديه
عشرتك خوش للصاحب ويازت
الزواني لا تدك دكتك ويازت
فلانه من الخزي عفت ويازت
وتزيد انت عليهه القاط ميه
يحادي الضعن وين تريد ولميت
واخاف العزيز وياك ولميت
اچان اتريد وتولمت ولميت
بعد ماضل الك كل حك عليه
تجي بطروشنا طروشك حيينا
عزيز ومن تجي لينا حيينا
تموت انموت ومن تحيا حيينا
تصحا اصحا تمرض مرض بيه
حرت لا وين وجهي ووين مگفاي
على الخله دموع العين مگفاي
يگلبي لو احط الترف مگفاي
للمعشر ولا يصعب عليه
مسحت الدمع باليمنه ووحنت
ذكرته وضجت ضلوعي وحنت
الناگه تعلمت مني وحنت
مثل گلبي گلبهه انصدع هيه
شحم چلاي ذوبته من الحاي
وغدت سوده مراكبهه من الحاي
اجيت اتبع صفاينهم من الحاي
غدت شمس الضحى ظلمه عليه
المحبه ركزت بيه وعامات
وسهم الچبدتي تصابه وعامات
الي خالات خل يبچن وعمات
وعلي لاتطب تبچي الاجنبيه
لا عن طمع خاويتك وانه خواك
اطيحن باول صياحك ونخواك
ان چان انت خوي ليه انه خواك
ردتك للصدگ وانكتت بيه
الدنيا وياي زعلانه وانه الها
تبالي الدوم راعيهه وانه الها
وحگ سادة بني هاشم وانه الها
مگولن اخ لو تنجلب بيه
حلو لا مستوي حبي ولا ني
ولا عود اليسليني ولا ناي
العگد ضيج مفر مالي ولاني
دعلج ونفض ريشه عليه
ترف طولچ يعود الموز وانتي
ويشوكج بات بالدلال ونتي
يحكلي وياج اكظي العمر وانتي
جسم واحد وروح البيج بيه
وين اللي يصدر العيس لاميت
انشظى عگلي وعلي الناس لاميت
اريد اصبر واشوف الصبر لاميت
الصبر اثر اخزانه وعمل بيه
عيوني من سبب فرگاك حايات
مغذيني هواك اسموم حايات
اموت ولا اطلب من النذل حايات
علي بيت المرد عيني جويه
غريبه امها يصاحب وابهمنا
شعاع البدر خدها وابهمنا
انا ماريد عشره وابهمنا
عشرتك بالدقايق تمت بيه
حبيبي التين والزيتون وازهى
وشبه شجرة ربيع السنه وازههى
حضرها الواشي والنمام وزها
خله ابكل طويله نار السريه
روحي والهوى ودنياي واعداي
لامتني جميع الناس وعداي
اريد اصبر واشوف شلون وعداي
واشوف العاقبه شصير بيه
اعيونه گبل اشافه شتمني
ويعگلي الچان ثابت شتمني
انهجم بيتچ يروحي شتمني
تمنين الذي يصعب عليه
وين اللي يميز الحجي يزنه
نححجي زين يطلع شين يزنه
السله تريد ومن العنب يزنه
يصير اثنينهن يرحن عليه
عليك البس هدوم الحزن واحد
عزيز انت يهالنايم واليعز واحد
الناس تمشي وتودع نعش واحد
وانه ودعت خمسه وماردوا اليه
يوصفون العوارف شجر من شاف
على اطرافه يموج السيل منشاف
اكلنا التمر والغصن منشاف
ميت لا شاف شمس ولا وطيه
الدجى چلچل على جسمي وجله
انكشف رحل الصبا وجه وجله
عزت قدرة الباري وجله
خلق بلقيس وولفي سويه
وحك من صور الحاجب والعيون
لاجلك لاسكن البيده والعيون
وخزن جرح دلالي والعيون
يهلن كل صباح وكل مسيه
وحگ شفتين محبوبي وسنه
وعلى حالي بچت شيعه وسنه
لجر سيف الهجر لجلك وسنه
واحارب كل عدو يعاديك اليه
اريد اصبر وشوف اشلون وعداي
طحت بمرض مرض ايوب وعداي
اخبرك يا حبيبي گرب وعداي
البگه براسك هواك العم عليه
حسن يبني تلگه الضيف حي بيه
وعسى زاد الغديد سموم حي بيه
ياهو الجمع ماله وراح حي بيه
سعيد الحفظ عرضه من الرديه
اخوتك لا تعاديهم ومرهم
وطيع الكل ارادتهم ومرهم
همه الدوه لجروحك ومرهم
همه حزام ظهرك بالدنيه
سره ضعن الاوده بليل ياشال
ويرد سباح گلبي يرد ياشال
شوگع منه حبيبي وصاح ياشال
والنعم منه فلا تحصل رديه
وحك اللي وگفله الطير واحماه
ومن نحره يفوح المسچ واحماه
شفت حي دخل عالميت واحماه
كتل ربه ولا منه خطيه
وحگ اللي طعم للطير وذره
ومن نحره يفوح المسج وذره
شفت حي دخل عالميت وذره
كتل ربه ولا منه خطيه
لابد ما الك عالدار مرات
واخبرك بالليالي شكثر مرات
مو مره خنت وياي مرات
وعندك امل تعود اليه
اخوتي الچنت اودهم دوم يمناي
عگبهم ما تهوش اعداي يمناي
گمت اصفج يساري فوك يمناي
على ابن امي السره تحت الوطيه
غذاي الصبر والحنظل لهاماي
تشب النار من جدمي لهاماي
وين اليمله الجربه لها ماي
يطفي النار البگلبي السريه
همت بالبر يسار امشي ويامن
وراح المفرح كليبي ويامن
ويباجي العمر وين اگظي ويامن
گظيته بذل يلاهي التفت ليه
وحك راس النبي والحسن والحاج
وعلي نكبات دهري رواف والحاج
يشامت گوم شب نارك والحاج
وخلي شما يصير يصير بيه
علي دگي يوالدتي وناحي
ذبل عودي الچان يزهي وناحي
لا تفرح يهالشامت وناحي
افرح لو سره الجناز بيه
الدهر طگني بهامه ولاخر
صب دمع عيني ولاخر
صرت مثل العبرت واحد ولاخر
حالت بينهه وبينه المنيه
اشير على الرجال وعلي منشار
وضلعي ما يگصه اثنعش منشار
وين اطير وين تحط شركي عليك منشار
الزمك لو الك جنحان ميه
من سابگ تخالف شور منشار
واحنه اللي نگص بالجدم منشار
الحر مايلزمه الشرك منشار
يطير ولو حوه الجنحان ميه
يعت بيه الدهر مرات وانعيت
وعلى ضعون الجفتنه صحت وانعيت
يهل الطير البچيت الربع وانعيت
نعاك اللي نعاني اعلى الوطيه
انه الگايم لعد گومي ونخواي
وبيهم ما نفع صوتي ونخواي
الناس تلوذ باخوتهه وانه خواي
اگطعوا ما گطعت الشمات بيه
شربت التتن وانشبلي سعالاي
مريض ومحد امن اهلي سعالاي
نخيت امن الله والعباس سعالاي
زرگ رمحه ومرگ طيبه عليه
خذت عگلي يداحس واسره بيها
لذبهه بنار هجرك واسره بيها
شبه ست الزبيده واسره بيها
اغلطت ثاريها ليله العامريه
جرح گلبي يلاهي شوكت يلتم
جفو وصفيت مثلك يخي يلتم
لون نعرف شملنه شلون يلتم
وحياتي مطمع ولا بالدنيه
جرحي ما يفيده اخياط والشل
اخبرك يا حبيبي الدمع وشل
انه شبيدي اعلى الزعل يالليل وشل
شال وصبحت داره خليه
گلبي يلوع ما بطلت ونته
هلال العيد هل وراح ونته
يولف اصباي انه بذچرك دوم وانته
خايب بالوصل تبخل عليه
الدهر طگني ودعه بگلبي يراحاي
الدهر بدل دم السابج يراحاي
الدهر بالچ تامنينه يراحي
الدهر غدار وافعاله رديه
اخبرك حيل بيه بعد ماتم
عليك وبالگلب منصوب ماتم
شبابي وعز شبابك بعد ماتم
وخذك مني غفل سهم المنيه
سيوف الدهر بس وياي يارت
ومن وني جميع العرب يارت
عسى امي لا تلدني كون يارت
اولادة القهر اثرت عليه
اسألك بحضن الولف منام
بسبب واشي علي زعل منام
ربع الليل اليمر عليك منام
لا والوحش ديارك عليه
من دمعي رعاة ارتوت ونعاي
ومن وني انحنه الفولاذ ونعاي
يظل هذا ونيني عليك ونعاي
لمن يصفه الوكت وتعود اليه
القهر والاخ من صغري بدالي
وانه چم كاس الهنا دهري بدالي
لون تصير يا عاذل بدالي
تشوف شلون الام الدنيه
وحگ اللي انذبح بالطف وريده
احبه وبي الي رغبه وريده
اريد اصبر وخله وريده
اشوف شلون تاليته عليه
ناحل وامشي مكابر تراني
تراه الموت يدهاني تراني
واجلد خاف عدواني تراني
واگوه من يمر شامت عليه
بده وطر المنازل ياعلينه
عثر ونصيح كلحنه ياعلينه
على اهلك غيض ناچل ياعلينه
ادركني لا تشمت اعداي بيه
ردتك ذخر عد راسي وساده
وردتك سور للعيله وساده
وبعد لا تامن لمومن وساده
التشوفه حبل تراه راس حيه
ربي ليه القهر خصص وناله
الناس النعم سلوتها وناله
وكلمن اخذ محبوبه وناله
وانه نلته وفلت من بين اديه
بحياتي ما شفت ياناس راحات
اجيبن هاي كالو ذيج راحات
الليالي الماحسبت تروح راحات
اجتني الماردتهه تمر عليه
الهوى والله يذوب گلوب منصاد
وعمت عينه حبيبي بيوم منصاد
چنت صياد ماهر وابد منصاد
ولچن هسه انصدت غصبن عليه
هلا بالبيگ كل لسان ينشد
وبسمك كل حبل مگطوع ينشد
شگل للگصدني عليك ينشد
اگله مسافر لو درس تحت الوطيه
الدنيا شگد هم ودرد فيها
وسبعه وبس عليه ضاگ فيها
بناله دار يسكن عود فيها
ترك داره وسكن تحت الوطيه
يهالواگف على الازلال لاله
وخدك من شعاع الشمس لاله
لزمنه من الخدود وصاح لاله ( تغيير بالكلمات )
بثنيت اهلي وتمد ايدك عليه
ابه افركچن لما ادميچن يراحاي
بسبب كل حين تلچمن يراحاي
الچ ضنه بعد بيهم يراحاي
لو گطع النزاع وهاي هيه
اسألك عن عفيش البر بيادار
احصدوه وبيدروا منه بيادار
اانشدك عن ثلاث امسن بيادار
الگمر وسهيل والنجمه السريه
ملوم الناس حيل اوياي منداي
انادي ولااظن يفيد منداي
الك راي بدليلي راي منداي
عظيم وبالتوالي يعم عليه
عسه لاطاب عيش الوكت بعداك
عزيز ولا علي بالهون بعداك
على الدنيا العفه ياصاح بعداك
جوار الدارسه وتبيد بيه
نكت بدعي دموع العين وتهل
وگظيت العمر بس حسرات وتهل
عادات البدور تغيب وتهل
غبت مالك يبدر الما تحيه
گصن ما زعزعن عزمي ولاذن
او بيه احتمت نكباتي ولاذن
اذا ناديت ماتسمع ولاذن
تبقن لا حياة اعله الوطيه
هاگلي يصاحب بعد شملاك
تشتت وانجسم نصين شملاك
اشبگه عندي اشخله الدهر شملاك
ابطرگ روحي العزيزه وهاي هيه
زماني حط الي عله يعله
ينزل الفوگ والواطي يعله
اود هسه العمر يگضي يعله
ولا عيش المذله يدوم اليه
زماني ملته روحي وملها
جفاها وگطع رجواها واملها
المصايب صرت انه ابوها واملها
بعد ماظن سروري يعود اليه
اشبصرك بالمصايب طبگ لو جن
احمدني ولاتلوم العگل لو جن
اذ الوجن تراني بسبب لوجن
الكرامه اودارهم ضلت خليه
تعال وشوف كل اعضاي ماجن
وانه صبر وعگل ماجن
اخبرك بالليالي جفن ماجن
بعد هيهات عودتهن اليه
روحي الماتذل ابدن وتابه
اصبحت طوعك بماتامر وتابه
السماحه بين كفينك وتابه
اخذ عكلي ودوجها يرشد اليه
والليالي من ازمان حبالى ----- مثكلات يلدن كل عجيب
الدهر غادر لعند النذل حبله
گصه والتف على الطيبين حبله
الرزيه تعت صار سنين حبله
معسره ولا اضنهه تجيب هيه
فائق عبد سعدون - شطره
شبه جيد المها لو راد يلتاف
جفل وابعد ولا ظنيش يلتاف
حدي وياه لمن علي يلتاف
الچفن واتوسد تراب المنيه
يفز مثل الگطا كلبي منشفاه
وعلي الچان مشروبي منشفاه
عسه كلمن گطع شفي منشفاه
بمرض لا للشفا ولا للمنيه
گبل اديار خلاني لهاويد
مغبره او طير المنچر لهاويد
بعدهم لايلذ عيشي لهاويد
شيهودني وناري سريه
دوري بلهوة الحسرات يرحاي
بعد ماشوف دهري ابفرح يرحاي
نزف من حين فركاكم يرحاي
عبيط ونار دلالي سريه
تلوب الروح عيب ادري شملها
تون ولا فرح ساعه شملها
مته يلتم بعد فرگه شملها
وتعود الها لياليها الزهيه
نفسه
من خدك اشمن دوم ورداي
ومن ريجك يحلو الريج ورداي
ابليل اشفاي اذب غطاي ورداي
السبب لن نارك بگلبي سريه
يحادي اضعون ساهي العين مرهان
نودع اللي بلب الگلب مرهان
شفت حلو الليالي وضگت مرهان
مثل يوم السرو ما صار بيه
ابضعن هجرك يناهي اليوم ماريت
اسلبت عگلي ولعند الريح ماريت
شفت كثرت مصايب ابد ماريت
مثل هذا مصابك فتك بيه
الدهر ظالم على الانسان لا جار
ما يرحم بنون احشاه لا جار
لا منهم صديج الفزع لا جار
ولامن راضع وياهم سويه
اشلون ايام دهري وياي هايت
ابحزن وانه من الشمات هايت
اصيح ولا صديج يگول هاييت
معا الشامت وگف ينظر عليه
اگظي الليل الك يا ترف منطار
عليكم والگلب نصين منطار
ماشوف طير ارتفع منطار
يطير شما يطير ارضه الوطيه
يخي بس بالمصايب ولعيانه
والنوايب علي دارت ولعيانه
اخذ دهري عزيزي ولعيانه
وشعر من هاي حبله التف عليه
عفاني وثگل اجدامي وهمها
ابو النكبات دلالي وهمها
يبويه انت خلصت منها وهمها
كورته وبگه داير عليه
دمعتي صلت خدي من يرتبه
العگل بالراس غيرك من يرتبه
رزيتي مثل يوسف من يرتبه
على يعكوب وانه اعظم رزيه
مطشر شليح - شطره
علامك ياجفن ما بطل وشلاك
افضحتني يصير اكظلك خيط واشلاك
دبس امن الرشيح ابعد واشلاك
المضه ماضن يعود النوب اليه
يخي والله المصايب لذعني
ابدليلي يوم شخصك لذعني
ابد ماشوف شامت لذعني
مته تحضر يطيب النوم اليه
نحولي عم على جسمي وراكيت
فرح مادام الي دمعي وراكيت
احبابي جيت لحماهم وراكيت
ردتهم عون اجوني ويه السريه
هاشم فليح - شطره
علامك يا عگل صابك شراكاي
اشمريد انهض على داير شراكاي
احبابي الچانو ابهمي شراكاي
گطع بيهم زماني وخان بيه
يحادي روعت گلبي بلحداي
ويخايب لفني وياهم بلحداي
اون طول الدهر حتى بلحداي
السبب شالوا وخلوني شجيه
حادي الليل حده ياليل ولاون
ابحداهم مادريت المن ولاون
احاه ما اگول من جرحي ولاون
چيف ادواي عد شمات اليه
عگب عينك يخويه الحال ما حال
شبت والشيب وكته بعد ما حال
روض الماشوفك بيه ما حال
ربيع يصير من تجبل عليه
مُر وكتي بعد ما چان حالاي
وسيل النزل بالدار حالاي
تعال انت يحمدي وشوف حالاي
وشوف النايبه الحلت عليه
حادي البين وين يريد حده
اخذ مني اليجزي الخصم حده
يشامت حيل سيفك علي حده
طريح وصح الك معراض بيه
علي صنف جيوشه الدهر وحدات
ولجل چتلي سيوف اسكرت وحدات
مدام اضعون اهلنه سرت وحدات
بگالنه بدارهم ذله واذيه
روحي خلافكم محد حملها
نشيطه ونهضت وشالت حملها
راح الچان بالكلفه حملها
وگطع بيها الزمان وخان بيه
احا بيوم المفارگ وعلمه
من اذكرنه ايطيح من چفي واعلمه
اليناشدني شگله وشراح اعلمه
اختنگ وحجايتي تصعب عليه
عفاني شلون الي مهجه والي روح
اداوي بالعلل كلها واليروح
لااني بحال من يبگه واليروح
ابحالك يلگطعت الوصل بيه
عليك الروح ما يبطل ولمها
وغيرك بعد ما تلگه ولمها
اريد اجمع دموع الحب ولمها
وطفي النار البگلبي السريه
يدكتور ما تجس روحي شبيها
ولهيب النار بجفاهم شبيها
ابد ما ياجد لولفي شبيها
يهل دمعه ويگلي البيك بيه
صديج اللي توده مرعلينا
اجه والگه وكتنه مُر علينا
مره النه الليالي ومرعلينا
يگلبي لا تجيك المهضميه
اوجه دعوتي لربي مردها
طالت والقهر روحي مردها
اظعون الساگها الحادي مردها
تگفاها نذل وشلون بيه
كل ساعه بسهم روحي خللها
وهسه انكشف للشامت خللها
امس چان البنادكها خللها
اليوم اتنادم على الشجيه
چثير اصحاب اللي عديت واخوان
كل منهم جمره الدهر واخوان
ليالينا الجفن للغير واخوان
وانه بسهم الردى يرمن عليه
وحك من نزل القران ونده
وروحي من ليالي العسر ونده
اريد امشي لداحي الباب ونده
بلكي يعودلي الغايب عليه
ايا عمري الگظه ولا شفت راحات
اعظ بشفاي حيل صفگت راحات
افراح الماحسبت تروح راحات
اجتني الماردتهه بسهم المنيه
العبره مكسره والدمع ماسال
جلد والحد مني دوم ماسال
اخوي اليوم زلت الوكت ماسال
مته ينفع اگولن اخو ليه
عادل صغير - شطره
روحي من جفاكم عله بيهه
شور اليسري عليكم عله بيها
ونخيت انه الاهي عله بيها
يحفظولي العزيز من الاذيه
اون ولا نمت بالليل ساعه
بسبب همي بجميع اعظاي ساعه
وحدي اولا اخو الوياي ساعه
حتى ابني جفاني وشح عليه
ملوني الاهل من نوحي واليناب
اصيح ولا اخو الجاوب واليناب
العليهم چنت الي شرها واليناب
همه والدهر صاروا عليه
يشيال النعش بالنعش وني
اخوي واريده يسمع زين وني
الناس امعيده بالعيد وني
على ابن امي اظل انصب عزيه
يعاذل لا تعذل النفس خلها
ويعلها تموت بعد فراگ خلها
لزم ايدي الطبيب وصحت خلها
المرض وسط الگلب ماهو بديه
صعوبه لو جبان عليك يوله
يدوس ويلعب اعلى جلاك يوله
الدنيه لو معزه وشرف يوله
لو موت اليخلصك جيد نيه
::::::::::::::::::
::::::::::::
:::::::
::::
::
.
ها حبايبي
انشاله عجبنكم
وترقبوا المزيد
بس ما اوصيكم بالردود حتة يصيرلنة واهس وانقدم اكثر
ماشي؟
