اقروها بوزن وقافية
هذه القصيدة بمناسبة دعوة البرلمان العراقي إلى فتح باب الامتيازات للتشجيع على الزواج مثنى وثلاث ورباع
شدي راسچ يا مرة حل البله
راح اجيبلج البيتچ ارملة
… .
مجلس النواب مهتم بالتراث
شدي حيلچ لازم نغير الأثاث
حيل أحبن سالفة ( مثنى وثلاث )
وما اظن بهاي عندچ مشكلة
…
ياعزيزة گلبي يا ام الصبر
يل بديچ يهون ويطيب الكسر
الضرة ما اتصور ابيتچ تضر
وانا اعرفچ يم جهالي معدلة
….
معدلة وما شفت من عندچ قصور
عاقلة وتقرين مابين السطور
وادري تنسرين إذا شفت السرور
وراح اشوفج بالعرس إم الهله
…..
راح اشوفچ بالعرس گول وفعل
انت ام البيت والوادم نزل
وابد متغارين اذا شفتي الكحل
بعين ضرتچ يل بگلبي مكحلة
…..
بگلبي عينچ كحلتها بلايا عود
لان ادري اعليه گلبچ مو حقود
ما أهم باچر وادور عالشهود
هالزواج الباري ربچ حلله
…..
مطمئن ماعندچ بهاي اعتراض
ومنچ اعله السالفة ماكو امتعاظ
يلله حضريلي الدواشگ والغراض
احتمال العرس غاد بكربله
… ..
د. فلاح الزيدي
رد مع اقتباس
حلووووو
