السلام عليكم ورحمة الله وبركاتة
مجموعة من ابيات الشعر الازهيري
عسى ان تنال اعجابكم
1
............
من راد وصل المعاني يا صااح لازم يجد
وان جار ويا الوكت دايم بعيشه يجد
اعمل بدنياك من حيث الذي جد يجد
واللي زرع طيب لابد أن يرى طيبه
والم احدود الصبر عادات الصبر طيبه
ان عاشرت عطار صاابك اثر طيبه
وان عاشرت فحام غير الدخن ما تجد
..................
2
يا حيف هيجي الوفا وهيجي ودادك صفى
لاتظل زعلان وتصيــــــــــــر صخر وصفــــى
مكسور ظل خاطري ومرار عيشي صفى
مجنون من جربت ما فاد تجريبي
ابكلبك أثاري الزعل نهران تجريبي
كطعت حبل الوصل واركضت تجري بي
يا حبذا لو تجي ويكون كلبك صفى
...................
3
هل تظن ان الكلب بعد يعاشر احد
وما ادري الايام عكبك سبت لو احد
وصدك فلا اميل عن حبك ولا أحد
ولاتقبل الروح الا ودادك لها
وما جانت أيام لهوا ولعبا لها
ارجوك كول للنفس وأسأل سؤالك لها
هل انا غالي اظل ام هل هناك احد
.................
4
ريم الخطا والتفت ناديت انا حنا
حن الكلب عالكلب مايوم لي حنا
سألت عن الاسم كال الاسم حنا
بالرد بالصد بالهجران نصراني
حكم عليا الهوى وحبيت نصراني
لوما محمد نبي لصير نصراني
واعبد الدين الذي يعبدو حنا
.....................
5
نظر حبيبي طبيبي ونقط يا بوه
افراك خلو علية كل البلا يابوه
لوتنظر اسباب علته بالكتب يا بوه
يا ما جثيرين كبلك بالهوى نابها
يسوى ملائين عندي لو يصح نابها
اتلوم وانت بزمانك ما شفت نابها
يابوه يابوه لو تبتسم يابوه
...............
6
لولا براسي عكل عكب الولف ماضل
ماجان وحش الوهم فوكي هجم ماضل
ناديت يا لامتي بدياركم ما ضل
اريد ارفج معاكم يلوله تراب كلت الهم
كالولي ربعي اصبحت بالضيم كلت الهم
كالولي دمعك عجب ما سال كلت الهم
بجيت يومن مشى ولفي دمع ماضل
.................
7
عايل علية الزمان بحكمو وطاني
كصر اجدامي عن الخلان و وطاني
والله يلو ابطي اللحد والطيني
مترك هذات الولف وابطل الوني
دمعي جرى بالسهل يا نازلي ون لي
ولد الارذال تروم العالية واني
دهري رماني دوون الناس وطاني
.....................
8
بس كلي شنهو العذر لمن تجيني غدا
وعديت لجمات تاه الاحساب وغدا
ومن كثر الاوعود سود الجواشي غدن
يمكنك اتريد تعصر كليبي عصر
انت كلتلي اجيك وجانت الدنيا عصر
ربك قسم بالضحى والليل وصبح وعصر
بيهن قسم كلهن ما قال ربي وغدا
....................
9
كلبي شبيه البحر بيه السفن راحلة
مد وجزر كل وكت ما ترتجي راحلة
الامواج متعاكبة شي جاية وراحلة
وانت ولاجان ملتهي بغير و جار
اكبر مصيبة اذا حبك كبالك جار
احذر يغالي الوكت لو حاربك لو جار
ايخليلك ضعونهم كبل الفجر راحلة
................
10
وجني افراكك مثل شبت اللهب وجني
ابجي وانوح وادك والطم على الوجني
مو هذا بس واكتفي شيطان بيا ووجني
ماعاد يفيد السكر ولا عاد يفيد الكيف
كيف العمل بالهوى ماهو الحل وكيف
عادي يجيك الخبر وانت بسعادة وكيف
وما تدري ليلي سنة ازرع قهر وجني
عسى ان ينال اعجابكم
تحياتي
لا تنسو الرد حبايبي
رد مع اقتباس
