يمه رماني الهوى وحيلي بدة امحلل
ونار الابدمي اسعرة ما شافهه امحلل
ناديت ولفي تعال ابشوك ومحي الليل
ويكرب عليك النبي والواحد الاحد
وزيح همي البده من الثنين للاحد
واني يا يمه ان متت لاتتهمون احد
كتالي ذاك الترف موهوب ومحلل
**************
حسنك كتلني وحرق لفراش يملازم
حيث الذي مابلك يلبس درع لازم
لزمني حبك يول لزمت خبل لازم
واني ولا ينوصف حبي ولاعيبك
تظل غالي علي انتة والاعيبك
تدري يزين النفس تدري شنو عيبك
مشكلتك انك حلو زايد عن الازم
**************
يا زين طعم العسل مخزون في شفتك
وروحي عليه ترد لولت عكل شفتك
شفتي تعاسه واسه وصار الفرح شفتك
كل ما اخلص حزن حزني عليه يعيد
ونجان ما صدكت هاك الجروح وعد
صايم ولافطرت من مر عليه العيد
اتريد اعيد وانت اهلال ما شفتك
**************
اعيونك اسـهام انبتن بكليبي ومخالف
وظليت اون بعبر تحجاز ومخالف
اشلون املك هم اسمعت ميخالف
المجره بالعكس رد وصعد راسي
حبك كتلني وغرامك بالكلب راسي
واريد بس لو متت توجد عند راسي
وتكلي احبك واذا بالجذب ميخالف
**************
حطني على جفنك كحل وعلى الشعر ماشه لك
كافي زعل يا حلو طبع الزعل موشلك
باجر اجيبن هلي وكل العرب مشايه لك
بالكي تحن وتجي كلبي تراهو ونحل
ونتعاون على الوكت كومت مشاكل نحل
وانعيش انته وأنه اثنينه بخليت نحل
الملك انت الملك وكل الامر ماشي لك
*&*&*&*&*&*&
علي الازيرجاوي
رد مع اقتباس