هنا

[Suzana]

مرحبا
اريد اسولف بموضوع كولش مهم وزاعجني ومسببلي هم چبير وتدرون بيه من شغلة تمس اصدقائنا الدرر حتى واهسي يطير بالعمل ..القضية التي سببت غياب الكثير من اصدقاءنا الطيبين ..

السالفة ومابيها هي من عضو يختلف مع عضو على فد موضوع أو رد أو قضية معينة أو حتى افكارهم ما متشابهه او ما مترابطه بشأن قضية من قضايا الحياة دينية او سياسية او اجتماعية

لازم واحد منهم يزعل ويترك المنتديات وحتى ممكن يطلب حذف مواضيعه بسهوله تامه طبعا احنا اللي طلب منا هيج طلب نحظره افضل النا مما نضحي بتاريخه بالدرر ..
لانه ينسى تاريخه الثقافي او نصوصه الادبية او مواضيعه الحصرية ببساطة تامة ينسى كل شي ، السنوات اللي قضاها بالدرر بهذا المجتمع الراقي المصغر واللي كانوا الاعضاء تفتقده اذا غاب وتسأل عنه اذا مرض ولو يحتاج شي محد يقصر بينا بمساعدته ..
زين اوك اصدقائك ..محبيك ..متابعيك شنو ذنبهم ؟
المنتديات شعليها الادارة شنو ذنبها غير اكو قوانين وملزمين نطبقها عليك مثل ماهي ملزمة على الاخريين!! مو راح تجي واتحاججنا من اتشوف مخالفه او تلميح سلبي زين ليش ماتقبلها على نفسك وتقبلها لغيرك ..؟
اوك انت مفكرت بالجانب الاخر جغرافية العضو محل سكناه اختلافه المذهبي البيئة اللي نشأ بيها طبعا افكاره راح تختلف عن افكارك مو شرط تملي عليه وجهة نظرك سولف وياه اوك اطرح عليه فكرتك لكن ماممكن بسهولة اتغير وجهة نظره بموضوع معين .. يقول
فولتير :" تحتاج لعصور كي تدمر رأياً سائداً".
فيا احبابي خلي نترك هاي الحساسية الزايدة والاندفاع المتزايد بداخلنا ، نعم انت عراقي ومعروف عنك تندفع بساع بس بكل الانظمة الديمقراطية واللي نسعى ان يكون الدرر جزء منها تحجي وجهة نظرك بدون سب بدون لعن وشتم لجهة معينة أو طرف سياسي اطرحها بشكل موضوعي الهدف منه الاصلاح مو الهدف منه جدال عقيم ينتهي بخسارتنا الك لانه ببساطه راح تزعل واتدير وجهك واتروح زين اذا انت تزعل بساع وبأول اختلاف بوجهات النظر مانگدر نعمم تجربتنا الديمقراطية الالكترونية ع المجتمع ككل! ..فلانعيب على البعض من سياسينا واللي باعوا ثلث العراق وبسببها صارت ويلات ومأسي الها اول ما الها تالي..
بالنسبة النا كأدارة لدينا قوانين ملزمين ان نلتزم بيها ونعممها ع الجميع بضمنهم المدير العام لو كان في مواضيعه خلل اي خلل رابط تالف مثلا راح تلگوه بالمكررة او حتى مواضيعي وبدون ما نزعل عمي احنا الممنونين مادام الهدف الاصلاح و المهم عدنا المنتديات اتكون على أتم وجه ..
اللعنة ..يقول احدهم اصعب الحروب ليست تلك التي على الارض ...بل ،
تلك التي تكون فكرية او عقائدية المنشأ ،
ستدوم عقودا بل قرونا من الزمن ، بدون حسم
اذ كلّ حزبٍ بما لديهِ فرح ..
و الخاسر الوحيد ، الفرد الذي سيكون وقوداً لتلك الحرب التي ستتبع منهج القوة عاجلاً ام اجلا ...
اممم زين وينكم من اتسولفون دائما و اتكولون اختلاف الرأي لايفسد للود قضية ويبدو انه مقتنعين بهذه القضية ،طبعا للتذكير يقال ان هذه الابيات گالها احمد شوقي بمسرحية امير الشعراء

وهي على لسان شخصية من شخصيات المسرحية كان ” شيعيا ” وكان يحب ليلى الاموية ، وهو هنا يقول إن اختلاف المذهب أو الرأي لا يفسد قضية الحب بينه وبين ليلى


ما الذي أضحك مني الظبيات العامرية
ألأني أنا شيعي وليلى أموية ؟
اختلاف الرأي لا يفسد للود قضية !

اي نعم اختلاف الرأي لايفسد للود قضية الموضوع غير موجه لشخص تحديدا اتحدث هنا بصورة عامة نحن نعتز باعضائنا جميعا وماانريد نخسر اي عضو فاتمنى من هذا المنبر ان نرتقي ونتصالح مع نفسنا ونتصالح مع بعضنا ونترك الحساسية الزايدة والاندفاع وهذه دعوة لاحبابي الدرر للعودة الى مكانهم بالدرر ..الدرر بحاجتكم ياعمالقة الدرر لانكم اعمدته ..
محبتي للجميع

[الغريب ي]

واني من المؤيدين للموضوع شكرا استاذه كلام حلو

[specialtoma]

صراحه أكو اعضاء كُلش متعصبين وميتقبلون اراء الناس الاخرين ، لا يحب يفرض شخصيته ورئيه عليك غصب عنك ..واذا م اقتنع يترك المنتدى ، واكو اعضاء هواي طلعوا من المنتدى بسبب هل شي .. ولله مفقتدينهم كولش
وتسلمين على المبادره ان شاء لله يتصلح كولشي

[مؤرفين 'ۦ ']

تسلم الايادى اختى على الدعوه الطيبه للتسامح ما احلاها دعوه واجملها اقتباس : إن القلوب كالبيوت تمتلئ بالتراب والغبار، ولكن تراب القلوب لا يكنس بالمكانس الكهربائية، بل يكنسه التسامح كل الشكر و التقدير لك اختي الكريمة Suzanaعلى الموضوع الجميل و المتفائل بالرحمة و فعل الخير ربنا ما يحرمنا منك و احييك على جهودك الكبيرة

[dr.Nafes]

مراحب سوزي..كلامج بمكانه واني واحد من الاعضاء وهو صديق عزيز عليه واخو اغلى من روحي زلت الساني وماعرف شحجيت ورحت اعتذرتله ومقبل اعتذاري بالاول لان اعترف اني غلطت غلطه حيل جبير ..وبمساعده شخص خلانه نصالح ورجعنه مثل قبل واحسن..والزعل مااحبه اني ابد ولااحب اليزعل ..اوك تزعل مني اني جاي اعتذرلك لازم نحل المشكله حتى مانندم على شغلات بعدين نتحسر عليها ومن نفقد هذا الشخص لاسامح الله وشكد جان طيب واني زعلته مني..تدرون انو اول دوله بالعطف والغيره هو العراق اعلى نسبه حصل عليها ب٢٠١٧ ..يعني احنه وي الغريب والقريب طيبين فلا تخلون الزعل مصدر فراقكم وشايلن زعل بكلوبكم ..وسع گلبك ولاتزعل من اقل شي لان زعلنه بما فيه الكفايه خلي وجهك بشوش الى هنا اختم سوري للاطاله..

[عاشقة الفجر]

شكرا لكي للموضوع المهم
اني اسف جدا لان جديده

[marwa12xd]

هلوو سوزي اعتقد اني هم مقصوده بهذا الشي

بس حبي اني بس نفسيتي و اعصابي تهده حتىاعرف اتصرف و اني قلبي كولش طيب و ما احقد على احد بلدرر بس مجرد عتاب
و سيف اني اعتذر منك ... لان اني جنت بوضع كولش صعب .. بسبب صديقتي

[اللؤلؤة البيضاء]

كلام حلوه
احسنتِ

[غسان العراقي]

الاختلاف بالرأي والمناقشة العلمية للوصول الى الحقيقة المقنعة ظاهرة صحية وراقية
لاكن مع الاسف النقاشات التي نشترك فيها او نتابعها ليس على صفحات الانترنيت فقط بل حتى في واقعنا الذي نعيش لم يكن الغاية منها الوصول الى الحقيقة حتى يتم الاقتناع بل هي تستخدم لتسقيط الطرف الاخر او لابراز العضلات وهذه ظاهرة متخلفة حقيقة
كما قلتي الاختلاف في الرأي لايفسد للود قضية
فلذالك على كل انسان يرى ان اختلافه العقائدي والفكري مع الاخر سيفسد الود الذي بينه وبين الاخر فلا يدخل معه في نقاش تكون نهايته خسارة انسان فالانسانية فوق كل اعتبار فلولا الانسانية لما كان هناك عقائد ولا اديان وقول الامام علي عليه السلام لمالك الاشتر الناس صنفان اما اخو لك في الدين او نظير لك في الخلق
ومعنى نظير انه مثلك يحس ويتألم ويفرح ويحزن وتجرحهه كلمة مثلما تجرحك
تحياتي للجميع وشكرا للاخت سوزانا على هذا الموضوع المهم والانساني فانا اعتبره موضوع نابع من الاحساس بالانسانية والألفة

[خاطفة الانظار]

موضوع في غاية الأهمية حقإ يجب على كل قراءته وفهمه والتزام بها
يسلموو عزيزتي
دومج مبدعة