هنا

[فقار الكرخي]

يمكن مو بشر يمكن مــــلاك ايمان
شارد مـــــــن سمانا وواحد معبره

لان جوه الشعر والجتف شفت جناح
وريش ابيض وگع من مشطو شعره

على أخدوده الفلح زرعوله بستانين
وبطارف الـــرگــبه انشتلت الخضره

لـــو يسكت دعاء ولو ضحك تجويد
تخشع لــــــو حجه وتختنك بالعبره

سنونه چن ضريح اشفايفه الشباك
مــــا بين الشفايف والحلگــ حضره

غسلته بمي ورد شريته نـــص الليل
ما يحمل شمس شريته عالگــمره

لــــــــو بالجنه چان وادم ملاگــيه
لا تفاحه راد ولا وصــــــــل شجره

زليخه الشگگت يوسف قميصةهناك
لــــو فات بدربهه وشمشمت عطره

مو بس القميص اتكضه واتشگ بي
چا كضت قميصه وشگــگــت ظهره





الشهيد بارق العاشقي

[جنـات]

جميل

مشكور ع النقل اخ فقار

[سارهـ الطائي]

حلو
عاشت ايدك

[Faris Lafta]

سنونه چن ضريح اشفايفه الشباك
مــــا بين الشفايف والحلگــ حضره

روعة الكلام وحروف مضيئة

[نغز الحياة]

جميل