أكلات شعبيه حضرميه(ملكه زماني)
اكلات شعبيه حضرميه
(العصيد)
من الاكلات الشعبيه الحضرميه التي بالغالب نعملها في الشتاء
لانها تدفيء البطون كذا يقولون عندنا
وايضا يسويها بعض الناس ايام العيد
مثل عندنا بالبيت ضروري بثاني او ثالث يوم بالعيد
وهاي الصوره الي تحت من البيت ههههه
v
v
(الهريس)
من الاكلات الشعبيه الي تنعمل باللحم والبر(نوع من الحبوب)
نسويها نحنا ايضا بالاعياد
الهريس والعصيد ضروري نسوي بالوسط حفره صغيره
ونحط فيها زيت معصره(زيت السمسم) وبعض يحب كمان يضيف سكر مطحون من فوق
(البراوطه)
البراوطه او البعض يقول له(معطف) بتشديد الطاء
وغالبا نسويه فطور وفي حضرموت الداخل الكثير يسويه عشاء
(معصوبه)
معصوبه او البعض يقولها(لحوح)
هاي نسويها بالطاوه وبعدين نقطع مربعات صغيره ونحط فيها زيت معصره(زيت السمسم)
وسكر مطحون
(مخبوطه)
هاي تشبه المعصوبه لكن تختلف شوي
وكمان ماتتقطع مربعات ولا ينحط لها زيت ولا سكر
(الصياديه)
هالطبخه مشهورين بها الحضارم خصوصا المكلاويين
وهو عباره عن رز احمر(يعني مكشن نحنا نقوله)
طبعا الصوره الي فوق انا عاملتها هالطبخه احم احم هههه
ممكن نسوي صياديه بصيد او دجاج او اللخم(اللخم:بعرفكم عليه بصوره بعدين)
(المحروقه)
هالطبخه كمان تجنن
سموها محروقه لان البصل نخليه يحترق لين يصير لونه بني غامق
ومانستخدم فيها شي بسباس احمر ولا صلصه
هالصوره كمان من بيتنا بأيدي
(اللخم)
نوع من الحيتان ماادري وش اسمه العلمي نسيته بصراحه
بس ممكن نأكله مع الرز
وممكن نسويه صانونه(جذام)
يعني مع الخبز نأكله
(الباخمري مع الشاي حليب)
هالاكله تنباع الصباح باكرا(بعد الفجر)في الاحياء الشعبيه
ونسويها نحنا الجمعه احيانا
ومن ضمن الاشياء المتواجده بسفره الافطار برمضان
(الباقيه)
هاي تنعمل بالدجر
وكمان هي شي اساسي بسفره الافطار برمضان
جدتي ماتفطر لو هي مو موجوده ههههه
(الخبز)
الخبز هاد نسويه بالبيت وينعمل بالتنار
بصراحه مابعرف اذا بتعرفو التنار لو اصور حقنا وارسله ههههه
وانا احب أكله مع زيت السمسم
(الكعك المنقوش)
مشهورين به حضرموت الداخل
عن نفسي ما احبه لانو فيه الحبه السوداء وانا مااحبها
بس يقولو طعمه يجنن
(العلس)
هههههه هاي الصوره يوم الجمعه سويته وصورته وانا بالبحر
مررره حلوو ينعمل بالحومر(التمر الهندي) مع النشأ
والي يبي الطريقه يحكي..ماتندمو ع الطعم والله
(المشبك) بتشديد الباء
هاد نوع من الحلاوه مشهوره بها مدينه الشحر بالمكلا
أخيرا هاد الشاي حدا يقدر يخليه بنفس الطريقه
السكر ثم الماء وبعد الشاي
هاي طريقه القليل من حضرموت الداخل يعرف يسويها
والي يسويها يرسل الصوره ويعلمني بعد هههههه
انا بصراحه اجلس اناظر للفنجان طول الوقت
مجهوووودي الخاص
رد مع اقتباس
