هنا

[فقار الكرخي]

دوّت امناشغ بغيج من الرعيد
ارياح صف صف عاتيات و بيها عيّ
و اعتنيتك و الهوا ابـ ردني رفيف






اتسرفنت طلعت زلم من جوه اديّ
من اختنگ يم خشمي اطگ رية غشيم
طگه ذاك الصوب تسمع منها صي






اركاض شردة يوسف من ازليخه اجيك
صفحة الگاع من اطرها اطويها طيّ
انه الف راسي و ادخن ما انام
و لا تعيّر شان خيط اخبال بيّ




ضوْ لك الليل الشمع و ابـ راسه خيط
بيك مدغوش العگل و الشور ليّ
عود ردت احرگ هلك طلعو بخور





ضي جدح بالليل و اكْسر ليه فيّ
شگد مجوس يموت ع النار الفَراش
يحترگ و يگلي تالي الدوا الكيّ





گلب نخله ولو ترشني ابـ ماي اموت
وجهي حنطاوي الخبز طالع عليّ
السوط شصّ و اجلد الماي من اصيد





واطْلع الغرگان بالسناره حيّ
ع العثگ ارمي فشگ لو تمره اريد
اگنص المتكاثره و اعفي الشويّ





هيه گد افلوسك الخوه تصير
وساعة اتمغط يطگ ظلع من اخيّ
فشل زفه و تيّهو بيت العروس
و التطوفك لا تسل چانت يهيّ ؟





گلبي ابيض بس سواد شويه بيه
خوش طالب عيب ما لبسنه زيّ
امغلمش اتگمگشهن ادري معگمشات
دام شوفي ابـ چفي بالظلمه اشعليّ
دام طيب الهور داسه البلم دوس





يطعنه بالمردي و يمشيه اعله ميّ
طاح سوگ الخيل من صبوها زاد
من چهب خطار حاتم عرب طيّ
عفه الگص روس السنابل بالحصاد





غاسل اجدام الزرع موسم الريّ
الشجره بالغابه اتّونّس من تضيع
اتشوف اهلها من الاعجيّز للصُبيّ




و من يضيع الجامع يصيحونه وين
ابـ ديره خيرهم يصيح ل أمه هيّ
دام ما دامك بعيد اتضل عزيز




لن جريب و ما طرب شاعر الحيّ
لعبة الطرشه ابـ تراچيها تصير
ريت اذنها و لنها تسمع منها شيّ
شاربك گذلة حلگ لو ما حچيت





و جبت حگك من مرد ملة الغيّ
و ما اعوفك عجمي لازم لك ضريح
لا يـ حگي و لا حطب بالنار ويّ





البير تنور اخبز الماي من اجوع
موش و اذبح ذيب . الـ َمصوّب لكيّ ..
ما اچيّم له و محمد تشوي ذيب





حرورة اصوابي من احطنها اعله نيّ
حرگة اعمى و شامت امْسلّم عليه :
ابـ ( يا صباح النور ) لن بالچلمه ضيّ
تلچمه المرايه الاخوه التوم مات





ظنه شايف بيها اخوه المات حيّ
جوّمت المرايه وجهه و صار اخوه
بصوره گابلها و يگل لروحه خيّ
.




م

[أمجد الاسدي]

انتقاء مميز ..

[سمراء من قوم عيسى]

نقل مميز
شكرالك

[مِـيهہرَمــآهہ ♬✿]

حلوات فقو

[سارهـ الطائي]

جميل
شكراً جزيلاً