شلة من مواليد 2005 فما دون مؤلفة من 3 اصدقاء عدهم گروب واتساب ومسمينه (المجروحين) ،
اجة حمودي كتبلهم وينكم شباب؟ اطلعون اليوم انركل؟ گالوله اي
اتفقوا يرحون لكافيه ليالي باريس ،
اجوا و كل واحد ماخذ من امه 25 الف ،
حمودي ثخن صوته وسوة روحه فد نص رجال وصاح للكابتن گاله اشونك حبي فد نرگيلة تفاحتين الي ونرگيلة علج ونعناع لعلاوي و كروري ، طبعاً هنا كل واحد لزم موبايله وسووا جك .. يتواجد في كافيه ليالي باريس و وياها سمايل جگارة وعگروك ، وطبعاً علاوي و كروري من واحد ياخذ القمجي من الثاني يدغة على ايده على اساس چبير بالعمر و شراب النارگيله على اصولها ...
حمودي شاف وحدة عمرها 25 سنة گاعدة گبالة وية واحد عضلات كام يشغل الرماش ويضحك جان تضوج البنيه وتكول لصديقها ابو العضلات شوف هذاك يتحرش بية ،
اجاه هذا ابو العضلات لزم حمودي من ياخة قميصة بأيد وحدة وشاله لفوگ وضربه راجدي معدل وكفشله السبايكي مالته وكطعله المدالية ، علاوي و كروري شردوا خاف هذا الهيكل يسويلهم تحديد الكل ودليت ،
حمودي گاله عمو والله مو عليها بس اني مريض و عيني دائماً ترف وحدها وگام يسوي حركات برموشه وحواجبه حتى يثبت.
كاله روح منا لا ابتلي بيك
.. وطلع حمودي يركض
لگة جماعته گلهم هااا ولكم ضحكت عليه وكتله اني ابن عميد فلان وخاف مني واعتذر وعافني ، طبعاً همة يضحكون عليه لان يدرون بي يجذب
واخيرا تم تغيير اسم گروب الواتساب الى
(المجروحين المبسوطين المطرودين ونارگيلة ماشاربين)
رد مع اقتباس