سالفة وفيديو
(زعلانة على زوجها)
اكو وحده زعلت ويه زوجها ..توسل بيها ماصارت لمت غراضها وراحت لبيت اهلها ... يوم يومين ثلاث گامت اتحوص وتسولف لامه شوفيه اشلون لا نشد لاگال زوجتي خل اروح اردها ! امها گالتلها اذا اچه يردچ لا ترضين بسرعة لوعي گلبه اشويه ...
المهم وره خمس تيام وهيه واگفه على التنور تخبز وعينها مشبوحه للدرب ولن هذا زوجها يخط برجليه ..
گول كملت الخبز وسوتلهم عشا وشربو چاي .
زوجها سولف وياهه گالتله ابد ما ارد اوياك توسل راد ما رهمت على اساس اتريد تضبط روحها اشويه گاله بكيفج وراح نام ...
بالليل المحضوظه گامت تحوص وبطلت الزعل وصار رايهه الصبح تمشي وياه ..
امه گالتله ارگدي ولچ الصباح رباح ..
كعدت الصبح تمكيجت وسوتلهم ريوگ ( صينية بحت ) والعاده انو الدهن الحر يخلونه فوك البحت بنص الصينيه .
ابوهه گالها بويه هذا فلان جاي اني اگول اتردين لبيتچ واطفالج وهو بعد مايزعلچ .
گالته بويه اني غير ساكته ما اسولف غير چوياته نابتات بگلبي تره دگايگه وياي هوايه وهيه تسولف تخط باصبعه بالبحت وتعدد وحده منهن يشتمني والاخرى ايطگني والثالثه شالع گلبي ومرمرني بويه ماينحمل ..
ابوهه ذكي يتباوع لن هاي تخط بصابعه وخلت الدهن ساح على جهة زوجها!!
گالها...
بالبحت هاي شخوط عملاته طاحت
ذنبي اني وامج ليش دهنتنه ساحت
بويه اذا بعد ذني السوالف رد وسواهن الا اخذچ منه ...وخبط بيده الدهن وي البحت ..ويالله كومي لمي ملابسج
هيه من شافت الحجي هجي صار سكتت وگامت لمت ملابسها ومشت وي زوجها ......
الرباط بهذا الفيديو
كلشي شفت بس زعلانه ياخذونها يسلفادور هاي جديده عليه
وعليمن زعلانه
على الفاصوليا
؟؟؟؟؟؟؟؟؟؟؟؟؟؟؟؟؟؟؟
ههههههههههههههههههههه
رد مع اقتباس