انه ديرة ورد وبخور ،لولا انته
انه ديرة ورد وبخور ،لولا انته
انه مشابكـٓ تراب وماي ،لولا انته
لاكٓيني عٓبّني الكٓاك خيط من القزح
ويصلي بعيوني سفر هدهد
لاكٓيني لٓوّن تكتبني بعيونك
حروف الضلمه تتشضه
واسافر غنوه للسبعين
واسافر دمع يم آخر محطة فيّ
شباچ السعف يرسمها بترابي
اصابع فيّ توالفني لحد الغروب
واتذكر حلاة الخد وامد سمعي
عله الشاطي ولا ذرة رمل تاخذني
يم مايك وامد شوفي بسواجيك واغنيلك
لا تبهت يـ لون الماي من كل صوب تتغنه
جزه طاريك بجروحي وصحن بيه
واكٓولن بلسم لكلشي
بعيونك سهل حزني
لـ علي شميل
رد مع اقتباس