درر العراق

فقار الكرخي · 11/March/2017

هذا ولد جندي صاحبي يگول بالدورة چانوا يعلمونه شلون نتعامل ويه البيت المفخخ.. فياخذونه لفد بيت ويخلون بيه وايرات وانت لازم تكتشف الوايرات وين .. وتگطعهن وهكذا..آمر سريتي برتبة رائد طلعني اني اول واحد بالتدريب عود حتى ميتفشل گدام آمر الفوج لأن جاينه زيارة يشوف التدريب..اني هم صرت فاندام لان مطمأن هو تدريب شنو يعني!! وعلساس اني قديم وما أهتم ففتت أتمشه امسيطر و أفيّك عود عااادي عندي..چان تطلع جوه الدرج چلبه جایبه وعدها جراوه اني فتت وهاي طفرت بوجهي

متوحشه طلعت طاااير مخترع واصيح..إنوب الفوج من شافوني كلها گامت تركض وياي..

وناس تصيح شكووو!! وناس شردت ركض مثل الصاروخ وانبطحت..آمر الفوج هم شفته طاير هو وكرشه ويصيح على آمر السرية صدگ چذب !!! يا منعول الوالدين چان موتتنه ..

وهذا يگوله اررركض سيدي عباله البيت مفخخ صدگ..المصيبة آمر سريه گالي وين الكَتر؟!

گتله طاحت جوّه ، گال روح جيبها گتله سيدي يمعود صدگ چذب!! خل تولي اني اشتريلك غيرها

گال ابد الا هاي الكتر لان عزيزة عليهّ متدري اشفاتح بيها ، گتله هسه لو فاتح بيها الأندلس والعباس ما اطب جوه بعد..وشهر عقوبة من وره الچلبه بت الچلب بحيث من نزلت للبيت ضليت افز بنص الليل وأصيح الچلبه الچلبة..حبوبتي أم أبوي چانت تنام يمي شالت فراشها وگامت تدردم ربي سترك !! ماكو نسوان !!

وتتحلم بچلبه !!! ما تعرسون ولد القنادر