السلام عليكم ورحمة الله وبركاته
ازهيريات عراقيه
يامن نسيت الذي بعمره الك خاطرة
بالجذب ماظن على بالك ابد خاطرة
وانه بدموع الهجر كاتب الك خاطرة
صدكني هذا الكلب غيرك ابد ماهو
ضل عالي علو النجم حبك ابد ماهو
بالله اريد اسألك عن السبب ماهو
الشايل منيه الك ليش اكسرت خاطرة...
يــا صــاح جيت اســألك حظــي عجب مــايـلــي
ومـن دون كــل الـــبشـر أعــوج يظــل مــايـلــي
اسمعــنـي يـا صاحبي وأفهـم علــى مـا يلــي
سـاكن معــاي الحــزن مــا يرحــل وأنسى
وخــزن اجراح الــكلب ما شاف ابد ونسى
الناس كلها بفـــرح تضــحك ومتونــــسى
وانـــي يجينـي الفــرح يطـلع صفــح مايلـــي
يلي نكرت العرف ولغيري صاحب تخم
مدريت بمحبتك دلالي صابه تخم
بهمومك اشرب والف ماصفه همك تخم
وخطوط حبنا اصبحت ياحيف للف ورق
يالبعتني بالرخص منكسر كلبك ورق
وعداي من اهجرت بطبول دكو ورق
تاليها وي العدو كاشخ وضارب تخم
ياروح كضي الوكت بنجوم السما عدي
كل حبي لهذا الوطن ولغيرة ماعندي
بس على دجلة امر وعالباقي ماعدي
ومريض بحب الوطن شمحلة هيج عليل
ودنيتي نهار اصبحت ماامر انا علليل
ليش متنطي من المرض اذكر سبب علل
جاوبت ماانطي المرض لان مو بيدي مااعدي
راح وكسر خاطري ولملم طيوفه وشال
ونهر المحبه نشف ظلت جروفه وشال
الزمن ماعافني رد عالكفوف وشل
ما عفت حبك اناگلبي على گلبك ظل
عالهجر شو تعتنيعالوصل دومك ظل
بچتافي اغطي الشمس بالصيف اصيرن ظل
لو مر عليك الشتا لفنيعلى صدرك شال
رد مع اقتباس
