صباحكم عسل
حبيت اقدملكم طريقة سهلة لعمل الشوربة والطعم روعه حتى الاطفال حبو بحيث ابني ترك السيريلاك وحب الشوربة وتقبلها اكثر
المقادير حسب ذوقكم
شعرية
شوفان كويكر
كرفس
راس بصل صغير
كركم وكمون
رشة ملح
الطريقة
اول شي نحمس البصل لحد ما يذبل
نضيف 4 اكواب ماء مع الكركم والكمون والملح لحين وصولهم لدرجة الغليان
هسه نضيف الشعرية وخليتها الكم حسب اختياركم
بعد ما صارت الشعرية لينه اضيف ملعقتين كبار شوفان لكل 4 اكواب من المزيج
اخلط الشوفان بالملعقة مع الشعرية لفك تكتل الشوفان بالبداية واتركه لحين حصولي على مزيج بالثخن الي اريده بعدها اضيف كرفس مفروم واهدأ النار
اتركيها فد 10 دقايق تتهدر
والنتيجه شوربة تجنن وناعمه مثل المرهم
ملاحظة
يمكن الاستغناء عن الكرفس ،، انا استخدمه لفوائده والشوفان ايضا غني جدا
وتحياتي الكم
رد مع اقتباس
المشاركة الأصلية كتبت بواسطة همس المشـاعر
