صباحكم / مساؤكم جوري
شلونكم شخباركم اموراتكم يا رب تكونون بخير وصحة وسلامة
حبيت اسوي فطائر بالموزريلا والكرفس ولأني احبها مالحه وما تجي ع المرام من الفرن قررت اسويها بس بعجينه من فرن الصمون ،،،
ضفتلها ملح وملعقتين كبار زيت وعجنتهم من جديد وتركتها تشمس ساعه (على كولة سوزان)
فرمت مقدار بسيط من الكرفس وملحته وضفتله جبنة موزريلا وشكلت العجينة ولوثتها بالكرفس والجبن والنتيجة جايتكم تباعا
حضرت العجينة والصينية والكرفس مثل ما تشوفون وحطيت ورق الزبده بالصينية
طبعا حميت الفرن مسبقا على درجة 180 ودخلتها الفرن لمدة نص ساعه او 40 دقيقة
والنتيجة كانت روعه وطعم يجنن
وهنا فتحتلكم وحده حتى تشوفون شلون كانت مستوية ومنفشة
تحياتي الكم ويا رب تعجبكم
رد مع اقتباس
المشاركة الأصلية كتبت بواسطة Hani Al-Mayahi
