هنا

[البصري ابو مناف]

ابو عبيس طگة الاستفلاس وچان عنده حصـان اخذه للعلوة حتى يبيعه ، أجاه واحد وگله عمي تبيع الحصان ؟
گاله : اي ابيع بس ليجدام ترة بيه شغله وحده مو زينة .
گاله : شنهي الشغلة ؟
گاله ابو عبيس : عمي حصاني ماحافظ نفسـه !!
گاله : عمي آني اريده يسحب العربانة شريد منه قابل راح اناسبه !!
الزلمة اشترى الحصان واول يوم كلش زين واشتغل وحصل خوش خرجية .
ثاني يوم الحصان زگط الزلمة على بطنه وثالث يوم همشة بعضة من خاصرته ، المهم رجع الزلمة لأبو عبيس وگاله : عمي شو طلع حصانك يعض ويزگط وانت گلت
بيه بس شغله وحده ، ما حافظ نفسه .
ضحك ابو عبيس وگاله : عمي هو الما حافظ نفسه كلشي يطلع منه وما عليه عتب !!
رباط السالفة هاي النائبة تكول راتب النواب مايكفي ومايسد مصاريفهم زين شتكولين بالراتبة 150 الف وصاحب عائلة،،،،،،شكول، (بعد نواب كلشي يطلع منكم ) مثل حصان ابو عبيس ماعليكم عتب.

[النهر الصغير]

صدك جذب شنو هاي سالفة!!!!

[Hani Yaqoub]

اي والله يا ابو مناف
كلشي يطلع منهم

[M̲u̲S̲h̲T̲a̲Q̲ツ]

هاي ميكفيها مكياج ام السحورة ههههه
شكرا ايها العم

[علي الموسوي الموسوي]

المتصابية صباح التميمي كانت زوجة الفنان مكي عواد وانفصلا وهي اصلا مديرة روضة وظهرت كثيرا في حفلات وليد حبوش مع الاطفال ولا اعرف هي دكتورة في اي شيء واين تصرف راتبها بحيث لايكفيها ... شكرا على القصة سيدي الفاضل

[Scrap]

هههههه شكرا والشكر للرباط الرائع

[جنـات]

هههههه فعلا بيها ربط ..

مشكور ع الموضوع

[اوسو$]

حقها المرة ...يادوب يكفي مكياج وعمليات تجميل وشعر الله يساعدها ...ياشعب العراق لمولها تبرعات خطيه

[مجّد المجّيد]

عود ليش دكتورة صباح التميمي زرگة ؟ خاف المكياج مغشوش ههه

[ثامر الحلي]

ربّاط السالفة ع المرام
شكراً عمو ابو مناف