الله شاهد لا تهنيت بحياتي
دمعه دمعه الليل اخلصه يلا انام
والعلاقه البين عيني والشمس بس السلام
وريتي ديره
صايره الدخان باكيت الجكاير
ومادخلها الهوى الخام
شلون اشوف الراحة واني
من وره الشباچ كلما ريد اعاين
حسرتي اتغوش الجام
ويمته اوصل للاريده
واني خطواتي اعله گدي
وماتحققلي الاحلام
امنيتي اعرف
ليش عود
تاكل ابروحي الملامة
واني ماماكل حرام
من كثر ماكلبي حار
ضلوعي سمرة
ويوم عن يوم اللألم ياخذ مساحة
بجسمي گام
كلشي مادامالي
بس حزني الوحيد
اوياي دام
الله شاهد لاتهنيت بحياتي
ولا شفت كلشي من ( الثلاثين عام )
بيه نار من ارد اهدها
اتذكر الكفار بحرورة جنهم
وبيه هم ماينوصف بس بالكلام
خلصت عمري
افكر بالخلاص مَن العذاب
وابد مالحكت افكر بالهيام !
هذا اني
دمعه دمعه الليل اخلصه يلا انام
علي داخل
رد مع اقتباس