اليحـبك يشتريك ..
شـما غليت
اليحـبك يشتريك ..
شـما غليت
ويگـلك ليـش تتغزل بالعيـون منها شمقصـدڪ؟ شنـهو التريـده؟
دباوع زين يـامن عنـدڪ أحساس..
مو كل نظره من عدهن قصــيده؟؟؟
بالي يمه وحيل احبه
وعندي رقمه
واخاف اخابر
ويرد عليه النايم بصفه شگله؟؟
اگله نطيني روحي النايمه بحضنك
لو اگله نطيني عمري الضاع واني انتظره
شرد اگله حيل صعبه!!.
روح شما تريد تروح
تاليتك تجي ابالي...!
لـ ياسر فليح
منو اتشرف بالأخر علي لو رمضان ...
توقيت الشهاده بهل شهر عبره ...
حيدر زاد قدره بموته أبرمضان ...
لو رمضان هوه الزاد من قدره ...
نسمع بالسنه مره بشهر رمضان ...
وحيدر كل فريضه المأذنه اتذكره ...
وتره رمضان بيه ليلة قدر لاغير ...
وعلي بيه الحسن وحسين والزهره ...
ما مر يوم حيدر ماذكر مسكين ...
وشهر رمضان يخلص يالله الفطره ...
وجائز ان تسافر في شهر رمضان ...
ايام الشهر عوضهن بأخرى ...
وعبّر لو مريض وصومهن بعدين ...
بس حيدر چذب ما تگدر اتعبره ...
ما صدگ گصير القامه يامولاي ...
مااگدر أبد واستوعب الحاله ...
چذب حيدر گصير وهاكم البرهان ...
من فوگ الفرس يشمر الخياله ...
جائز .. حيدر أبطول الرسول أيكون ...
لأن بات ابمكانه بيوم ترحاله ...
