هنا

[سارهـ الطائي]

اگلك نام
مامش كلشي ع الشباچ غیر الریح

مظفر النواب

[روجـيـنـا ♡]

يما سهرتني جروحك اه جروحك مو حرامم انت نايم مستريح واني ماااكدر انام

[روجـيـنـا ♡]

لو منتبه لمن صار الوداعتلكة الحزن جوة الابتسامات

يجيلك يوم تذكر كلشي وياي
تحن ! وتختصر كلشي بحرامات

[روجـيـنـا ♡]

.
اليدور راحه

بفراك ..اهله غلطااان

الجذر ميشوف راحه بفركت الطين

بدون الوالدين البيت تابوت

جنازه يصير شايلته الحياطين ..

[هيثم الغراوي]

الله حلوووو؛،

[احمد العثمانيے]

إلى فهد - عن الوطن والأيام - 1970

زهت زومات بحزامه
مشه عيونه بعيده... هناك ﮔدامه
مشه الريح التوصت تغسل الدنيا...
وترد ترتاح.. تتلملم حمامه
مشه وما خطّت العثرات زله.. ودغش باحلامه
كتب فوﮒ الرمل البعيد، حزن إمه
كتب ليل الزلم.. والنايحه بدمه
كتب فوﮒ الحياطين القديمه...
اسم المحبه وغيرته السمره
تواريخ الفرح.. والخوف، واليوم الحلو بعمره
كتب فوكَ الرصيف اسمه.. ومشه يغني
يدولب بيه درب ميشوم
صديق الزوم
روحه النجمه المغبشه.. من تلتم لياليها...
يهب شيمه بشوارعها.. بمدارسها.. بحدايقها..
غضب أسمر
غضب ﮔوّه
مشه وياها.. ونبع بالظيم والذلّه عشـﮓ توّه
شهـﮓ واهس يشيم الناس للخوّه
مشه وياها وترس نجمة هلاهلها...
وتطرّز حلم من تنهض ﭽفافيها غضب..
يخنجر فضه ومدلل.. صخي الفوتات من تصطك مصايبها
تسولف خنسه وبسد الحـﭽـي البسكوت يوم أبيض
إلك حزن العراق وﮔلب بأيام الزغر ﮔيّظ
إلك ليل الـﭽفافي البيض كَمريه...
تلثم يلغوه وملح المراجل
يلملثم.. بالهوا الغربي.. يلمحزّم
بالصبر
والصبح
والدم


الراحل : علي الشباني

[مؤرفين 'ۦ ']

تگصر سنيني من اذگرك
ومنچل افراكك بالمخضر يحش

سالفة سوالي فاگدك
منها حتى الكلبه ميت ينخدش

[أمير الأحلام]

راح اصبر بعد واصبر واناطر
على الله وتنجبر بيك الخواطر

[سارهـ الطائي]

ليش اتاني
لا تـواعدنـي اعله باجر
وانــه شفتك شگگـت موعد امـس



زامل الخفاجي

[هيثم الغراوي]

الله حلوووو