اكل للناس ماحبك ونه مجنون بعيونك
واداري النار لبكَلبي وتسعر من يذكرونك
حلو وبحبك انجنيت ولا مثلي اليحبونك
وارهم روحي وانه ادري ابد ماارهم بدونك
ولملم حالي تاكلك احبك وانه مجنونك
لكن من اصل يمك اكلك مرحبا شلونك
دور بدينك يغالي الروح بيدينك
انك تجافي اللذي مديونله دينك
بالعجل جتي النهايه وتونه بادينك
وريت كَلبي ولا عالماي تحظرني
جانت امنيتي كبل ماموت تحظرني
تغمضلي عيني يسهاي العين بيدينك
**********
تغربنه وكَضينه العمر اغراب ونموت اغراب واغراب اليدفنون
وغريبه جنازتك وبلايه احباب
ولاتسمع بجي ولا دمعت عيون
ولا امك عليك بحزن تنحب
ولا يمك اخوتك حتى يبجون
مات الله يرحمه وهالو تراب
واجفوك وبعد لظن يمرون
*******
ماغاب طيفك عن عيوني ولا تنور
ولمن نجي عصدك تميل وتناور
وكلما اكَلك ذبت دكَلي اتنه
وووورر كَلبي بهواك ولك بيت بنصه عمر
وصدك يا منيتي شماابلعو بلعو مررر
بدا تقل حلاة البشر كلما كبر بالعمر
بس انت طبع الكَمر من تكبر تنور
*********
مت بغرامك صرت يا نور عيني كحال
الغريج الذي جلب بكَشه كحل
انت مصية حسن من الشعر للكحل
وحسنك يغالي مثل سيفٍ ظربني فشك
صدري ونزل عالكَلب هم وصلتين انفشك
انت بليا كحل عينك تنثر فشك
تريد تهمدنه تجر فوك النواظر كحل
*******
اتمنى تعجبكم
علي الازيرجاوي
رد مع اقتباس
