هاي مجموعة من الومضات اللي اختريتهن الكم و ان شاء الله تعجبكم :
غدارة الخناجر جذب بس صيت
البشر غدارة شعليهة الخناجر

اذا رايد بشر ما يعرف يخون
عوف الناس كلهة و عاشر امك

سبحانة الخلق هالخلقة من هالطين
اظن طينك صفر مو طين عادي

مريض اني بغيابك وجهي اصفر صار
بالشارع فتت صاحولي تكسي

الله اذا خلاني ريس عالعراق
اخلي ضحكاتك نشيد الوطني

هية مو زاد و ملح لا مستحيل
الصديق الزين يوفي بنستلة (تويكس)

الصحبة امتحان و قلة شطار
لا تعتب عليهم لمن يرسبون

عقلي شكد يبذر لمن تغيب
يصرف بالدقيقة الفين صفنة