......♥
يالي غروك بضواهم ماخذت عبرة من امس
مادريت بكلشي يلمع ينطفي بجية الشمس
ليش غروك بثمن جداً بخس
زحل لابس حلقة عمرة وما حضة بزفة وعرس
ليش تستوطن بصدر
النسمه التطب صدر ميت تنحبس
يا غروب الباگ طولك ضوى
ببرودك دافي مرني الرية ميهمهه شيمرها المهم تتنفس هوى
غلطتك لمن شفتهم والاصابع گطعتها
اهنانه صارن كل اصابيعك سوى
گمت متميز الجرح من الدوى
بخلت عيوني بدمعهه وبالي لح يريدني ابچي
وماكو فد صاحب يعين
گلت حتى ابچي بمزاجي راح الم چم رمش باقي
واخذ دموعي واسافر وين ماعند الله عين
وصدفة اذا نتلاگة گلي الله يتقبل افراگك
وانة اگلك اجمعين
قلبي ادرك ما مضاه و فاته .. فأعلن وفاته
كتبت لها على اخر ورقةً من شجرةً على وشك الموت
حطم ما شئت الا قلبي انتبه .. انت به
قال انا وطنٌ غامضٌ لا يفهم الغازي .. الغازي
قلت له اجل وعندما قلت اجلي حل اجلي
الا ياليت ما حل بنا بي
الاخذ من واقعي الحلمة بنا بي
بعد ميفيد اعض صبعي بنابي
وعلي عضيت نابي بصبع ادية
كانت عيناها حضارتان
الولى لعنة مصر القدر كما لموسى اباحَ نيلها ،، اباحني لها
والاخرى ببابل في بلد الجنائز المعلقة
كتب لها معلقة ولم ترى معلقة
اين اعلقها ..
لم يتبقى شي واقف سوى الموت
الكل انحنى امامه
لا تلوميني من ادنگ هامة العوچية دنگت
ساعدت چف الفقير
ابالي ظلت مزهريتچ ورد معروض بمقابر
فوگ ما ميت اسير
چن جنح خفاش املس
حلمي حدة الليل ويكف
حتى ليغث يوم ريش
وحتى لا ازاحملي احد
جسر جوة الماي اعيش
وياما گتلچ هوا مو كل مگفة فرگة
مگفة چفي بوجه بابچ دگتة ملگة
اليسد بيبان عينة يريد
ينطي الطيف شبگة
گلتي ما نزلت دمعتك
وانة اذكر بيها گتلچ
عبرة الرجال خنگة
گلتي اذا مجروح انزف
بس جرح درويش جرحي
بلاية دم ياهو اليصدگة
وبيه حسرة شاعر اخرس
يكتب الغيرة ويسمعة
وتعلة بالجمهور صفگة
وقيسي انتي شلون حرگة
يهني واحد اخذ حگة
وياما گتلچ ضمي روحچ
سبب گطع الورد عطرة
النهر عطشان ماية
ودمعة الغرگان طاحت
زيدت العطشان گطرة
النجمة من گد جميلة
الليل لبسها عباية
ضمي روحچ ختلي باي قرآن اية
الليل ميهم گلبي يقرة
الگمرة گد مخبازة امي
يعني خبزة امي گمرة
وياما گتلچ صيري ذني
السمه التغيم تحجبت
المطر دمعات توبة
بگد عدد چم يوم فرعت
والدعاء وكت المطر فد شي عفيف
ينغسل وهوه بطريقة ويصعد الربة نظيف
حاصروني والهوى الطب گصبة صيح
ضايگوني والضوة الضيگوا طريقة يطيح واگف
يا برودچ
والضباب بلا حطب دخان بارد
يا غروبچ والسراب بلا جرف كل عمرة شارد
ذني كلهن مفتهمهن ياسمين انتي مثلهن
نقطة رادچ كم حرف
البحر من يعشگ سفينه يغار من تحضن جرف
بكل بساطة الروجة فدشي
الماي فوگ الماي يمشي
و هذا چان اشكال عندي شگد اروحن بي وارد
هذا تفسير انتي وردة شلون بيدينچ ورد
جرح فوگ الماي طيفچ
گبل لا ينشاف يعتم
وچن گمر نص وجهي نايم
صاير بتك عين احلم
سولفيلي النبرة نية الصوت
منهه شضاملي يحاچيچ ينحس
الصدرة ميدگ گلبة اخرس
وحالي لو ردت اعترفلچ
چن مسيحي ذنوبة كثرت من يگابل حچرة القس
بكثر ما امشي اعلة مايچ گمت اشك بروحي نورس
شوفي تاه بقوس خصرچ
استچني عيوني واهدي
هوة خصر النخلة مدري منين يبدي
يا اكثر من كلش حلوة
لو ردتي تگطعين الوردة غصن البيها يگلچ فدوة
كانت بسيطة كما انا
مملوحة كما انا
كعلوِ غيماً بالسما فوق الجروح بلسما
سبحانه ما اوجدا من نسل اما او جدا
شجابچ ويانة ونزلتي ادم التفاحة
ماكل وانتي حورية شأكلتي
في عينيكِ صحوا انتشائي فقط ما صرت الا ان تشائي
ترابا صرت طينا انت مائي .. لذا اعلن الكِ انتمائي
بلاية اليش رحتي ما شي رحتي .. ولكن ليش رحتي ما شرحتي
شيحد كبريائچ وانتي صرتي .. حرب چنچ دخلتي وانتصرتي
و على خطوة رجوعچ ما بصمتي ... وعبرتي ما بقريتي ما بصمتي
رقم ساعة انه اخرس وانتي ميلي .. حچيني ارد انتميلچ وانتميلي
بعشرتچ يا عتبتي يا شكرتي الى ان ذاب طعمچ يا شكرتي
يمكياج الصواني يا سمرتي .. يسألوني واگلهم ياسة مرتي
كانت انثى ان تكحلت حلت .. وان تبسمت سمت
لكي اصل اليها احتاج الى حظ ذالك الي رسم منه خطاً مستقيما اوصله بالقمر دون ان يتعثر بنجمة في طريقة
گدامچ بلا وعقل اربط نجوم برسم بس حچيي مابي ربط
معسول لون وطعم شعرك اشك ينوكل عضتة سنون المشط
بحچايتك في اذن حچيك مبلل صيب ما ينسمع ينغرف
وجهك رذاذة ثلج مو رصعة من تبتسم
يطلع بخدك زرف
مابين رمش ورمش
ليل لابد كحل حسبالة ما ينعرف
مابين چتف وچتف
بالطول واگف نهر
مو ماي بس بي جرف
احچاية طعم اللسن
والسانك شگد حلو ماگايل انت حرف
اتمنيتة گربك مثل چفين تدعي السمة
هيچ انة يمك اصف
شعرك وليل الشتة
وجهك خيوط الفجر
راسمها حبر بضوى
من الخصر تختنگ
من تشهگ برگبتك ينشاف لون الهوى
اتباوعت و اتباوعت ع السمة
غيم الله ظل يرسمك
مطرت ملامح عليّ
اتمنيت اصابع برق روحي اعلِة غيم السمة
واگدر الزمك بِدي
الشوف بابه جفن
والطيف عكس الخلگ لو راح ما ينلزم
بس انت من فتحت
ظل للصبح ما طفة
مچلب برمشك حلم
كان لي قانون يقول كل من انا لها .. انالها
كيف اصبحت انا لكِ .. ولم انالكِ .....
.........
فقرة احنة مابينة ربح
بس جرب ومرنة بصبح
تلگة النحل لازم سرة
يصبلك عسل بريوگنة
بينة سواد بلا حقد
بيت الله لو عايز سگف
چان انبنة بطابوگنة
حسين علي المطوري
رد مع اقتباس
المشاركة الأصلية كتبت بواسطة المتوكل علي
